رتبها

بسم الله الرحمن الرحيم
انا طالبة مسار صحي خريجة 2022 الحمدلله حصلت باختبار التحصيلي على درجة +95
بحاول اقولكم تجربتي بما اننا في اجازة قبل بداية الترم الثاني وهذا الوقت اشوفه انسب وقت تبدون فيه وما بكثر كلام ان شاء الله وبنصحكم بأهم الاشياء اللي غلطت فيها واللي لازم تنتبهون عليها

أولًا انا بدايتي بالتحصيلي كانت تعتبر متأخرة بخصوص انه أساسي بالثانوي صفر خصوصًا بالكيمياء والاحياء وانه ما بيمديني اختم واطور نفسي بس شلت كل الافكار هذي من بالي لان دايم فكره براسي مو مهم الوقت قد مو مهم الانجاز واني اطلع من هذي الفتره بأقل الاضرار

أولا نجي لمصادر التأسيس
المصادر كثير من كتب دراسية من كتب تجارية من دورات
بس اقولكم الافضل بالنسبة لي وبالنسبة لتجارب طلاب كثير
ناصر:كيمياء فيزياء
المعاصر:رياضيات
الاحياء:انا اكتفيت بملخص مندل وناصر ما انصحكم تسوون نفسي لانها مو شاملة ارجعوا للمناهج او كتاب النبلاء كثير طلاب حبوه

المراجعة:
اهم شيء المراجعة وكثير ضايعين فيها
اول شيء قوانين الفيزياء حاولو تكتبونها بنوتات صغيره وتعلقونها باماكن دايم تمرون من عندها نفس التسريحة و المكتب هذي اكثر طريقة فادتني بالقوانين كتاب ناصر كنت اراجع بعد كل قسم والرياضيات ملحق ناصر مره مفيد وفيه تجميعات مقسمه حسب الدرس

التجميعات
اول تجميع واهم تجميع غشام
بعدها الحوت
بعدها بصمة فرح
بعدها سايفر
بعدها وافنانين
بعدها ابحروا بباقي التجميعات وكل ما تدربتوا كل ما كان افضل
التسريبات قبل الاختبار مهمه مره تتكرر بس لا تعتمدون عليها
هذا الترتيب اللي مشيت عليه

المعلمين اللي فادوني جدًا
فيزياء(تكنوقراطية-علي السبيعي (فيه فرح بس انا ما تابعت الا اول محاضرتين وسحبت))
كيمياء(محمد العمري-كبساسين)
الرياضيات(عماد الجزيري)
احياء(احمد سكول)

الملخصات
بالنسبة لي سهلت علي اشياء كثير الخص وانا اشوف الدرس مره مفيد وخصوصًا خرايط المفاهيم والجداول والمقارنات والربط مع اني ما افضل طريقة الربط مره بس مفيده أحيانًا وهذي بعض الاشياء اللي سويتها:
كنت اتمنى انزل لكم كل شيء بس للاسف هذا اللي باقي🥹🥹🥹

نصايح اتمنى تاخذونها بعين الاعتبار
اهتمو بصحتكم النفسية صدقوني بيفرق انجازكم مره
الوتر والدعاء والحوقلة حافظوا عليها
لا تسوفون وتقولون باقي وقت لانكم بتندمون وقبل الاختبار بمده بسيطه بتنصدمون بكمية المعلومات
لا تعتمدون على التسريبات ابدًا
لا تدخلون التجميعات بدون تأسيس ومراجعة

تدربوا على الكويزات والاختبارات بحط لكم قنوات تحت
ذاكرو بتركيز لا تقرون المعلومة وتمشونها افهموا كيف جت وليش صارت
لا تذاكرون ساعات طويلة متواصلة خذولكم بريك بين فتره وفتره
قبل الاختبار ضروري تنامون لا تروحون مواصلين نصيحه
لا تضيعون وقتكم بقروبات التليجرام فيدوا واستفيدوا بس

قنوات وقروبات فادتني:
t.me
t.me
t.me