رتبها

مساءالخير...جمعه مباركه
أخبار الكوكب...... كوكب الجمعة
و لو إنتوا مش متابعين أخبار الكوكب...
بسرعة كدا هاتوا كوباية الشاي بالنعناع... اللي بيهدي
وتعالوا ناخد لفة ف أخبار الكوكب....
ومطولش عليكوا وقولولي طول.....
♦️ اليابان...
هو الشعب الياباني ده ملهوش أهل يسألوا عنه....!!!

لا بجد انا بسأل والله.... هم اليابانيين دول ملهومش اهل يسالوا عنهم...!!
أصل رئيس الوزراء الياباني طلع إمبارح يناشد الشعب الياباني تخفيض إستهلاك الكهربا وبيقولهم ورحمة بوذا ما في عندنا طاقة ولا غاز وهنقطع عنكوا الكهربا

لا دا إحنا نعمل بقا للسيسي مقام ونسميه مقام سيدي العارف بالله السيسي علشان الراجل ده من سنة ٢٠١٦ وهو بيبني محطات كهربا
ومحدش كان ساعتها عارف هو بيبني كل المحطات دي ليه !!

أيون .... علشان كان عارف إن هتحصل ازمة طاقة ف الكوكب كله بعد ٧ سنين ومفيش مصري لحد دلوقتي إتحرم لا من الكهربا ولا من الغاز
فحين المواطن الياباني بيوعاني
تصدق بالله...... رغم كدا وبرضوا في ناس من الشعب المصري مش عاجبها السيسي

♦️ وع الناحية التانية من الكوكب....
👌 أمريكا.....
إتلم تنتون على تنتن والإتنين....... ممممم واتيفر يعني
بعد ما أمريكا عملت قانون مكافحة التضخم وقالت إنها هتدعم الصناعة الامريكية طلع ماكرون جري على امريكا علشان يقابل بايدن وقاله إيه بقا ...

كدا يا صاحبي .... دا إحنا آكلين سارقين ناهبين مع بعض ف الكوكب
وقانون مكافحة التضخم اللي إنتوا عملتوه ف امريكا ده هيفشخ الصناعات والمنتجات الاوروبية علشان انتوا عندكوا غاز وإحنا لاء
وكدا إقتصاد الإتحاد الاوروبي هينهار حرفيا وهتشمت فينا بوتين

خد بالك دا السبب الرئيسي لزيارة ماكرون لأمريكا....
وبعد المباحثات والمداولات بين بايدن وماكرون إتفقوا على ان امريكا هتدعم الصناعات الفرنسية....
آه والله الخبر كدا....
ماكرون يطالب امريكا بدعم الصناعات الفرنسية
بايدن قاله طبعا هدعمها بشوية غاز متقلقش يا زميلي

آه منا أحبك أحبك بس مش أكتر من نفسي
بس تقريبا كدا ماكرون وبايدن متفقوش وامريكا قالتله ان جالك الطوفان حط ابنك تحت رجليك
علشان كدا خرج ماكرون فمؤتمر صحفي يقول.....
ان الصراع بين امريكا والصين على زعامة العالم هيمحي الإتحاد الاوروبي

ولازم الإتحاد الاوروبي يحل مشكلة الطاقة بأسرع وقت ويسرع من وتيرة الصناعة والإصلاح الإقتصادي علشان يواجه طموح واشنطن
معلش ثانية واحدة......
إصلاح إقتصادي....ف الإتحاد الاوروبي!!
دا الكلام ده مكناش بنسمعه من ساعة ما إتولدنا غير في دول العالم التالت والله

👈 كمان فكوكب امريكا....
طلع بايدن يقول ...
أنا على إستعداد للتواصل مع بوتين لإنهاء الحرب دي في حالة إن لو بوتين قرر وقف الحرب نهائيا...
خرج ديمتري بيسكوف وقاله....
غور ياااض .... المعلم بوتين مش هيتكلم مع حد غير بعد ما السنة تخلص ونشوف يا عالم من عايش ومين لاء

خد بالك ان الدولار بدأ يفقد قيمته على مستوى إقتصاديات العالم وفي دول كتير بدأت تخلص منه و تشتري دهب وتحول إحتياطيها من دولار لدهب ومنهم مصر

