كيف ممكن تسافر لأطول فترة بأقل تكلفة..
الليلة حاتكلم ليكم عن الBudget travel وهو السفر بأقل ميزانية ممكنة عشان نسافر اكتر ولمدة أطول.
#ريتويت
الليلة حاتكلم ليكم عن الBudget travel وهو السفر بأقل ميزانية ممكنة عشان نسافر اكتر ولمدة أطول.
#ريتويت
اول حاجة واهم حاجة واكتر شي مكلف هو تذاكر السفر.
طبعاً في نظريات كتيرة عشان تقطع أرخص تذاكر سفر ومن أهمها انك تحجز من بدري.
انا عندي شخصياً نظرية ظريفة وهي اني بعد ما أحدد الوجهة، اذا ما كان عندي تاريخ معين عايز اسافر فيو، بمشي لي تطبيق زي skyscanner وبختار الوجهة وبعمل بحث.
طبعاً في نظريات كتيرة عشان تقطع أرخص تذاكر سفر ومن أهمها انك تحجز من بدري.
انا عندي شخصياً نظرية ظريفة وهي اني بعد ما أحدد الوجهة، اذا ما كان عندي تاريخ معين عايز اسافر فيو، بمشي لي تطبيق زي skyscanner وبختار الوجهة وبعمل بحث.
بعدها هو بيديني التواريخ السعر التذكرة فيها رخيص وانا بختار أرخص شي.
في نظريات تانية بتقول انه سعر التذاكر بيكون ارخص من دول معينة فبتقدروا تشغلوا vpn وتعملوا نفسكم في الدول دي وتشتروا التذاكر. الدول دي هي: الهند، باكستان، كولومبيا، رومانيا، كينيا، تركيا.
في نظريات تانية بتقول انه سعر التذاكر بيكون ارخص من دول معينة فبتقدروا تشغلوا vpn وتعملوا نفسكم في الدول دي وتشتروا التذاكر. الدول دي هي: الهند، باكستان، كولومبيا، رومانيا، كينيا، تركيا.
طبعاً أهم عنصر في الbudget travel او الbackpacking هو انك بتسافر بس بي شنطة ظهر او شنطة واحدة ودا ممكن يوفر عليك في سعر التذكرة لانه ما حيكون عندك عفش.
نجي للسكن:
احسن طريقة تسافر فيها -باستثناء العوائل- هي انكم تقعدوا في هوستل او بيوت الشباب. اولاً بتكون رخيصة جداً و في خيارات كتيييرة جداً وفيها حاجات نضيفة شديد وبرضو في غرف خاصة للناس الما حابة تشارك غرفتها مع ناس وبرضو بيكون سعر الغرفة الخاصة ارخص من الفنادق العادية.
احسن طريقة تسافر فيها -باستثناء العوائل- هي انكم تقعدوا في هوستل او بيوت الشباب. اولاً بتكون رخيصة جداً و في خيارات كتيييرة جداً وفيها حاجات نضيفة شديد وبرضو في غرف خاصة للناس الما حابة تشارك غرفتها مع ناس وبرضو بيكون سعر الغرفة الخاصة ارخص من الفنادق العادية.
سعر السرير في غرفة مكونة من ٤ سراير في جزيرة في تايلند لمدة اسبوع كلفني ٢٢٠ ريال فقط.
من ناحية أمان، بيكون عندك خزانة شخصية بتقدر تقفل فيها حاجاتك لمن تطلع.
والحمامات بتكون مشتركة مع ناس الغرفة بس في العادة بيكون في زي ٣-٤ حمامات ونادرًا ما يكون في زحمة.
من ناحية أمان، بيكون عندك خزانة شخصية بتقدر تقفل فيها حاجاتك لمن تطلع.
والحمامات بتكون مشتركة مع ناس الغرفة بس في العادة بيكون في زي ٣-٤ حمامات ونادرًا ما يكون في زحمة.
خلينا نكون صريحين مع بعض، احنا ما بنسافر عشان ننوم، احنا بنسافر عشان نطلع ونتفسح وعايزين بالليل مكان نجي ننوم فيهو ونخت راسنا بس فاحسن نوفر قروش الفندق ونعمل بيها نشاطات اهم.
ميزة الهوستل انه ساهل جداً انك تتعرف على ناس عندهم نفس الشغف بتاعك وناس في نفس موقفك.
ميزة الهوستل انه ساهل جداً انك تتعرف على ناس عندهم نفس الشغف بتاعك وناس في نفس موقفك.
