نصائح دكتور قلب في 30 ثانية-د. خالد حامد
1.نغزات في صدري يادكتور بتخليني مش قادر اخد نفسي.. وتزيد لو نمت علي جنبي الشمال
= النغزات اللي بتحس بيها في نقط محددة وتقدر تشاور عليها بصباعك وتروح وتيجي لا تدل علي مرض بالقلب وغالبا سببها نفسي مع التوتر والقلق والضغط العصبي..👇
1.نغزات في صدري يادكتور بتخليني مش قادر اخد نفسي.. وتزيد لو نمت علي جنبي الشمال
= النغزات اللي بتحس بيها في نقط محددة وتقدر تشاور عليها بصباعك وتروح وتيجي لا تدل علي مرض بالقلب وغالبا سببها نفسي مع التوتر والقلق والضغط العصبي..👇
مخيفة وتحسسك انك هتموت بس مش هتموت ماتخافش دة قلبك بيهزر معاك
2.ضربات قلبي شوية ألاقيها سريعة وشوية ألاقيها بطيئة.. هو الجهاز بيقيس غلط ولا ايه.. انا تعبت!
= معدل الضربات الطبيعي بيكون من 60 الي 100 مش رقم ثابت والمعدل دة في اوقات الراحة والاسترخاء، ربنا خلقنا علشان نواجه 👇
2.ضربات قلبي شوية ألاقيها سريعة وشوية ألاقيها بطيئة.. هو الجهاز بيقيس غلط ولا ايه.. انا تعبت!
= معدل الضربات الطبيعي بيكون من 60 الي 100 مش رقم ثابت والمعدل دة في اوقات الراحة والاسترخاء، ربنا خلقنا علشان نواجه 👇
متغيرات الحياة ونتغير ونتأقلم معاها بما يناسب الموقف والجهد المبذول.. وانت نايم ضربات قلبك ممكن توصل للخمسينات إنما وانت بتجري لو ضربات قلبك فضلت 70 ومازدتش.. فدة يدل علي خلل في استجابه القلب في الحالة اللي المفروض ضرباتك تزيد فيها جامد وتعدي ال 100 كمان .. 👇
لما تجري المفروض معدل ضربات قلبك يوصل ل
احسب معايا: 220 - العمر بالسنين =
يعني لو انت سنك 30 سنة المفروض لما تجري ضربات قلبك توصل تدريجيا ل 190 ضربة في الدقيقة ودة الشخص الطبيعي، في حين ان لو ضربات قلبك وصلت 170 بدون مجهود فجأة ممكن تدوخ ويغم عليك ويشيلوك علي المستشفى 👇
احسب معايا: 220 - العمر بالسنين =
يعني لو انت سنك 30 سنة المفروض لما تجري ضربات قلبك توصل تدريجيا ل 190 ضربة في الدقيقة ودة الشخص الطبيعي، في حين ان لو ضربات قلبك وصلت 170 بدون مجهود فجأة ممكن تدوخ ويغم عليك ويشيلوك علي المستشفى 👇
وتعتبر مريض قلب!
فزورة حلوة اوي دي 😂
هبسطهالك..
كلنا ضربات قلبنا بتزيد وتقل.. لكن بتزيد امتي وتقل امتي تلك هي المشكلة.. فاهمني يا محمود...
3. هو انا لو عندي سكر واملاح ممكن السكر يعادل الملح ومالوش لازمة اخد علاج
= ممكن طبعا.. بس دة لو انت بتعمل شاي بلبن.. 😂👇
فزورة حلوة اوي دي 😂
هبسطهالك..
كلنا ضربات قلبنا بتزيد وتقل.. لكن بتزيد امتي وتقل امتي تلك هي المشكلة.. فاهمني يا محمود...
