هل سمعت عن حد بيقرا فصل في كتاب📚 وهو لسه بيقرا اللي قبله؟ أكيد لأ.
عمرك ما هتتحرك لقدام لو لسه متعلق باللي فات وتاعب نفسك في التفكير وعايز الزمان يرجع وعامل أم كلثوم!
اللي فات بنتعلم منه، لكن طالما فات، مينفعش نعيش فيه، لأنه هيشدنا لورا أو هيوقفنا في مكاننا.
سرد ✍️ 👇🏾

حياتك زي الوقت ⏳بالظبط، خط ومسار ماشي لقدام، وأي محاولة منك لتعطيل ده، هتبقى عامل زي اللي وقف في طريق سريع وعايز يوقفه… هيتشتم وهيتداس عليه وهتبقى غلطته.
👇🏾

طبعا في المراحل الأولى من أي تجربة سيئة، بيظهر شخص تاني جواك، مهمته الوحيدة "جلدك".
"طول عمرك هتعيش لوحدك"، "هو ده حظك وهتفضل كده طول عمرك"… وغيرها من الأفكار!
رد عليه وكلمه زي ما بيكلمك (بلاش بصوت عالي وقدام الناس بس 😅) اتعرف على حد جديد، اتعلم حاجة جديدة. 👇🏾

ومتحاولش تخلي الأفكار دي تتحكم في أفعالك وطريقة حياتك، فتبعد عن الناس وتعيش شاكك في كل اللي حواليك، أو تبطل تحاول بعد فشل أو إتنين أو حتى ١٠.
وأخيرًا، شوف المرحلة اللي عايز تطلع منها "على حقيقتها"، ومتفكرش بس في الأوقات الكويسة واللحظات اللي كنت مبسوط فيها. 👇🏾

لكن كله مع بعضه، وخصوصًا الحاجات اللي أدت لانتهاء المرحلة دي، وبدل ما تكبر اللحظات الكويسة. بص للموضوع بواقعية.
لو معرفتش بعد كل ده، يبقى اتكلم مع متخصص، ومتتكسفش ولا تفكر في أنها حاجة عيب…
الحزن والندم مشاعر ممكن قوي تتسبب في مشاكل عضوية.
والاكتئاب… مرض محتاج علاج من دكتور.