رتبها

Mohamed Abdel-Kader

@MoeAbdelKader

8 تغريدة 18 قراءة Nov 12, 2022

Twitter

لو حد بيفكر يسافر في الشتاء وعايز يجرب اماكن جديدة في مصر أرشح بشدة مكانين: مرسى علم والواحات الداخلة
🧵📷

الواحات الداخلة تجربة غريبة ولطيفة جداً. بتبقى ماشي على طريق سريع في وسط الصحراء بس يمينك وشمالك مراعي فيها حيوانات بتجري وتلعب، بس الخلفية صحراء

الطف مكانين قعدت فيهم هناك كانوا الطرفة (Tarfa Ecolodge) و ديزرت لودج (Desert Lodge). المكانين دلع جداً الحقيقة، الطرفة مليان اعمال فنية مجمعها وائل عابد صاحب المكان ومن اشهر الناس اللي استكشفت الصحرا الغربية في مصر. تجربة البيسين والقعدة وسط الزرع هناك رائعة

Desert Lodge مبني كله فوق هضبة صغيرة هناك وبتقدروا تشوفوا منه اماكن كتير حواليه. احلى حاجة هناك ان في عين مياة سخنة فوق الهضبة جوا الفندق. من أحلى لحظات حياتي كانت لما نزلت العين بليل في الشتاء من سنتين وجربت الطفو على المياة واتفرج على النجوم لأن مفيش هناك تلوث ضوئي

ارشح بشدة وانتم هناك برضه زيارة "العجبات" (وادي العقبات). كنت حطيت صور اكتر منه في الثريد ده:

مرسى علم انا بحب فيها جداً منطقة شمال مرسى علم. الفنادق هناك كانت مملة نسبياً، انصح تجربوا الBoutique Hotels اللي موجوده او الEcolodges. مكاني المفضل هناك هو وادي صبارة.

من الطف الحاجات هناك ان مؤسس المكان قضى فترة طويلة بيستكشف المنطقة دي من الصحراء الشرقية مع خبراء من مجالات مختلفة علشان يعملوا انشطة ورحلات مختلفة هناك. الصور دي من رحلة طلعناها مع عالمة نبات روسية متخصصة في نباتات الصحراء في مصر بعد موسم السيول وقت ما كنت شغال على المشروع ده