3. هو انا لو عندي سكر واملاح ممكن السكر يعادل الملح ومالوش لازمة اخد علاج
= ممكن طبعا.. بس دة لو انت بتعمل شاي بلبن.. 😂👇
لكن في الجسم الوضع مختلف.. السكر بنحطه في حتة والملح في حتة تانية خالص
الجلوكوز مصدر للطاقة.. عند مريض السكر بيتراكم في الدم ولا يستطيع دخول الأنسجة علشان مافيش انسولين يفتح له البوابات
لكن الاملاح زي الكالسيوم والصوديوم بتتراكم في الكلي وتسبب حصوات.. مابيتقابلوش كتير الحقيقة👇
الجلوكوز مصدر للطاقة.. عند مريض السكر بيتراكم في الدم ولا يستطيع دخول الأنسجة علشان مافيش انسولين يفتح له البوابات
لكن الاملاح زي الكالسيوم والصوديوم بتتراكم في الكلي وتسبب حصوات.. مابيتقابلوش كتير الحقيقة👇
4.شوف اللي جاي دة بقي🤓.. بيقولي انا يادكتور بقيس ضغطي وبقاله اسبوع مايقلش عن 150/100 فقلت "يا أنا يا هو"
فضلت اشرب كركدية كل يوم واقيس الضغط مابينزلش! زودت الكركدية لغاية لما بقيت اشرب 4 كوبيات في اليوم وجالي اسهال وتلبك معوي والكيكي لونه بقي احمر وضغطي بردو مانزلش !👇
فضلت اشرب كركدية كل يوم واقيس الضغط مابينزلش! زودت الكركدية لغاية لما بقيت اشرب 4 كوبيات في اليوم وجالي اسهال وتلبك معوي والكيكي لونه بقي احمر وضغطي بردو مانزلش !👇
فقولت لأ.. انزل اكشف أنا بقي 😀.. نزل هو والضغط مانزلش 🤝
= الضغط المزمن لا يمكن علاجه بالكركدية.. واحمد ربنا انك لسة عايش لغاية لما جيت كشفت وخدت علاج حقيقي ينزل الضغط قبل حدوث مضاعفاته الخطيرة علي القلب والمخ والعين والكلي. 👇
= الضغط المزمن لا يمكن علاجه بالكركدية.. واحمد ربنا انك لسة عايش لغاية لما جيت كشفت وخدت علاج حقيقي ينزل الضغط قبل حدوث مضاعفاته الخطيرة علي القلب والمخ والعين والكلي. 👇
5. انا مركب دعامة دوائية في الشريان التاجي من اسبوع وحاسس انها اتحركت من مكانها وعملالي وجع في الحتة دي.. اهي يادكتور الدعامة تحت ايدي كدة!
= الدعامة لما بتركب بتتنفخ بالبالون إلى ان تمسك في جدار الشريان وماتتحركش تاني من مكانها ولا بالطبل البلدي ولا ينفع تتشال او تتغير..👇
= الدعامة لما بتركب بتتنفخ بالبالون إلى ان تمسك في جدار الشريان وماتتحركش تاني من مكانها ولا بالطبل البلدي ولا ينفع تتشال او تتغير..👇
اما بقي انك حسيت بيها فدة لا يمكن لان جدار الشريان الداخلي مافيهوش خلايا حسية اساسا وإلا كنا حسينا بسريان الدم في كل شرايين الجسم.. ودة شئ لا يتحمله بشر سعادتك لانك كنت هتتحول لنافورة متحركة بصوت خرير الماء في كل جسمك🤔.. آلام القلب اللي ممكن تحصل مثلا مع الذبحة الصدرية 👇
او الجلطة دي نابعة من "عضلة" القلب لما يتوقف عنها الغذاء بالأكسجين نتيجة ضيق الشريان التاجي.. وليس ألم من "الشريان" نفسه 😉
6.انا لما بنام بسمع صوت ضربات قلبي في وداني
=لا دة انت تيجي تمسك السماعة بدالي بقي😄 كان زمان الدكتور بيكشف علي المريض بأنه ينام علي صدره ويسم ضربات قلبه👇
6.انا لما بنام بسمع صوت ضربات قلبي في وداني
=لا دة انت تيجي تمسك السماعة بدالي بقي😄 كان زمان الدكتور بيكشف علي المريض بأنه ينام علي صدره ويسم ضربات قلبه👇
وودن الدكتور علي صدر العيان لغاية لما جه دكتور فرنسي كان بيتكسف شوية اسمه رينيه لينيك قالك لا ياعم عيب احط وداني علي جسم واحده ست انا هسمع بالخرطوم من بعيد.. فانتشرت فكرة السماعات الطبية وأتطورت لدرجة ان بقي سهل جدا نسمع ونشوف قلبك كلنا بجهاز الايكو 🖥️.. 👇
فمخدت حضرتك وانت نايم احيانا بتقوم بدور السماعة وتوصل الصوت من قلبك لودانك.. وانت اللعبة بتعجبك وبتركز معاها لغاية لما تعملك هسهس في دماغك ماتعرفش تلغيه وتيجي تكشف علشان تطمن😀
جاري تحميل الاقتراحات...