بتطلعوا تستكشفوا البلد سوا. غير انه الناس دي بالاضافة للناس الشغالة في الهوستل حيساعدوك كتير ويدوك معلومات كتيرة عن الاماكن المفروض تمشيها وكيف تقدر تصلها. انا في اخر سفرة لي في شهر واحد نزلت في ٨ هوستيلات لكن كانت تجربة رائعة واتعرفت فيها على ناس رافقوني في حتات كتيرة.
غير التبادل الثقافي البيحصل وانك بتعكس صورة عن بلدك. انا كنت اول شخص سوداني يقابلوهو معظم السكنت معاهم. فغالباً لو جات سيرة السودان والسودانيين بالنسبة ليهم انا المرجع الوحيد للبلد. ومبسوط جدًا بالعلاقات الكونتها والاصحاب العندي في دول كتير الآن ممكن ازورها في اي وقت.
حاعمل ليكم ثريد منفصل فيهو كل شي عن الهوستلز وكيف تحجز فيها وصور وفيدوهات من الهوستلات المشيتها والحاجات المفروض تشيلوها معاكم وتتوقعوها عشان تتبسطوا في قعدتكم.
نجي للتنقل:
طبعاً التنقل بيختلف من مكان لمكان (هل في شبكة مواصلات عامة واسعة زي مترو و ترام وباصات ودي ارخص شي) وحسب انت براك ولا معاك ناس (اذا كنتو قروب ممكن تمشوا بي اوبر او ما يوازيه في تلك الدولة وتتقسموا التكلفة).
طبعاً التنقل بيختلف من مكان لمكان (هل في شبكة مواصلات عامة واسعة زي مترو و ترام وباصات ودي ارخص شي) وحسب انت براك ولا معاك ناس (اذا كنتو قروب ممكن تمشوا بي اوبر او ما يوازيه في تلك الدولة وتتقسموا التكلفة).
وفي مدن مافيها مواصلات عاملة ممكن يكون سعر الايجار اليومي لعربية ارخص من الحركة بي تكاسي. في مدن بيكون فيها عجلات للإيجار او اسكوترات للإيجار بالساعة او اليوم.
حاولوا دايما تعرفوا المدينة الماشينها هل فيها مواصلات عامة كويسة ولا لا، هل اوبر مثلا شغال، هل اوبر ارخص شي؟ مثلا شرق اسيا عندهم grab و bolt.
التطبيقات دي دايما بتكون اسهل وارخص جدًا من اوبر ومن التكاسي لانه ممكن اصحاب التكاسي لما يعرفوكم سياح ممكن يزيدوا السعر اما التطبيقات دي بتديكم سعر ثابت. حتى لو حتمشي بي تاكسي خش التطبيق شوف التكلفة كم وقول لي بتاع التاكسي حتمشي بالسعر دا بس.
للتنقل بين المدن، بستخدم تطبيق اسمه rome2rio ودا بيوريني كل الطرق الممكن اصل بيها من مكان معين للتاني وبوريني عدد الساعات لكل وسيلة مواصلات والسعر. وبختار اذا مثلا عايز امشي بي طيارة او لو عايز أوفِّر وامشي بي باص او قطار اذا كان الفرق كبير في السعر. غير انه بيديك تفاصيل التذاكر.
نجي للقروش: كيف تشيل معاك قروش في السفر.
بتعتمد برضو حسب انت عايش وين وماشي وين.
مثال انا لما مشيت امريكا، طلعت بطاقة فيزا حقت سفر (بنصح بيها جدا اذا متوفرة في بلدك) البطاقة دي فيها عملات كتيرة بتختلف من بطاقة للتانية.
بتعتمد برضو حسب انت عايش وين وماشي وين.
مثال انا لما مشيت امريكا، طلعت بطاقة فيزا حقت سفر (بنصح بيها جدا اذا متوفرة في بلدك) البطاقة دي فيها عملات كتيرة بتختلف من بطاقة للتانية.
بتقدر تعمل محفظة لكل عملة وتخت قروش في المحفظة حقت العملة من حسابك في البنك وبي سعر الصرف المحلي بدون اي رسوم. و لما مشيت حولت قروشي لمحفظة الدولار وبقى عندي بطاقة بنك وapple pay فيها كل الدولارات حقتي. لما اجي اشتري حاجة بي دولار بيشيل من بطاقتي دولار.
مقارنة بي البطاقات العادية بيكون فيها رسوم غير انه لما تجي تشيل دولار مثلا. ما بشيلوا منك بي حساب سعر الصرف العادي وبيكون سعر الصرف حقهم اغلى.
في السعودية أفضل بطاقة في نظري هي بطاقة السفر بلس لبنك الراجحي (بتجي مع دخول لصالات الانتظار في المطارات وتأمين سفر مجان، بس عيبها انه ما فيها عملات كثيرة لكن طبعا العملات المشهورة كلها موجودة). وبطاقة بنك الاستثمار السعودي (دي تقريبا فيها كل العملات الممكن تتخيلها).
