الرفض من أسوأ الظروف اللي لازم تتأقلم عليها، ومن ضمن الدراسات اللي تمت، كانت في دراسة بتحكي إن رغبتنا في: حب شخص/ الحصول على وظيفة/ الحصول على أي شئ عمومًا، بتكون شبيهة برغبة الأطفال.
الطفل لما يكون عايز لعبة أو حاجة أو يعمل سلوك معين، وأمه ترفض، وتمنعه، بيبدأ يبكي ويتشنج،

هي أه منعته، لكن علمته إن في حاجات ممكن تحصل عليها، وحاجات لا، وده اللي بتعلمه لينا الحياة، الفرق بينا وبين الأطفال، إنهم بيعيطوا، لكن احنا بنصاب بالاكتئاب، وانعدام الثقة بالنفس وما شابه.

في علاقات الحب، الرفض عواقبه أسوأ، لإن مقدار المجهود الذهني اللي بنعمله عشان ننال حب شخص ما، لو متكللش بالنجاح، بيخلق نوع من الاضطراب، لإننا أثناء العلاقة، بنبني عالم خيالي في دماغنا، إن الشخص ده هيكون معايا في المستقبل، وهنتشارك الحياة، وبعدين نتصدم بالواقع،

"بالقدر الذي يصب به المرء تركيزه على شئ ما، ولا يحصل عليه، فإن القلب يكون مكسورًا، تمامًا مثل الذراع، ويحتاج فترة للتعافي"