الست اللى عندها اكتئاب الحمل أو ما بعد الولادة وبتبكى وتشتكى كتير ومش قادرة تنضف بيتها وتهتم بنفسها و أولادها مش نكدية و مأڤورة ومُهملة
و الشخص اللى بيخاف يخرج من بيته بسبب اضطراب القلق أللى عنده أو اكتئابه مش صديق سىء
واللى بيفكر ينتحر و بيتكلم فى ده مش بيحب يشد الإنتباه

واللى أوقات يجيله نوبة اكتئاب وأوقات بعدها نوبة هوس وهايبره وفرفشه على توتر بسبب اضطراب المزاج ثنائى القطب مش مجنون
وصديقك أو صديقتك متقلبى المزاج وقراراتهم عاطفية المندفعين الحساسين بزيادة و تعلُّقهم بكل اللى يحبوه زيادة مش بالضرورة منفسنين و سوداويين

واللى إتعرض لصدمات فى حياته ومش بيبطل تفكير فيها فى اليقظة والنوم لدرجة إنه كأنه عايش فى لحظة الصدمة، و بيتجنب كل ما يمت بصلة لصدمات حياته، وتركيزه و ذاكرته ضعفت مش ضعيف
تعليق اليُفَط Labelling واتخاذ المواقف سهل،لكن إنك تقرب وتفكر وتكون وجهة نظر فيها احتمالات الصواب والخطأ

لحكمك ع الشخص اللى قدامك صعب.
أللى فوق دى كلها اضطرابات نفسية بيصاحبها خلل كيميائى و خلل فى طريقة تنظيم الشخص لأفكارة و مشاعره "أللى هى بتترجم فى مخنا و أجسامنا لكيميا برضه" ، و كل شخص من دول محتاج مساندة من المحيطين فى رحلة العلاج سواء كان كيميائى و/أو سايكوثيراپى،

و وصمك لصاحبك و اتهاماتك و لومك ليه على أعراض مرضه مش بتخفف المرض
#وصمة_المرض_النفس