رتبها

سويت مقابلتين وظيفية بحياتي وكلها انقبلت فيها الحمدلله، ودي أشارككم بعض التكنيكات اللي توفّقت فيها بالمقابلات الوظيفية بعد الله وتوفيقه وتيسيره.

تحت هذا التغريدة بشارككم أولى النقاط وأبسطها لنجاح قبولك واجتيازهم بالمقابلات الوظيفية بحسب تجربتي واجتيازي بأول مقابلتين خضتهم بحياتي، وكل مقابلة كان لها نصيبها من اللغة الإنجليزية والعربية.
تابعوني معي..

أول مقابلة لي كانت عن بعد وكموظفة ببنك،
كانت مثل أي خريج بيخوض أول مقابلة وظيفية، بدون أدنى خبرات سابقة،
بطبيعة الحال يصيبكم توتر من رسالة القبول وموعد المقابلة خصوصًا أن البنوك صارمين وجامدين نوعًا ما..
والمقابلة عن بعد فما كانت تفيدني نصائح المقابلات من ناحية لغة الجسد وغيرها.

اللي يحدد موقفك هي نبرة صوتك وضعفها أو قوتها وانطباع موظف الـHR عنك أو اللي بيسوي معك المقابلة، وطبعًا ماقصرت بنفسي من ناحية التجهيز لموعد المقابلة وهنا بلخّص لكم أبرز الأخطاء اللي نسويها قبل موعد المقابلة وتأثر علينا بشكل عام ..

5 نقاط سلبية تأثر علينا وقت التجهيز لموعد المقابلة الوظيفية:
• التوتر والقلق.
• الأرق وعدم أخذ كفايتك من النوم.
• الكوابيس واللي يتحكم فيها فكرك عن نفسك قبل النوم.
• شدة الأعصاب والانغلاق على النفس إلى حين موعد المقابلة.
• انحدار النفسية بسبب السهر والأرق والتوتر.

كانت تقول لنا دكتورة بريطانية لما كنت بآخر سنة تخرج من الجامعة، أن المقابلات تعتمد على البساطة والفرفشة والجو اللطيف بدون ارتباك، ونبرة صوت هادية ومرحة.

المهم الوضع يختلف لما نكون بالميدان أو بقلب الحدث، كل المشاعر بتمر فيكم بشكل طبيعي لأول مقابلة.
استعديت أول شيء لقسم اللغة الإنجليزية، لأن كان عندنا خبر أن المقابلة بتكون إنجليزي وعربي.

المقابلة بالإنجليزي لها خطوات وبناء عليها أنتم راح تتكلمون وتنطلقون حتى لو كنتوا متوترين بالبداية مع أول الدقائق،
هدوءكم راح يرجع لوضعه إذا انطلقتوا بالكلام.

وهذي النقطة تعتمد على شطارتكم باللغة ونطق حروفكم وانطلاقة لسانكم بدون توقف لأن التوقف أو محاولة تهجئة الكلمات بالمقابلة
يزيد ويرفع من نسبة توتركم ويعطي انطباع أنكم مو كويسين باللغة، حتى لو كنتم جيدين كتابةً وتواصلًا لكن كثرة التوقف وتهجئة النطق تحدد مصيركم.

فيه تكنيك علمونا عليه الجامعة،
أنه بدل تهجئة الكلمات أو كثرة التوقف عند الكلام بالمقابلة اللي باللغة الإنجليزية،
أننا نستبدل الكلمات الصعبة بالسهلة ونعيد الجملة بشكل سريع، أو نغير فكرة الموضوع إذا كان يحتوي على مصطلحات ناسيينها أو غابت عن بالنا.
هذا اللي طبّقته بالضبط.

إذا حسيت أنك ماتقدر تجيب الكلمة اللي بالجملة وأنتم تتكلم، استبدلها بشكل سريع وعيد كامل العبارة ردًا على سؤال الـHR أو الموظف اللي يسوي معك المقابلة.
• مع كل تغيير للكلمة عيد كامل جوابك
• مع كل استبدال لكلمة يصعب عليك نقطها بوقت المقابلة، فكر بكلمة سهلة غيرها وعيد العبارة كاملة

هنا نقاط لازم تكون جاهزة معكم لكل مقابلة سواء بالعربي أو بالإنجليزي.
نبدأ بقائمة النقاط اللي بالإنجليزي:
👇

هذي النقاط بتسهل عليكم سلاسة البدء بالكلام لأول سؤال بالإنجليزي وبعدها الانطلاق وغالبًا يسألونكم عنها بكل مقابلة يعني تعتبر ثابتة:
👇

🔻My name is..(التعريف بالاسم)
🔻 I am 27.. (ذكر العمر)
🔻I graduated..(سنة التخرج واسم الجامعة)
🔻After I finished my studies…(التحدث عن رحلة مابعد التخرج)
🔻I volunteered (رحلة التطوع)
🔻I choose this job (سبب اختيار الوظيفة)
🔻My goal in life (التحدث على الأهداف)

هذي النقاط أساسية كتعريف شامل عن أنفسكم ولأول سؤال يتبادر في ذهن الموظف اللي يسوي معكم المقابلة، وإذا ماحدد لكم سؤال معين، يعني بس سألكم: مين أنت؟
هنا تبدأ تتحدث بالترتيب للنقاط إلى لحظة انتقاله للسؤال الثاني أو أعطاكم إشارة على التوقف.

غيره لا تقولون الاسم وتسكتون،
ابدأوا تطرقون للنقاط المذكورة فوق وعرّفوا عن أنفسكم بنبرة حماسية وقوية، لأن هذي النقطة تساعدكم بالاجتياز، لما يسمعون لشخص متحمس ومندفع.

