اخر ما توصلت له من ناحية الانماط والابراج وعلاقتهم بالشخصية ان اللي يؤمنوا بالثانية اغبياء ومو هو محور حديثنا لكن الفئة الثانية تنقسم لقسمين الاول ناس ما ودهم يعرفوا نفسهم فيستعينوا بذي الاختبارات عشان تقولب نفسها تحت شخصية معينة وتصير هي اللي تمثلهم وتمثل ردات فعلهم

القسم الثاني ناس تسوي الاختبار عشان تختصر على نفسها التعريف بدل ما يخلي الطرف الثاني يعرف شخصيته يقولك انا نمطي Entj وانت تروح تقرا عن النمط عشان تعرف كيف تتصرف معه وكيف تعامله

وفيه قسم اخر موجود بالفئتين الابراج والانماط وهم اللي يرموا كل اغلاطهم على برجهم او نمطهم والله انت شايف نفسك ونرجسي وهالشي بينفر الناس منك ويأذي اللي حولك والله مو مني انا برجي اسد انت طيب لدرجة الناس تضحك عليك اي طبيعي لأن نمطي infp

رمي المشاكل ذي وانعدام ذاتية الفرد بتخلي الشخص يتجاهل اخطاءه ويخليها بدون حل لأنه ضحية لذي الشخصية اللي هو قرر انه يصيرها فما يحاول يحل مشاكله الشخصية ولا حتى يطور من نفسه عشان ما يخالف قالب الشخصية اللي حشر نفسه فيه