من انا صغيره كنت احب الاحظ واقرأ المعطيات في حياة الناس اللي اخالطهم .. وعمري ما تمنيت حياة أحد .. على العكس .. كنت أحلم كثير بحياة مختلفة عن المحيط وكان الكل يضحك على أحلامي لأنها خيالية لـ بنت من مجتمع قبلي محافظ ..
وكشخص يؤمن بأهمية العرف والعادة عمري ما تمردت أو تجاوزت حدودي اللي ربيت عليها بس دايم كان فيه جسر أقدر أبنيه مع أمي وأبوي .. دايم كنت اتكلم عن اني اقدر ! عطوني فرصة أوريكم .. وفعلا شوي شوي انبنت الثقة وتشكلت حياتي بعد توفيق الله بالطريقة اللي أرضاها على نفسي وأهلي يفخرون فيها
ولما وصلت ومازلت أحلم بالوصول لأشياء أكبر من مدى الشوف .. ويضحكون اللي حولي أبوي ينهرهم ويقول: ليش لا ! بنتي تقدر .. ليش أقول هالكلام ! لأني اتخيل لو تمنيت اعيش حياة غيري ! هل بقدر أبني هالجسور ! هل بخطط وبمارس حياتي بوافق مع محيطي وأوصل للي أبيه .. هل راح يؤمنون فيني أهلي ؟
محد راح يؤمن ويثق فيك لو كنت تتمنى حياة غيرك ! محد راح يصدقك إذا رسالتك مو أصيلة .. (رسالتك أنت مش محاكاة لغيرك) محد راح يشوف اللي تشوفه بكل الأحوال بس رؤيتك لو كانت مبنية على انجازات شخصية الناس راح تثق فيك وراح تمشي معاك .. على الأقل الناس اللي تحبك فعلا
رسالة من القلب: لا تتمنون حياة غيركم ! مش عشان انتو ما تشوفون الا الجانب الوردي منها لان هذا كلام معروف وواقعي ١٠٠٪.. ولكن المهم عشان أنفسكم .. عشان تعرفون طريقكم وتدلونه بنفسكم .. وعشان محد يضللكم بسعيه وأفكاره اللي ما تناسبكم بالعكس.. تحطكم بصندوق صغير ومؤطر بشخصيات مو شخصياتكم
جاري تحميل الاقتراحات...