رتبها

عبداللطيف العنزي

7 تغريدة 13 قراءة Nov 08, 2022

@SalahAlelaj كيف خسرت اكثر من ٢٥ كيلو في ١٠٠ يوم تقريبا
كيف انتقلت من وزن ١١٥ كيلو الى اقل من ٩٠ كيلو
البداية كانت نصيحة طبية من طبيب حذرني من خطورة السمنة والمؤشرات التي تدل على ان الصغط والسكر مرتفعين عندي ولازم اسوي شي في نمط حياتي

@SalahAlelaj اول قرار سويته بعد ما طلعت من العيادة اني اروح لشركة وجبات صحية واخذ القياسات وعملت الغحوصات واشتركت شهر كامل بدون بريكات ولا يوم مفتوح وبعدها مريت السوق اشتريت لبس رياضة لأني ماكان عندي اصلا وبنفس اليوم مشيت ٣ كيلو مشي سريع وفي بالي اشياء كثيرة كانت غلط وراح اذكرها لكم بالتفصيل

@SalahAlelaj اشتريت ميزان الكتروني ومستعجل جدا ابي وزني ينقص بسرعة وهذا غلط.
المطلوب منك باختصار انك تمشي يوميا يوميا مهما كانت نفسيتك او اشغالك وتلتزم بالمشي لمسافة لا تقل عن ٤ كيلو الى ٦ كيلو حسب مقدرتك الجسمانية ولياقتك والمشي يكون سريع شوي مو تتمشى على هونك يعني شد شوي بالمشي

@SalahAlelaj الوزن ينقص بمعادلة سهلة اذا كان معدل حرق السعرات الحرارية اعلى من السعرات الحرارية التي تكتسبها بسبب الاكل .
مثلا اذا جسمك يحتاج ١٤٠٠ سعره حرارية عشان يثبت وزنك لازم تاكل ١٣٠٠ او اقل سعره وتمشي عشان خسران الوزن يكون بسبب السعرات اللي حرقتها بالمشي

@SalahAlelaj الوصية المهمة … لا تغش نفسك وتاكل شي بين الوجبات … التزم التزم التزم بالوجبات فقط دون زيادة اذا تبي نتيجة فعلا … اذا تبي تاكل شي من خارج الوجبات انت خربت على نفسك
والمشي ترى رياضة تحسن من نفسيتك وصحتك ووزنك (الا اذا عندك اصابة او الطبيب مانعك من المشي)

@SalahAlelaj النصيحة الذهبية واللي مفعولها مثل السحر … شرب الماء بدل من العصير والبيبسي والفهوة والشاي … الموضوع شوي صعب لكن نتائجه مذهله
والله يحفظكم بحفظه

@SalahAlelaj ننسب الفضل لله اولا ثم شركة دايت ستيشن
اللي ساعدوني بالوصول للوزن المناسب
apps.apple.com