الخروج من البيت دايما قرار صح ، حتى لو حاسس انك مش عايز تخرج، كام مرة متبقاش عايز تنزل وصحابك ينزلوك بالعافيه ولما تنزل تتبسط، كام مرة لما ذاكرت برا البيت ذاكرت فعلا ومضاعش وقت ولو كنت قعدت في البيت كنت حتضيع الوقت، الخروج دايما دايما قرار صح .. حتى لو حاسس انك مش قادر.

تلاقي الشخص الي مش لاقي شغل بس بيخرج دايما تلاقيه اتكعبل في حد جابله شغل
والي مش لاقي عروسه لو بيخرج كتير تلاقيه اتكعبل فيها
والي عنده مشكله مش لاقيلها حل تلاقيه شاف حاجا الهمته بفكره او شاف حد ساعده في حلها ..

حد متعارك مع مراته لو خرج تلاقي موده اتغير ورجع صالحها لو فضل قاعد حيفضلوا ياكلوا في بعض
حد عنده اكتئاب لو خرج بيفك شوية لو فضل فلبيت حينتحر غالبا.
الخروج من البيت هو اول خطوة للخروج من اي مشكلة...