الفلوس تنجذب للقيمه !
كل ما زادت قيمتك .. زاد مالك
نصيحتي ليك
بلاش تطارد الفلوس اعتقادآ منك انها هتصنع قيمتك ..ولا هتلاقي قيمتك ولا هتلاقي فلوس
- اسعى لشغل او اشتغل على مهاره بتحس انك فعلا بتقدمها بحب ولاقي فيها قيمتك
- خليك وسط بيئه و ناس قيمتهم عاليه يدفعوك لرفع قيمتك وسطهم

ارفع قيمتك باحترام وعودك لذاتك
متسمحش لنفسك تعيش في مستوى اقل من اللي تستحقه
متسمحش ان جسمك يكون في شكل مش عاجبك
ارفع قيمتك بانك تكون شخص داعم للي بيحبوك ويقدروا دايما يعتمدوا عليك
ارفع قيمتك بأنك تحط حدود ومتسمحش ابدا حد يستغلك او يضيع وقتك او يقلل من احترامك

ارفع قيمتك بالعطاء
ابدأ عطاء حتى لو بالمجان
حتى لو الناس قالوا عليك طيب وساذج انك بتعطي الاشياء دي مجانا
مفيش خير بيضيع .. المهم النيه تكون حقيقيه ونقيه وخالصه بينك وبين ربك
اعطي من مخزون انت حاسس انه واسع جواك .. سواء ده كان علم .. حب .. مساعده
صدقني دي اول سلمه للرزق الوفير