فيه نقطة مهمة جدًا، وهي نبرة الصوت واللي غالبًا تتسبب بانطباعات سيئة أو جيدة،
الصوت لازم يكون جهور وقوي ومتحمس بقد ماتقدرون.
أول مقابلة لي كانت عن بعد وبجائحة كورونا،
كان الارتباك واصل للسماء وصابتني رجفة غير طبيعية من أول مابدأت أتكلم وأجاوب على أول سؤال وأعصابي كانت مشدودة..

الشيء اللي بيخرجكم من هذي الحالة،
هي أنكم تتذكرون بعد المكالمة وش بيصير بسبب تخبطكم وارتباككم والفرصة بين يديكم بالمكالمة، حطوا هدف أن هذي المقابلة:
• يا نكون أو لا نكون.
هذا الهدف بيساعدكم تتخطون أول مقابلة وتبعدون الخوف والقلق وأن الشيء الوحيد اللي يتحكم بانطباعكم.

لما تذكرت هذي النقطة قدرت استجمع قواي،
وبدأت أرجع للهدوء وأخذت نفس طويل،
بعد لحظة صمت من أول سؤال،
قدرت بعدها انطلق بالتعريف عن نفسي وبعدها عمري ومين أكون وليه وصلت للتقديم بهذي الوظيفة.
وصار الوضع كأني أسولف لأختي، لما تخيلت أني جالسة أتكلم معها رجع الحماس والصوت القوي.

بعدها انتقلنا للجزء الثاني من المقابلة وهو اللي كان باللغة العربية وكان أسهل شيء،
تخيلت أن اللي تكلمني أختي وبديت انطلق،
وكانت الأسئلة سلسة، وغالبًا تتحدثون فيها عن كيف راح تتعاملون مع الوظيفة وإذا مر عليكم موقف (أحيانًا يعطونكم سيناريو بسيط)
خلوكم طبيعين وبسيطين بالأجوبة.

المقابلة باللغة العربية ماتطلب منكم إعداد كبير، مثل الإنجليزية في أنكم تراجعون بعض المصطلحات في مواضيع الأنشطة والتطوع.
بقد ما أنها تعتمد على بساطة الإجابات بحسب شخصيتكم، وتروا فيه نقطة اكتشفتها،
أنهم مايحبون الإجابات المُنمقة واللي يتضح فيها أنكم حافظين الإجابة.

يحبون الشخص العفوي واللي يجاوب بحسب وجهة نظرة وشخصيته لأن هذا الشيء يساعدهم في أنهم يعرفون طبيعتك قبل تتوظف عندهم.

المقابلة الثانية رحت لها بدون أي استعداد،
غير أني فاهمة خطوات الإجابات بالإنجليزي بالترتيب عشان تساعدني في تسهيل البداية والانطلاق بالكلام.
اللي بالعربي كل شيء بسيط وكأنكم تسولفون.
إذا دخلتوا لغرفة المقابلة، سلموا وقولوا كيفكم عساكم بخير 😹.

عشان تخففون توتركم والجو العام داخل الغرفة.
• اجلسوا جلسة بسيطة على الكرسي بيدين منفتحة ومستعدة لاستقبال الأسئلة.
استغفروا كثير بالوقت اللي يجهزون فيه أوراقكم.

ومن الأدعية اللي تخفف من توتركم وتقبّلهم لكم:
🔻اللهم لا سهل إلا ماجعلته سهلا وأنت تجعل الحزن إذا شئت سهلًا.
🔻ربي اشرح لي صدري ويسر لي أمري واحلل عقدة من لساني يفقهوا قولي.
🔻اللهم إنك تؤتي المُلك من تشاء وتنزع الملك ممن تشاء وتعز من تشاء وتُذل من تشاء بيدك الخير…

وأخيرًا، لا تنسون الوتر والدعاء بكل ما أوتيتم من قوة، وناموا وأنتم مطمئنين.
تذكروا أنها فرصتكم اللي كثير يتمنونها،
قدموها بقلب مُحب وروح متحمسة،
أهم شيء خلّوا الوضع حبّي..
ولطّفوا الجو العام بالسلام وتكلموا عن الأشياء اللي تسعون لها وأنكم أشخاص متطورين وتحبون التقدم بشكل مستمر.

كل المقابلتين خرجت منها وأنا موقنة بالقبول،
لأن الجو العام كان مُبشر بالخير بالرغم أنهم مايوضحون لكم أي انطباع، بس هذا الشعور تقتبسه من أدائك ونفسيتك وطريقة كلامك والتحدث عن نفسك وقتها.
بالهدف اللي بنيتوه واجتهدتوا بالدعاء فيه، بتقدرون تتكلمون عن أنفسكم ونجاحاتها بشكل إيجابي.

حسسوا الجهة أنكم راح تصنعون الفرق بهذا المكان، لأنكم أشخاص عمليين وعندكم القدرة في إحداث الفرق بالشركة من خلال المبادرات وزيادة وعي المجتمع بأهمية هذه الجهة.
تكلموا عن كل شيء إيجابي وأنكم أشخاص تحبون التعلم الذاتي وحل المشكلات بطرق ابتكارية بحسب خبرتكم وتقدرون تواجهون العقبات.

إذا انتهت المقابلة،
اشكروهم على وقتهم وجهدهم لهذي الفرصة الرائعة.
"من لا يشكر الناس لا يشكر الله".
وعطوهم تحية ..