جميع انواع العلاقات البشرية ليها تبعيات غير مُستحسنة رغم مميزاتها اللي بنحصل عليها و خصوصا العلاقات اللي بنختارها بمزاجنا زي الزواج و الصداقة و الزمالة و الشراكة يليها العلاقات المفروضة سلفا زي الأمومة و الابوة و الأخوة ..
علشان كده اللي ناوي يتزوج أو يصاحب أو يشارك لازم يتحمل التبعيات الغير مرغوبة دي في العلاقة دي علشان يستمتع بمميزاتها لأن مفيش حاجة اسمها علاقة كلها مميزات و بس لان ده مستحيل ..
المشكلة ان كل واحد فينا كإنسان عنده حساس داخلي اوتوماتيك ليه ظبطة معينة علي أمور كتير ف الدنيا و كمان الظبطة دي بتتغير لوحدها من وقت للثاني و مع سنين العمر من ناحية و من ناحية تانية الطرف الثاني في العلاقة مش هيقدر يظبط نفسه على نفس الظبطة أو المود ده طول الوقت لأنه شئ مستحيل
لأن هو كمان ليه ظبطته و الحساس الاتوماتيك الخاص بيه و عايز اللي يحس بيه و يظبط نفسه عليه
أما بقى اللي مش عايز كل ده خلاص يخليه لوحده من غير اي علاقة و يعيش براحته يستمتع بتفرده و إحساسه و حساسيته الخاصة للأمور ..
أما بقى اللي مش عايز كل ده خلاص يخليه لوحده من غير اي علاقة و يعيش براحته يستمتع بتفرده و إحساسه و حساسيته الخاصة للأمور ..
لكن طبعا من ناحية ثانية يجهز نفسه أنه يتحمل تبعيات الوحدة دي و عدم مشاركة اي انسان اي مشاعر من اي نوع و ساعتها لازم يضحك في صمت و يبكي في صمت و يشعر بكل شئ في صمت
و أيا كان الاختيار علاقة أو لا علاقة فالنتيحة في رأيي واحدة لأن زي ما قلنا كتير قبل كده هي دي قوانين الدنيا ملهاش حالة مكتملة من كل الزوايا مهما حاولنا ..
جاري تحميل الاقتراحات...