يلا برضو لازم تكون عارف المكان الماشيهو دا هل كل الاماكن فيها دفع الكتروني ولا اغلبه كاش. في تايلند مثلا ٨٠٪ من المحلات بتتعامل بالكاش فهنا شلت معاي قروش دولار كاش وصرفت لما وصلت. ما تصرفوا قروش كتيرة في المطار، بس حق التاكسي ولمن تصلوا المدينة اصرفوا هنام.
برضو كان معاي البطاقة بتاعت البنك برضو عشان لو حصلت اي طوارئ اقدر اتصرف. طبعا لما تسحب من البطاقة هناك بكون في رسوم كتيرة فحاول تسحب مرة واحدة حاجة تكفيك بدل ما تتخصم الرسوم كل شوية.
الاكل:
الاكل برضو ممكن يكون من الحاجات المكلفة جداً في السفر وبيعتمد من شخص للتاني.
اول نصيحة اذا انت ما جاي لي مطعم فلاني مشهور بس من بلدك نفسك تجربه، ما تمشي مطاعم كتير لانها مكلفة.
ارخص شي هو انك تاكل اكل الشارع.
الاكل برضو ممكن يكون من الحاجات المكلفة جداً في السفر وبيعتمد من شخص للتاني.
اول نصيحة اذا انت ما جاي لي مطعم فلاني مشهور بس من بلدك نفسك تجربه، ما تمشي مطاعم كتير لانها مكلفة.
ارخص شي هو انك تاكل اكل الشارع.
وفي دول كتير فيها بكون food markets فيها ناس محليين بعملوا أكل نضيف ورخيص جداً.
تاني شي رخيص هو سلسلة السوبرماركت الكبيرة دايما بكون جواها في مطعم صغير كدا جنب المخبز والحتات دي وبعملوا وجبات طازجة ولزيزة وسعرها حلو جداً.
تاني شي رخيص هو سلسلة السوبرماركت الكبيرة دايما بكون جواها في مطعم صغير كدا جنب المخبز والحتات دي وبعملوا وجبات طازجة ولزيزة وسعرها حلو جداً.
بعد كدا في المطاعم السريعة زي ماكدونالدز. وارخص خيار طبعاً انك تطبخ براك.
خليك عفوي في خياراتك اذا نفسك في حاجة مرة مرة جيبها واذا القروب ماشين مطعم عادي امشي معاهم. بس اذا انت اولويتك في السفر التجارب وانك تزور أماكن وتعمل حاجات وما انك تاكل فخليك مع الخيارات الفوق دي.
خليك عفوي في خياراتك اذا نفسك في حاجة مرة مرة جيبها واذا القروب ماشين مطعم عادي امشي معاهم. بس اذا انت اولويتك في السفر التجارب وانك تزور أماكن وتعمل حاجات وما انك تاكل فخليك مع الخيارات الفوق دي.
اهم واخر نقطة هي شنطة السفر ورفيق الدرب، اختيارها مهم جدا بالذات اذا عايز توفر كتير في سفرك وعايز تكون حركتك خفيفة. انا لمدة شهر كامل كنت شايل بس شنطة ضهر واحدة فيها كل شي عايزه.
طبعا ما ساهل انك تختار تشيل شنو لكن حاعمل ثريد منفصل اوريكم اهم حاجات تشيلوها معاكم في شنطة الضهر وانواع شنط الضهر الكويسة المناسبة.
وبس ياخوانا السفر دا هو الحياة، وبالذات السفر الرخيص دا لانه بخليك تحتك مع اهل البلد وتتعرف على ناس كتيرة وتتعلم حاجات كتيرة وتمر بي تجارب قيمة مقارنة بي سفر الفنادق والمنتجعات وسفر الوكالات البكونوا مخططين ليك فيو كل شي بدون اي عفوية واستكشاف.
ارجوكم اعملوا:
لايك وريتويت عشان اقدر اصل لي اكبر عدد من الناس واشجعهم انهم يسافروا اكتر.
واعملوا فولو عشان تتابعوا باقي السلسلة حقت السفر الرخيص.
ولو عندكم اي سؤال او اضافة او نصيحة من تجربتكم الشخصية اكتبوها وخلونا نستفيد من بعض.
لايك وريتويت عشان اقدر اصل لي اكبر عدد من الناس واشجعهم انهم يسافروا اكتر.
واعملوا فولو عشان تتابعوا باقي السلسلة حقت السفر الرخيص.
ولو عندكم اي سؤال او اضافة او نصيحة من تجربتكم الشخصية اكتبوها وخلونا نستفيد من بعض.
جاري تحميل الاقتراحات...