👈 كمان فكوكب امريكا....
طلع ترامب وعمل حفلة على بايدن وقال....
بوتين دا راجل ذكي جدا.... أخد دولة شاسعة زي اوكرانيا ومواردها عظيمة وبتأكل نص الكوكب وفيها نص حديد كوكب الارض بشوية عقوبات متكملش دولارين..... ومشوفتش أغبى من بايدن ورؤساء اوروبا. ... آه والله قال كدا

طلع البيت الابيض رد على ترامب وقال....
ترامب دا خنزير بوتين المدلل

♦️ وع الناحية التانية من الكوكب....
👌 فرنسا.....
الشعب الفرنسي لسان حاله بيقول....إضرب يا باشا كمان علشان أتوب
وبعد أزمة البنزين اللي بتضرب فرنسا كلها طلعت إمبارح الشركة الوطنية المشغلة للكهرباء ففرنسا وقالت....
على الشعب الفرنسي ان يستعد لقطع الكهرباء ف الشتاء

♦️ وع الناحية التانية من الكوكب....
👌 إنجلترا....
الخبر على BBC بيقول ....
إضرابات يوميا فكل القطاعات تشل الإقتصاد البريطاني لحد عشية أعياد الميلاد
يعني الشعب الإنجليزي هيفضلوا يضربوا فعشرات ..... الإضرابات يعني
لحد آخر السنة ومحدش عارف يوقفهم

♦️ ع الناحية التانية من الكوكب....
👌 سلوفينيا....
طلعت وزيرة خارجية سلوفينيا وقالت....
إذا استمر انقطاع الكهرباء في أوكرانيا سنواجه أزمة إنسانية
ما بوتين قالكوا ....
اللي يلعب الدح..... ميقولش أح

♦️ وع الناحية التانية من الكوكب....
👌 الصين .....
الأسهم الصينية ف بورصة وول إستريت بتكسب مكاسب خرافية
فحين إن الأسهم الامريكية بتنهار
دا معناه إن المستثمرين واثقين ف الإقتصاد الصيني

♦️ وع الناحية التانية من الكوكب.....
🔴 كوكب تحيا مصر 🔴
وف كوكب تحيا مصر....
يااخي والله البلد دي أدن ليها نبي ...
زمان وإحنا فسنة خمسة أول أخدنا فكتاب الدراسات بتاع الإبتدائي....
علشان مصر تكون دولة متقدمة لابد الخروج من الوادي القديم
وقعدنا أجيال واجيال بنحفظ الجملة دي..

ومش عارفين معناها إيه ولا عارفين يعني إيه الخروج من الوادي الضيق القديم ولا هنخرج إزاي ولا حد فهمنا نخرج إزاي...!!
وفكتاب التاريخ بتاع سنة تالته إعدادي حفظونا إن محمد علي بنى الدولة الحديثة بشق الترع وتمهيد الطرق وزيادة الرقعة الزراعية

وقعدنا سنين وسنين وأجيال ورا أجيال بنحفظ الكلام ده ومش عارفين مين اللي هيعمل كدا....
لحد ما جه الرئيس السيسي......
ورصف الطرق وعمل كباري ....
وشق الترع وبطنها كمان.....
وإمبارح بس يادوب بعد ٣٥ سنة عرفت يعني إيه الخروج من الوادي القديم

لما إفتتح الرئيس السيسي مدينة المنصورة الجديدة وقال إن في ٣٠ مدينة جديدة زيها من الجيل الرابع
إستنى هنا يا كونت دي مونت كريستو هو يعني إيه مدينة من الجيل الرابع....!!!
يعني مدينة تعتمد على التخطيط الهندسي السليم وربطها بمحاور الطرق الرئيسية منغير عشوائية

وبتعتمد على التكنولوجيا الحديثة وإستخدام الطاقة الحديثة
مش كدا وبس وكمان تكون بعيد عن الوادي القديم
مش كدا وبس وربطها بمناطق الإنتاج والمناطق الصناعية والمدارس اللي فيها تكون على اعلى مستوى تكنولوجي من التعليم
والمستشفيات على احدث الطراز

