أنا وصلت دلوقتي لقناعة كاملة إن الميديا في أمريكا وأوربا عندها مشكلة حقيقية بظهور بلد عربي إسلامي بشكل مشرف في تنظيم حدث عالمي بيتابعه تقريبا نص الكرة الأرضية وعليه فهم بيحاولوا يثبتوا بأي طريقة إن المجتمع ده مجتمع مريض وفاشل ، مش من ناحية النقد للتحسين والنقد للتجريس
مقارنة مثلا حقوق العمالة باستغلال العمالة في صناعة المنسوجات اللي بيحصل في بنجلاديش واللي مات فيه 1200 عامل في حادثة واحدة فقط ، واللي بيستفيد منها شركات أوربا وأمريكا بشكل مباشر كوميدي جدا ، انت بتكلم إن في أكثر من 8 مليون عامل في بنجلاديش بيتم تشغيلهم 20 سنت في الساعة
وبيموت منهم العشرات أو المئات على الأقل كل سنة بسبب حوادث تتعلق بعدم توفير أبسط معايير الأمان في المصانع اللي على شكل عمارات والمستفيد هو المواطن الأوربي أو الأمريكي أو الكندي إللي بيحصل على بضاعة رخصية ومكسب خرافي للشركات
عادة لا احب تفسير الأشياء بنظرية المؤامرة ، ولماذا يكرهوننا والكلام الحمصي ده، بس الاصرار العجيب للميديا الغربية المرة ديه مخلاش عندي أي مخرج من أني أشوف الصورة بالشكل ده
أنا شخصيا مكنتش حيبقي عندي مشكلة لو كان التدوال في الميديا على الموضوع كان من ناحية إزاي قطر حصلت على حق التنظيم وما شاب الموضوع من رشاوى لأن ده شيء منطقي ، أما شغل التلويش اللي بيحصل ده فملهوش تفسير منطقي أبدا
وبمناسبة الرشاوي فأهم شخص تلقى رشوى في الموضوع هو ميشيل بلاتيني بذات نفسه ، فبرده منطقي إننا نشوف أن مافيش راشي من غير مرتشي
تخيل معايا سيناريو إن امريكا تكون بتستضيف كاس العالم سنة 2026 فيبقى التقرير عن الحدث كله عن غيات العدالة الاجتماعية للسود في المجتمع الأمريكي والتمييز النمطي للشرطة ضدهم وومعدلات الفقر والجريمة والمرض الأعلى عندهم بسبب تاريخ العنصرية والعبودية ، هل ده يبقى كلام ناس عاقلة ؟
المحصلة هي أن هدف نقد ملف الحريات أو حقوق العمالة في قطر ليس التغيير ولكن تشويه الصورة بقدر الامكان... نفس الملفات موجودة في الامارات بالحرف الواحد واستضافت عشرات الأحداث العالمية، وكنت أتوقع على الأقل نقل متوازن بين ما سئ وما هو رائع
جاري تحميل الاقتراحات...