حتى الالوان والجناين والصرف والمية والتليفونات والانترنت والغاز كلها على احدث ما توصل ليه العلم
هتقولي دي مش لينا.....!!!
هقولك آه مش ليك انت خالص....
إنت حضرتك هتعيش وتموت ف الوادي القديم
بس إبني وإبنك مستقبلهم هناك

هتطلعي عروسة البحر الابيض المتوسط من المطبخ وتقولي بقولك ايه يا كونت بلاجيل رابع بلا جيل خامس إحنا عايزين ناكل ونأكل عيالنا...!!
هقولك يا ستي أبوس غطا حلتك تخليكي ف مطبخك علشان ولادك عارفين إني هو دا مستقبلهم
وزمنا غير زمنهم ودمغنا غير دماغهم
وهضربلك مثال....

انا وانتي وكلنا متخيلين إن التعليم الصح كراسة وكشكول وشنطة ودا اللي إتربينا عليه
وإن التعليم الصح للتلميذ يقعد يكتب عشر صفحات كل يوم من الكتاب دا اللي إتربينا عليه..
دلوقتي إبني قاعد جمبي ماسك التابلت وبيذاكر وبيعمل الواجب وهو راكب جمبي العربية ورايحين نتغدى برة..

والميس بتاعته داخله معاه زوم هو والكلاس بتاعه وبتشرحلهم ...سيبك من إن الميس بتاعتة ف الفيديو كونفرانس جامدة الصراحة يعني ممممم فالشرح يعني
بس إبني عمال يناقشها ويكتب ع التابلت وانا اقسم بالله ما فاهم هما بيقولوا إيه ولا بيعملوا إيه.!
انا بس عمال اهز فراسي ومحسسهم إني انا فاهم

ف الجيل الجديد ده من المصريين مينفعش يقعد معانا ف الوادي القديم
الجيل ده سابقنا ب خمسين سنة ضوئية ....
علشان كدا انا مش خايف على مستقبل مصر

👈 كمان فكوكب تحيا مصر.....
خبر قالب الدنيا كلها .....
مصر صنعت الدبابة الأمريكية "M1A1" في مصانعها الحربية وبتقوم بعمل عمرات لطائرات منها الميراج الفرنسية.....
مش كدا وبس.....
دي كمان مصر بدات تصنيع أجزاء من طائرات "إف-16" الأمريكية .....

👈 كمان فكوكب تحيا مصر....
مصر بتبني اضخم صوامع فتاريخها..... تفتكر فين ؟؟
مصر بتبني صوامع غلال مصر الجديدة بمنطقة توشكى بسعة تخزين 500 ألف طن قمح بتكلفة 1.6 مليار جنيه
تفتكروا إيه اللي بيخلي مصر عمالة تبني فصوامع وبتخزن قمح بالكميات الضخمة دي؟؟

♦️ كمان فكوكب تحيا مصر ...
فاكرين بوست أخبار الكوكب اللي فات لما قولتلكوا فكوكب ألمانيا إن رئيس إتحاد الصناعات ف المانيا قال إن ألمانيا هتفقد مكانتها الصناعية
الله أومال هتروح فين الصناعات الالمانية يا كونت؟؟
ياعم قولنا شركة مرسيدس وبي إم دبليوا هيروحوا فين ؟؟

تعالى هقولك هيروحوا فين .....
طلع رئيس شركة غلوبال أوتو للسيارات وقال :
- الشركة ستعيد إنتاج سيارات BMW محلياً في مصر.
والشركة تعتزم استثمار 100 مليون دولار في مصر خلال الفترة المقبلة.
و هتصنع أول دفعة سيارات من طراز BMW ف مصر خلال شهر يناير 2023

كفاية كدا علشان شكلكوا زهقتوا مني علشان طولت....
وتقعدوا بالعافية.....
بيعيرونا بفقرنا...... بس أنا مش هسكت
عبدالفتاح السيسي
والسلام عليكم ورحمة الله وبركاته
تحيا مصر🇪🇬
تحيا مصر🇪🇬
تحيا مصر🇪🇬
كونت دي مونت كريستو

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد