بسم الله، تحت هذه التغريدة سوف اسرد ثريد يتكلم عن اكثر من شغلة لكن بحاول اني اكتب كل شي يتعلق و يفيد المتداول/المستثمر ، كل الكلام بيكون عفوي و من خلال دراسات/استنتاجات/شطحات جمعتها من خبرة تقريبا ٥ سنين في الاسواق، كلامي ممكن يكون صح او غلط و لاتستحي بابداء رايك 💛
١- قمة اعلى من قمة و قاع اعلى من قاع اول درس و اكثر درس استصغرته من بساطته في بداية مسيرة التعلم والان اقدر اقول انه اعظم درس لما المتداول يتفرع في العلوم و الاستراتيجيات ينسى الاساس او يستصغره لانه جدا بسيط و سهل، هذا البسيط و السهل ركز فيه و شوفه هل له وجود في العلم اللي تدرسه؟
٢- القمم و القيعان موبس اسعار ادنى و اعلى، هم اسعار دخلت و طلعت منها السيولة، بكل بساطه القاع يقولك ان هالاصل ما لقى احد يبيعه باقل من هالسعر لان اللي طلبوه كلهم طمعوا في هالسعر ولا شافو انهم يشترونه باقل من ذلك، كذلك البايع مارضى انه ينزل بسعر ادنى وبعدها نشوف الاثر في الرسم.
٣- ليش تطلع و تدخل السيولة؟ ليش تكون قاع؟ هل لان عندك نموذج راس و كتفين؟ ولا لان حوت دخل السوق و زاد الطلب؟ هل في احد يتحكم بالاسعار؟ اسئلة كثيرة كانت تدور في مخي و استنتجت ان بساطه القمم و القيعان على الشارت تجاوب لي على كل هالاسئلة.
٤- دام جبنا طاري الرأس و الكتفين خنفسره و نلاحظ القمم و القيعان، في الصورة البسيطه نلاحظ ان تم تكوين قاع "كتف" و من بعدها قمه ادنى من القمه السابقه، قاع "راس" ادنى من قاع، قمه بنفس مستوى القمة، قاع اعلى "كتف"بعدها اختراق القمة.. نموذج انعكاس ليش تكون بهالشكل؟ وليش اشوفه بكل مكان؟
٥- تخيل انك حوت و بتشتري اصل مو بتشتري راس و كتفين🤣، هل من المعقول ان تشتري بكامل سيولتك الضخمه على طول؟ هل في عرض يتحمل طلبك؟ انزين اذا في هل بشتري بالسعر اللي انت الان طمعان فيه ١٠٠٪ بدون اي سيولة جانبية للزيادة ؟ هل انت اكبر من السوق؟ هل تحتاج احد يدخل معاك ويدفع بالسعر؟
٦- في الصورة السابقه، انت ك حوت دخلت اول دخول بنسبة و من ثم السعر تفاعل مع الطلب، بعدها شفت السعر بخصم افضل من السعر اللي دخلت فيه، ف دخلت بنسبة صعد السعر الى منطقة انت ربحان فيها و بعدها رد الى سعرك الاول و دخلت دخولك الثالث بنسبة، جمع كل هالنسب بتشوف سيولة عاليه دخلت و بسعر جيد
٧- ليش سعر جيد ؟ دخلت ٣ مرات ك سيولة ضخمة في اسعار متقاربة بحيث السوق قدر يستوعب سيولتك على السعر اللي انت طمعان فيه و مع كل دخول قدرت تدفع بالسعر اعلى، دخولك الثالث اخترق فيه السعر الى اسعار اعلى من الاسعار اللي كانت الناس تعرض فيه للبيع للمره الاولى و الثانية، بمعنى قل البيع.
٨- الان هذا النموذج البسيط قدرت انك تجرد نفسك من المعادلة و تنظر له بنظرة سيولة و عرض و طلب و اسعار و سوق، كل علم ثاني تعلمته او تتعلمه حاول انك تشوفه بنطرة بعيده عن رسومات، لان الرسم و النموذج يفشل و ينجح بحكم تجربتك ، ليش فشل؟ هل لانك غلطان في النموذج؟ ولا لان طوف و شوف غيرها؟
٩- اذا لازم اشوف السيولة بعد؟ هل دخلت ولا لا؟ شلون هالشمعه اللي ارتفاعها دولار في الvolume قليلة و الشمعه اللي صارت بعد يومين بارتفاع دولار سيولتها عاليه؟ شلون السيولة العاليه مرات تدفع بالسعر كثير مرات لا؟
شفت ان الvolume مو بس شراء اكيد فيه بيع، اقفال الشمعه يحدد الفائز.
شفت ان الvolume مو بس شراء اكيد فيه بيع، اقفال الشمعه يحدد الفائز.
١٠- شلون ادخل مع الفائز ؟ هل الفائز بيبيع و يخون فيني نفس ماخون فيني قبل؟ شلون اعرف ان هالسيولة باقيه معاي و ماتطلع بسرعه من هالاصل اللي انا طمعان بالربح منه؟ يعني لازم اعرف الاصل عدل و اعرف تصنيفه لاني تخيلت اني حوت و ماراح اقط اموالي باشياء ماتحافظ او تنميها!
١١- عيل ليش وانا احلم بالثراء اسلك سلوك الفقير الحالم بحلم الثراء و يدخل بامواله لصالة القمار و يراهن على شي ماله سلطان ولا خبره فيه لاجل الثراء السريع
اها يعني الموضوع مطول و لازم اشوف بعيد و ما ادخل بشي عالي الخطورة و بدون دراسه و علم يرجحني للقرار السليم، يعني لازم اعرف اديرها
اها يعني الموضوع مطول و لازم اشوف بعيد و ما ادخل بشي عالي الخطورة و بدون دراسه و علم يرجحني للقرار السليم، يعني لازم اعرف اديرها
١٢- ادارة راس المال كنت اسمع عنها و قلت طاف لان اللي حولي اصلا مايديرون راس مالهم بشكل اللي يقولون عليه، واصلا المجتمع اللي انا فيه سيء بادارة المال و الثقافه المالية شبه معدومه عندي ف عدمت فيها المحفظه و صفرت مره و مرتين واكابر الى ان استوعبت ان لازم ادير راس مالي.
١٣- ادارة راس المال خلتني استوعب ان مثلا من ١٠ صفقات اللي ينجح في ٤ من ١٠ مو يعني فاشل و اللي ينجح في ٩ من ١٠ مو يعني ناجح 🤯
دقيقة الحين انا اركز اني انجح في ٤ بدال ٩ يعني ؟ لا لا، في شي اسمه Risk Reward ratio بمعنى معدل مخاطرتك على العائد كم؟ اذا بتخاطر في ١٠ دولار بعائد ١٠٠…
دقيقة الحين انا اركز اني انجح في ٤ بدال ٩ يعني ؟ لا لا، في شي اسمه Risk Reward ratio بمعنى معدل مخاطرتك على العائد كم؟ اذا بتخاطر في ١٠ دولار بعائد ١٠٠…
١٤- يعني تقدر من ١٠ صفقات تخسر ٩ و تربح صفقة بس و تطلع اخر اليوم ربحان ! شلون؟
٩ صفقات خاسرة = ٩٠ دولار لان كل صفقة بتخسر ١٠ دولار، صفقة رابحه = ١٠٠ دولار، يعني ٩٠-١٠٠ يبقى عندك ١٠ دولار ربح مع ان نسبة نجاحك في الصفقة تساوي ١٠٪ فقط!! تخيل ٩٠٪ نسبة فشل الصفقة لكن محفظتك تنمو!!
٩ صفقات خاسرة = ٩٠ دولار لان كل صفقة بتخسر ١٠ دولار، صفقة رابحه = ١٠٠ دولار، يعني ٩٠-١٠٠ يبقى عندك ١٠ دولار ربح مع ان نسبة نجاحك في الصفقة تساوي ١٠٪ فقط!! تخيل ٩٠٪ نسبة فشل الصفقة لكن محفظتك تنمو!!
١٥- لاتفكر كم مره تكون صح او كم مره تكون غلط، فكر انك يوم كنت غلط هل قدرت تحد من خسارتك و ماتخلي هالغلط يهدم محفظتك؟ و يوم كنت صح هل قدرت تاخذ اكبر ربح من هالاتجاه ولا طلعت مبجر؟ و كيف اخلي الربحان يربح اكثر و الخسران مايطول معاي.
١٦- نموذج الQM او Quasimodo او ال Over and under pattern ، ليش هالنموذج و شنو هالنموذج ؟
لو تلاحظون في الصورة النموذج مشابه ل الH&S لكن شخصيا من خلال ملاحظتي على الشارت دائما اشوف هالنموذج بشكل او بآخر.
الmentor لي "المرشد" Gary الامريكي اهو اول شخص خبرني عن هالنموذج.
لو تلاحظون في الصورة النموذج مشابه ل الH&S لكن شخصيا من خلال ملاحظتي على الشارت دائما اشوف هالنموذج بشكل او بآخر.
الmentor لي "المرشد" Gary الامريكي اهو اول شخص خبرني عن هالنموذج.
١٧- هل هالنموذج بهالبساطه ولا في له اكثر من تركيبه تخليك تغفل عن الشكل الاصلي ؟ شوف هالنموذج نفسه الQM لكن بطريقة اقل وضوح من قبل ، هل لاحظت هالنموذج من قبل؟
بالنسبة لي هالنموذج افضل لانه في القاع ادنى من قاع عطاني مؤشر على فرصه تغيير الترند ف دخولي من افتراض قمه ادنى يعتبر top
بالنسبة لي هالنموذج افضل لانه في القاع ادنى من قاع عطاني مؤشر على فرصه تغيير الترند ف دخولي من افتراض قمه ادنى يعتبر top
١٨- الاصعب في نفس النموذج يسمى بال shadow QM بحيث انه ناقص او شكله مخفي بحيث الراس و الكتف عبارة عن ذيول، صعب التعرف عليه لانه ذيول ف صعب الحكم انه راس ولا لا، لكن اللي تحتاجه chart time نفس ما Gary دايما يوصي عليه.
١٩- لاحظو النماذج اللي ارسلتها كلها السعر يرد الى منطقة عرض/طلب لم يزرها السعر من قبل، بحيث انه يكون الراس و الكتف عند منطقة جديدة و بعدها يرد يختبر هالمنطقة و تكوين كتف.
نرد للقاعدة الاساسية قمم و قيعان🌏
نرد للقاعدة الاساسية قمم و قيعان🌏
٢٠- هالنموذج اذا بتطبقة صح تحتاج صبر و انك تنطر الشارت و السعر يجونك ماتلحقهم انت تنتظر اللحظة الذهبية للدخول بشروطك الخاصة وبدون FOMO، شوف كمية الشموع اللي احتاجها بس عشان يدخل دخول ذهبي، كون السعر كتف و راس و بعدها تذبذب و نزول و دعوم و مقاومات و من ثم ضرب ستوبات وبعدها تدخل🥇
٢١- الصبر احد اهم سمات المتداول/المستثمر الناجح، لكن يصبر على شنو بالضبط؟ اهم شي شفته انك تصبر على الربح كثر ماتقدر و بطريقة سليمة بحيث اذا صبرك كان موفي محله و تراجع السعر عليك عندك خطه انك ماتتعلق او ماتتبخر كل ارباحك فقط لانك صابر و تشاهد.
٢٢- الفرص الذهبية ماتجيك في العمر الا كم مره فقط، و هالفرص ممكن تكون واضحة لك و ممكن انك جريء واخذت الخطوة انك تستغل هذه الفرص لكن كل الحسافة اذا شريت و صعد فيك السعر وتسرعت انك تخارجت بالكامل من هالاصل و يكمل السعر في الصعود و يعاقبك على تسرعك.
٢٣- بالنسبة للمضارب اليومي او اسبوعي ف مدة صبره اهي هاليوم او هالاسبوع، ف شلون الصبر مهم له؟ اهم شي بالنسبة له انه يصبر في اكتمال شروط الصفقة له بحيث النموذج و الظروف اللي يبحث عنها لازم مايتهاون فيها ولا يتنازل فقط لانه يبي يدخل في صفقة، خل السوق يجيك ولاتلحق السوق بتضيع.
٢٤- شنو الانجح المستثمر ام المضارب؟ من خلال ملاحظتي و بحثي ايقنت ان لعبة الاستثمار اهي لعبة العمر و ربحها جدا مجزي لكن بياخذ وقت بس التاريخ و البيانات اثبتت ان نسبة نجاح المستثمر جدا عاليه في اسواق المال و الجميل في لعبة الاستثمار ان التعب بس في اختيار الاستثمارات وبعدها تصبر🐳
٢٥- هل يعني ما اصير مضارب؟ لا موشرط لكن اعرف ان المضاربة دربها جدا صعب و متعب لك من كل النواحي، تحتاج مال و وقت و نفس و خبرة و و و و، متطلبات المضارب الناجح متطلبات كبيرة و ك نسبة و تناسب انت داخل في لعبة نسبة خسارتك فيها عاليه ف ليش تتعب نفسك؟
٢٦- مايدخل في المضاربة الا نوعين من البشر، الاول وهو الاغلب هو شخص يبي ثراء سريع و لن يحققة الا قلة جدا جدا نادرة، الثاني شخص يحب التجربة و يبي يتعلم حبا بالسوق و هالشخص بعد مايجرب و يتعلم بعدها يقرر اما بتعديل طريقة تداولة او يستمر بالمضاربة لكن هالشخص اهو اللي بيطلع ربحان خبره.
٢٧- مايقتنع الشخص بالاستثمار، الا شخص ينظر نظرة بعيدة ولا يهمه النظرة القريبة، شخص عنده هدف لكنه مدرك ان هدفه في الربح يحتاج وقت ف يشتري ويصبر، في الصورة الموضحه استثمار فقط في السوق الامريكي لافضل الاسهم اداءً لاخر ٥،١٠،١٥،٢٠ سنة، ليش ماتكون منهم؟ منو يصبر؟ هل فعلا بهالسهوله؟
٢٨- كيف تجعل نظرتك البعيدة نظرة ثاقبه؟ لانها نظرة بعيده ف عوامل كثيرة بتاثر على هذه النظرة، لازم تعرف الامور الاقتصادية او تقرأ عنها و تعرف مدى تاثير الاقتصاد الكلي و الجزئي على الاصل اللي تبي تستثمر فيه، من التعلم و القراءة راح تقدر تبني توقع لحالة الاقتصاد ومن خلالها.
٢٩- دراسة ال fundamentals "تحليل اساسي" جدا مهمه للمستثمر زيادة على علمك و نظرتك في الاقتصاد لازم تعرف امور في المحاسبة و التمويل لدراسة قوائم الشركات او بيانات الاصل و من خلال فهمك لهالدراسات تقدر تبني نظرة توقعية للقيمة الحقيقية لهالاصل او المتوقع وصولها.
٣٠- حط في بالك هالمقولة "كل دخول للمال اهو خروج لمال اخر و العكس صحيح"، يعني مهم جدا قبل لاتشتري اي اصل لازم تكون فعلا مقتنع و مؤمن ان في طرف اخر بيشتري منك عند السعر اللي انت تشوفه سعر ربح جيد و جدا عالي بالنسبة لك، ف لازم تختار الاصل اللي الكل يبيه مستقبلًا و باسعار عالية.
٣١- يعني الموضوع اصبح نسبي ؟ اللي اشوفه عالي و غالي ممكن غيري يشوفه رخيص او مغري للشرا! طيب يعني لازم اعرف سلوك هالناس و اتوقعه واكون مع الناس اللي تربح ونظرتها صحيحة، اقرا عن Behavioral Economics وعن تاثير الناس وصناع القرار واصحاب الشركات والمشاريع على المستثمرين، لاتكون عاطفي.
٣٢- كيف افصل عاطفتي في التداول/الاستثمار؟ لازم تبني لك سستم "نظام تداول" متكامل سواء هالنظام آلي او يدوي لكن هالنظام لازم يكون ماشي على أسس بحيث انه ماشي على استراتيجية واضحة جدا من قوانين و شروط لدخول وخروجك من الصفقة بحيث اذا اثر عليك مؤثر وصرت عاطفي ماتقدر تدخل/تخرج بدون سبب.
٣٣- مثال لنظام تداول يدوي، عندك نموذج في الشارت تتداول عليه، هالنموذج عنده شروط للدخول و للخروج واضحة جدا، عندك خطه بشروطها وقوانينها موضوعه مسبقا ف اي تاثير عاطفي يحصل لك بحيث انك تبي تدخل وتطلع بربح قليل او خسارة قليلة ويكون خارج الشروط و الخطة اللي وضعتها يعتبر غير مقبول.
٣٤- لازم يكون عندك مدونه تدون فيها كل صفقاتك وكل نتايجهم وقراراتك، وكثر ماتقدر انت تكون الحكم على نفسك، تصرفت بشكل عاطفي في صفقة الاسبوع الماضي وخرجت لازم تدونها وتعاتب نفسك، وتحسب كم مره خرجت على نظامك، كم مره ربحت و خسرت من هذا النظام، لما تبني لك data راح تعرف تطور من نفسك.
٣٥- الاغلب يخسر من السوق لانه ماعنده نظام تداول ولا يعرف يحاسب نفسه، تلاقي هالشخص في السوق الصاعد محفظته نمت ١٠٠٪ واهو مايعرف نسبة نجاحه من الصفقة وكيفية تقدير كمية الدخول للصفقة، السوق ماشي معاه و مستانس، الا ان يأتيه التصحيح، فجاه محفظته -٦٠٪ يعذر نفسه بان السوق هابط ولا يتطور.
٣٦- هالاشخاص لاتكون منهم، لان هالاشخاص لا يستمرون في الاسواق، واذا استمروا ف لان عندهم اموال كل مره يحطونها بالسوق و السوق يسحب منهم اكثر من ما يعطيهم، هالاشخاص يقدرون يصيرون ناجحين لكن مهتمين ب "اظهار" النجاح الزائف لهم و لغيرهم، بالمختصر بيسوي عرس على صفقة جاب منها ١٠٠٪…
٣٧- ربحت ١٠٠٪ مبروك لكن اداء محفظتك في نهاية السنة كيف؟ هل تقدر تدير محفظتك؟ هل تقدر تدير مخاطرك؟ هل تقدر تدير نفسك؟ ركز على الحقيقة ولا تغرك نجاح صفقة ١٠٠٪، لان حقيقة هالاشخاص في كل تصحيح يخسرون كل ربحهم وزود، ركز على الادارة لانها من اهم ادوات نجاح المتداول/المستثمر.
٣٨- خل هدفك واضح وصريح من دخول اسواق المال، الهدف هو الربح وتنمية محفظتك "الثراء"، اذا دعوة الناس على عرس صفقة جابت ١٠٠٪ و في نهاية السنة النمو للمحفظة في السالب هذه كارثه، كل انحراف عن هدفك بيغرقك وبيغرق محفظتك معاك، بقائك في الاسواق مرهون عليك مو على غيرك، ركز على نفسك و طورها!
٣٩- مثال لنظام تداول آلي، تجمع اكثر من مؤشر كل مؤشر يتم اختبارة من ناحية الBacktest من حيث تشوف نتايجه في الماضي و اختبار Forward test من خلال تدوين النتايج لايف، المؤشرات بحر و كل مؤشر له قصه وحسبه وتختلف المؤشرات بطريقتها و قراءتها لانهم مختلفين باساس المعادلة والهدف.
٤٠- افضل نظام تداول الي جربته، هو ان يكون عندك مؤشر دخول، مؤشر تاكيد دخول، مؤشر سيولة، مؤشر تذبذب، مؤشر متوسط سعري، كل هالمؤشرات لها قراءة و كلهم لهم هدف في هالنظام و طبعا كلهم لازم تختبرهم وتشوف فعاليتهم بروح و مع بعض.
٤١- هالنظام المتكون من ٥ مؤشرات له شروطه الخاصه، بحيث مؤشر الدخول والتاكيد يتم اختيارهم على اساس انهم مؤشرات تمشي مع الاتجاه مو عكسه، كذلك المؤشر مايكون repainting بحيث يعيد رسم نفسه ويمسح الاشارة السابقه، عندك مؤشرات الlagging اللي يعطونك القراءة متاخره وعكسه الforward/anti-lag.
٤٢- اذا اول مؤشرين من ٥ مؤشرات ترند و هالمؤشرين اهم اساس النظام، بعدها مؤشر السيولة لانك داش نوعا ما متاخر لان مؤشرات الدخول lagging ف لازم تبحث عن مؤشر سيولة جيد بحيث ان تضع لك شروط ان توافر شرط السيولة تدخل وان لم يتوافق ماتدخل حتى لو مؤشرين الدخول عطو دخول.
٤٣- المؤشر الرابع اهو مؤشر التذبذب و انصح بالATR وهالمؤشر وضيفته انك تأخذ قراءة تذبذب هالاصل و تعرف كيف انك تضع ستوب لوس و هدف اول للصفقة بحيث انك ماتضع ارقام ثابته لكل الاصول لان هنالك اصول عالية التذبذب واخرى قليلة التذبذب ف لازم تعامل كل اصل على طبيعته.
٤٤- اذا اصل تذبذبه دولار ف من الغير طبيعي ان اضع وقف خسارة دولار او اقل لان هذا تذبذب الاصل الطبيعي ف الافضل ان اضع مثلا دولار و نصف ك مسافه للوقف لان اذا ضرب الوقف يعني ان الاصل مشى مسافه فوق الطبيعيه باتجاه معاكس لتوقعي يعني ممكن جدا اني غلطان في توقعي للاتجاه.
٤٥- اخر مؤشر اللي اهو المتوسط، المتوسط يعطيني قرار بانني ما ادخل صفقه شراء الا اذا كان السعر فوق المتوسط بحيث اني اكون متطمن و كذلك اذا شريت و اغلق السعر ادنى من المتوسط اقدر اقص من خسايري لان عقب test لاحظت اني لما احد من خسايري ف كاني نميت ارباحي ان لم يكن افضل من ذلك.
٤٦- سستم التداول هذا اتاح لي اني ادرس مجموعة مؤشرات و قراراتها بالدخول وقدرت اتجرد من العاطفة بدخول او خروج اي صفقة، لقيت من هالنظام نجاح جميل ولله الحمد و راحه بال، لكن لا انصح ان تجعل كامل محفظتك مرهونه بنظام آلي، لان مافيها متعه و كذلك ممكن النظام يفشل بظروف صعبه تدخلك مهم.
٤٧- لاحظت ان بعض المرات النظام الآلي يعطي دخول و كل الشروط متوافقه لكن اخسر، ليش؟ يوم درست هالصفقات الفاشلة استنتجت ان اغلبها كان في اوقات اخبار مهمة بحيث التلاعب و التذبذب يزيد في هذا الوقت وضرب الستوبات، ايضا الصفقات اللي مالقيت لها سبب خلتني ادرس هالاصل اكثر واشوف وين المشكله.
٤٨- عرفت ان المشكلة في النظام مع هالاصل، ف عرفت ان هالنظام الالي من التداول ماينفع على كل الاصول، اذا دام النظام مثبت جدارته ف الاولى محو هذا الاصل من القائمة و بشكل فوري صرت امسح خساير مستقبلية، هالنظام الالي موشرط ينجح مع كل شي، انت تحتاج بس كم شي لتنمي محفظتك نهاية السنة.
٤٩- من خلال ملاحظتي للاسواق عرفت ان الاسواق العالمية اسواق تتطلع للمستقبل و تتحرك لنظرتها المستقبلية، بمعنى ان لو الكل متوقع ان الفيدرالي سوف يرفع الفايده و هالشي نوعا ما مثبت من خلال تصاريح المحافظين "تلميحاتهم" اذا بتشوف السوق يتفاعل قبل صدور القرار و اخذ تسعيرة الرفع.
٥٠- من خلال هالاستنتاج اذا في اسوأ اوضاع الاقتصاد و الاسواق ف من المنطقي ان الاسواق تكون القاع قبل تكوين قاع للبيانات الاقتصادية، لان الاسواق forward و البيانات الاقتصادية اغلبها lagging، الصورة توضح ان السوق الامريكي مع كل ركود او كراش كون قاع قبل قاع البيانات، اذا كن شجاع!
٥١- يعني في وقت تكوين القاع بتلاحظ ناس متشائمين بتوقعاتهم لارقام اقتصادية اسوأ ك التضخم و الGDP و ارباح الشركات.. الخ، و رايهم فيه جزء من الصحة لان فعلا هالارقام ماراح ترتد قبل السوق لكن غفل عنهم ان السوق ممكن يكون القاع بحيث انه يتطلع لارقام افضل لكن بعد هالارقام اللي يشوفونها.
٥٢- مشابه لهالشي لما تشوف شركة لازالت ماتدخل ارباح لكن سهمها يرتفع وبعض الناس يوصون بالاسثمار فيها؟! لان السوق مؤمن ان هالشركة بتنتج ارباح ف السهم يرتفع الى الاسعار اللي السوق متوقع انها عادلة لقدر من الارباح المستقبلية للشركة.
٥٣- الحركة الكاذبة او ال FakeOut ، لما كنت اتداول و السعر يضرب وقف الخسارة و بعدها يروح بنفس الاتجاه اللي انا متوقعه كنت اتساءل، هل اهم مستهدفيني؟ ولا انا غلطان بوضعي لهالوقف؟ استوعبت ان وقفي للخسارة اهو بنفس المنطقة اللي الاغلب حاطها، يعني هالمنطقة ان وصلها السعر ف تسيل اموال.
٥٤- استوعبت ان هالمنطقة غالبا تكون قريبه عند القمم/القيعان بحيث ان لو السعر يتجه الى تلك القمم/القيعان وشوي يزيد عنهم تضرب كثير من الستوبات و تتسيل مراكزهم، لاحظ في الصورة زياده على الQM حركة fakeOut بعد الR3 و تكملة نموذج QM ف يقوى النموذج لانه مع ضرب ستوبات.
٥٥- اهم شي تلاحظه ان السعر يكون مقاومة/دعم اكثر من مرتين بحيث هالمنطقة الكل يلاحظها و نوعا ما يحترمها ف تتمركز وقف الخسارة عندها، اول ماتشوف حركة عدائية لضربهم لاحظ اذا في منطقة عرض/طلب اعلى/اسفل هالمراكز و عادتا السعر يحترمها لان صانع السوق يدخل منها.
٥٦- ليش صانع السوق يحترمها؟ بكل بساطه صناع السوق موجودين لتوازن السوق "بعضهم يلعبون بالسوق" لكن خلك من اللعوبين، كيف يوازن السوق؟ اهو بكل بساطه يوازن بين العرض والطلب بحيث اذا الاغلب راح في جهة العرض اهو يطلب و يشتري منهم عشان السوق يستقر، يعني اهو في كل قمة و قاع بشكل او آخر.
٥٧- في بدايتي للتداول كنت فقط اتعلم واتكلم مع الغرب "ولا قصور في العرب" لكن اتجهت للغرب و دخلت قروباتهم وكنت اتعلم واتحدث معهم بشكل يومي، الغريب في الامر اللي لاحظته منهم كانو طماعين ودائما يحسابون انفسهم على ربح فاتهم او خسارة زادت عليهم.
٥٨- بعد تقريبا ٤ سنين اتجهت للعرب و اشوف علومهم و ايضا لاحظت شغله تردد عن العرب، اهي نصيحه ممكن تكون افضل او اسوا نصيحه، الا وهي "لاتكون طماع، ارضى بالربح" من مظهور هالنصيحه فعلا الطمع شين و هادم للبشر، لكن العجب لما بحثت في سير المستثمرين/المضاربين الناجحين وجدت مفاجأه.
٥٩- المفاجأة هي في كل سيرة شخص ناجح كان هالشخص شخص طماع لأبعد حد، هل يعني الطمع سر النجاح؟ اللي استنتجته ان الشخص اللي متاكد بنسبة عالية جدا من فرصه في الاستثمار او المضاربة و طمع فيها طمع مدروس من جانب الخسارة و مفتوح سقف الربح فيه، بحيث انك ماترضى بربحك وتشوف انك تستاهل اكثر!
٦٠- هالناجحين بالفعل كلهم كانو طماعين في الفرص اللي شافوها بالسوق و كل ما السوق يعطيهم ارباح من هالفرصه هم "يحلبونها" كثر مايقدرون، مايقول بس اكتفيت الا اذا الاصل اللي شراه يقوله خلاص انا اكتفيت ك اصل من الصعود.
٦١- طبعا الاشخاص الفاشلين اغلبهم مالهم سيرة تقراها، لكني متاكد ان هالفاشلين كانوا طماعين بغباء، يعني الطمع فعلا هادم لكن اذا كان مدروس فهو تمسك بنظرة موفقه ويتحول الى صبر جدا كبير، يقول جورج سوروس "انا غني فقط لانني اعرف متى اكون على خطأ"، لاتصير غبي طماع! خلك ذكي وادرسها صح🥇
٦٢- احد المؤشرات اللي استمتع باستخدامها للمضاربة هو مؤشر الTDI و بشكل طويل اسمه Trader Dynamic Index ، هالمؤشر بشكل مبسط يعتبر مجموعه من مؤشرات في مؤشر ، RSI + 2 MAs + Bollinger Bands، المؤشر على حسب علمي انشئ في ٢٠٠٥ من قبل Dean Malone.
٦٣- موقع المؤشر يكون تحت الشارت ، نفس مؤشر الRSI ، راح نفصل في المؤشر اكثر لكن فقط للعرض ، شكل المؤشر الكامل في هالطريقة ، لفلات الRSI مع متوسطين للسعر و الباند و متوسط "حاله السوق"، طبعا قبل لا ابدا بالمؤشر المؤشرات اشاراتها ليست حاتمه او كافيه لكن اذا قدرت توظف هالاداة بتتحسن🥇
٦٤- نبدا بالمشهور والمتعارف عليه اهو جانب الRSI في الموشر ، الخط الاخضر في الموشر اهو خط الRSI اللي تقيس عليه اذا وصل عند مستوى 68-80 ولا 32-20 و تتوقع "تشبه" بيعي او شرائي، طبعا هالمسأله فيها جدل لان من خبرتي في ناس شفتها تشتغل على الRSI بطريقه معاكسه و ربحانين.
٦٥- بحيث انه يشوف اذا الrsi وصل 70 ف يشوف انه قوة شرائبة وليس تشبع شرائي، طبعا في صحه للامرين و للطريقتين اذا كانت محكومة بشروط و ضوابط عشان ماتكون الاستراتيجية متبعثره، بالنسبة للTDI ف نحن ننظر لها من الجانبين على حسب الضوابط والشروط لهالسبب اعجبت في الاستراتيجية.
٦٦- الان جانب الموفنق مع خط الRSI ، الخط الاحمر عندما يتقاطع مع الخط الاخضر هنا يعطي اشارة دخول ، اذا الاخضر تقاطع للاعلى ف الدخول شراء، بكل بساطه لكن هذا فقط جانب واحد من جوانب المؤشر.
٦٧- الان نزيد عليهم الخط الاصفر او بما يسمى Market Base line اللي يعطيك قراءة على اتجاه الترند ، اذا تشوف الخط الاصفر بدا بالصعود يعني السوق بدا بترند صاعد، زد على ذلك لفلات الRSI بمعنى ان الاصفر اذا صعد عن لفل ٥٠ يعني في قوة في الترند الصاعد من اتجاه و زخم.
٦٨- اخيرا زد عليهم الباند اللي تشوفها في اللون الازرق، الباند يقيس تذبذب الاصل، بحيث اذا كان الباند ضيق يعني التذبذب جدا قليل واذا واسع ف التذبذب عالي🐳
٦٩- بعد مافهمنا مكونات المؤشر كيف نتداول عليه؟ المؤشر عليه استراتيجيات كثيرة جدا في المضاربة، نبدأ بابسط و اسهل طريقة، هنا في الصورة نلاحظ تقاطع الاخضر مع الاحمر "ايجابي" ، اتجاه الخط الاصفر للاعلى "ايجابي" ، الموفنقات فوق ال٥٠ rsi "ايجابي" ، الباند واسع "ايجابي"، ندخل شراء.
٧٠- استراتيجية اخرى و متعارف عليها، اهي الدايفرات، بحيث ان السعر المعكوس على الشارت مثلا يبني قمم صاعدة و في الTDI "الخط الاخضر" يبني قمم هابطه، كما موضح بالصورة مع الاسهم، طبعا هالاستراتيجية لازم تعرف اسرارها لان مخاطرها عاليه بحيث ممكن السعر يسحب عليك، افضل ٣ دايفرات في الساعه.
٧١- استراتيجية استمتع فيها اهي الSqueeze ، بحيث السعر يبدا بتذبذب قليل جدا "لاحظ الباند الازرق يضيق"، بعدها ينفجر الباند لكن لاحظ قبل ذلك يخترق الخط الاخضر حاجز الباند، اول ما يخترق اشتري على امل ضغط سعري "squeeze" بحيث بعدها ينفجر السعر و تحصل القوة الشرائية حتى لو يوصل ٧٠ rsi.
٧٢- استراتيجية اخرى استمتع فيها اهي الTDI Hook، بحيث ان بعد مايتجه السعر بشكل عدائي في اتجاه بتلاحظ ان الخط الاخضر اخترق الباند و بعد ذلك ممكن تلاحظ ضعف في الصعود و تكوين نماذج انعكاسية من قاعين او قمتين او شموعه انعكاسية كالمطارق، اول مايتقاطع الاخضر مع الاحمر بعكس الاتجاه ادخل.
٧٣- هالcheat sheet ممكن يساعدك ايضا بفهم الطرق الكثيرة و تعاملك لهالمؤشر، السوق في ٣ حالات صاعد و نازل و متذبذب، هالصورة تشرح كيف تتعامل مع السوق الصاعد و شنو اللي تنظر له في المؤشر، وكذلك حالات السوق الاخرى.
٧٤- بالنسبة لي الشباب اللي درسوا عند Steve Maouro و تعلموا منه استراتيجية سماها BTMM او بشكل مطول Beat The Market Maker، الاستراتيجية طويله و فيها تشابه من الICT لكن اللي شدني فيها توظيفهم لمؤشر الTDI بعرض بعض الاستراتيجيات بشكل مختصر ✅
٧٥- هالشباب خذوا الTDi و شبكوه باشياء اكثر لكن ضافوا اضافات خاصه، احد هالاشياء اهم ربط الM و W ك نموذج و كيف تعاملك معاه، لاحظ ان في هالاصل السوق كان قليل التذبذب ومن ثم ضغط السوق للاعلى و كون M و في الTDi الاخضر كون M كذلك لكن طرف طالع عن الباند و طرف داخل الباند…
٧٦- بعد ما السعر صعد و ضرب الستوبات و كون بما يسمى PFH او بشكل مطول Peak Formation High على شكل M و الTDI بعد الSqueeze كون دايفر، بعدها تقاطع الاخضر مع الاحمر الى الاسفل و زياده التاكيد بعدها بدا ينحني الخط الاصفر الى الاسفل واتجهت كل المتوسطات للاسفل، السعر اتجه الى قاع جديد👍🏼
٧٧- بمشي على الشارت، بعدها نلاحظ بعد تكوين قاع حصل دايفر ايجابي و Hook Up في الTDi و اتجه السعر للاعلى بعدها، انا بمشي على نفس الشارت و بجدم وبتكلم عن طريقه دمج و قراءة الاشياء مع الTDI وكيف توظيفها.
٧٨- تذكرون نموذج الQM ؟ هني نقدر نلاحظه وبوضوح، زد على ذلك في الTDI عند الدائرة الموضحه نلاحظ ان الخط الاحمر و الاخضر اخترقوا الاصفر الى الاعلى و صعدوا عن لفل ٥٠ وكذلك لاحظ الخط الاخضر رد عند الاصفر وارتد منه "يسمى ذلك بال Baseline Bounce "، السعر اتجه لاعلى بكل اريحيه 🫡
٧٩- نلاحظ بعد صعود السعر لقمة جديدة تشكيل دايفر سلبي و الشارت M و الtdi كذلك M "الخط الاخضر واحد بره و الباند و الثاني داخل" ، هبط السعر بشكل طفيف و بعدها دايفر ايجابي و صعود عنيف “PFH” دايفر سلبي مع Hook Down و البتكوين يحتضر الان :) طبعا وانا اشرح واشوف الشارت البتكوين يحتضر😅
٨٠- عشان اختتم كلام اليوم والشي بالشي يذكر و حدث تاريخي للبتكوين، ماذا نبحث مع الTDI والاستراتيجيات التيكنيكال مع البتكوين الان؟ نبحث عن PFL و نلاحظ الان مع الTDi ان الخط الاخضر وصل مستوى ٢٠ واقل في ليفيل الrsi، هل هو تشبع بيعي؟ ام قوى بيعيه؟ ننتظر W او QM ؟ لاتتسرع خل السوق يجيك
٨١- احد الملاحظات اللي شفتها بالسوق اهي "الارقام النفسية" شنو هالارقام؟ وليش وجدت؟ لاحظت في اغلب الاصول نقاط البيع القوي "قمة" او الشراء الكبير "القاع" تكون في ارقام صحيحه مثلا 10,20,50,100 و 15,30,60 و الارقام اللي تكون "نظيفه" بدون فواصل و لويه ارقام صحيحه، صار عندي تساولات🤔
٨٢- التفسير المنطقي اللي وجدته نحن ك بشر عندنا جانب عاطفي يحكم بعض او اغلب قراراتنا و من ناحية الشراء او البيع حتى لو نشتري سلع استهلاكية ف نتجه الى الارقام السهله البسيطه و حتى لو السلعه ب مثلا ٩،٦٩$ اذا واحد سالنا بنقول شريته ب ١٠$، في الاستثمار/المضاربة هالشي موجود وبكثرة.
٨٣- لاحظت كثيرا سواء من رؤوس اموال كبيرة او صغيرة، يفضلون الشراء من سعر محدد و سهل حسبة ربحه و خسارته سمي هالرقم بالرقم النفسي، هالارقام النفسية اهي ارقام صحيحه تعطي حاجز نفسي بحيث ان الشخص يطمح لبيع الاصل ب ١٠٠$ مثلا و يخاف كسر ٥٠$ و يشتري عند مثلا ٦٠$ 🧐
٨٤- الشايب Gary كان دايم يقولي يا "عبدول" 🤣 دايم لاحظ هالارقام مهما كان الاصل ف الناس محكومه بالعاطفة سواء ايجابي او سلبي في ارقام لما الاصل يزورها حتى لو ماكان في ماضي للشارت بحيث ان الاصل زار هالسعر، بتلاقي هالارقام اهي القمم/القيعان الجديدة.
٨٥- دام امس يبت البتكوين ك مثال، اليوم كذلك نجيبة ك مثال، اين قمة بتكوين التاريخية؟ بتشوفها عند 69,000 🤯 ليش وقف على هالرقم ضبط؟ القمة السابقة كانت 64,854 بالضبط! القاع بعد هالقمة 28,805 بالضبط! هالدراسة فادتني بتوقع وجود قمة او قاع بشكل مبكر بعد لمس الاسعار الصحيحة.
٨٦- عشان اكون واضح مافي استراتيجية معدل نجاحها ١٠٠٪ ، لكن شي على شي بيطور من توقعاتك للاصل، هالاستراتيجية لها كثير من المشككين وانا كنت واحد من هالمشككين لكن من بعد ملاحظتي للسوق فعلا شفت في حاجز نفسي للبشر في الشراء او البيع و توقعهم لهالاسعار دائما تكون بارقام صحيحه.
٨٧- راس المال و ادارته، تكلمنا بالسابق عن موضوع الRR و الان ودي اتكلم عن بعض ادوات/طرق ادارة راس المال و وجهة نظري حولهم، اولا اداة وقف الخسارة، لاشك انها جدا مهمه و يختلف استخدامها بناءا على نوعية الاصل و نوعية المتداول من حيث انه مضارب ام مستثمر.
٨٨- لاحظت عند المستثمرين و طبعا يفرق نوعيه الاستثمار على مخاطر السوق، مثال الاستثمار في سوق الاسهم الامريكية ليس ك الاستثمار في سوق الكريبتو او بورصة دول ناشئة، المستثمرين ماشفت مستثمر عنده شي اسمه وقف خسارة ك اداة متعارف عليها ان لو الاصل ينزل عن سعر معين ف يبيع اصوله.
٨٩- ليش ؟ لان بكل بساطه الاستثمار مبني على رؤية بعيده + لايهتم بتقلب السعر الحالي او قصير المدى لانه مبني على اساسات من ناحيه تقييم المشروع/الاصل من الناحية المالية و توقع ارباح هالاصول و توقع قيمتهم العادلة المستقبلية، ف اي سقوط للسعر بدون تغيير في اساس "الشركة او الاصل" لايهم.
٩٠- بالنسبة للمضارب ف اللعبة قوانينها تتغير، مضارب بدون وقف خسارة فهو مضارب فاشل لامحاله، اشبه باللي يسوق السيارة بدون حزام امان، انت واثق من قيادتك للمركبة لكن في ظروف انت ماتقدر تتحكم فيها و تفاجئك وترتطم بمركبتك و بدون حفظ الله ومن ثم اخذ احتياطاتك ف الضرر بيكون كبير عليك.
٩١- الاداة الثانية هي من انجح الاداوات بالنسبة لي واهي الTrailing stop loss ، بحيث ان هالوقف متغير مع تغير للسعر، افضل استخدام له اهو اذا شريت اصل مثلا ب ١٠$ و اتوقع صعوده الى ١٥$ بحيث صعود نسبة ٥٠٪ في فرضيتي الاولى اذا وصل الاصل ١٥$ بخرج بالكامل، لكن اشوف هالشي خطأ.
٩٢- ليش خطأ؟ لان في اصول راح تتخطى توقعاتك بدال لا اخرج بالكامل على سعر ١٥$ ، اخرج بكمية واضع امر Trailing واهو ستوب متحرك مع حركة السعر نسبه و تناسب وتقدر تغير النسبة، مثال عند سعر ١٥$ احط الامر في كل صعود ٥٪ وقف الخسارة يصعد عن نقطه دخولي ب ١٪ او ايا كانت النسبة.
٩٣- هني انا دخلت ف صفقة Win Win وهذي الصفقة ان فشلت ف بربح ربح اقل من توقعي الاولي اللي اهو ٥٠٪ لكنه ربح، وان صعد الاصل ف راح اصعد معه الى السماء، Gary كان دائما يقولي The sky is the limit في اسواق المال ترا ماتحتاج مليون صفقة ناجحه، كافي صفقة وحده تمشي معها الى السماء🐳
٩٤- السوق غالبا بيصدم توقعاتك سواء السلبية او الايجابية، ك مضارب السلبية وقف الخسارة تحدها حد و ماتعطيها مجال انها "تعلقك" وتصدمك، لكن في الايجابية هنا مربط الفرس اما تكون طماع ذكي نفس ماتطرقنا سابقا، او انك تاخذ ربحك و تنصدم بصعود السوق اكثر واكثر وانت تناظره بتعجب🤯
٩٥- الامر الثالث هو الزيادة في شراء الاصل، هنا يختلف هل زيادة في الشراء في اقل من دخولي الاولي ولا يكون الزياده فوقه ؟ "تعزيز/تبريد" ، في فرضيه هبوط الاصل ف ك مستثمر اذا ماتغيرت الامور الاساسية ف زيادة الشراء بيكون جدا مغري و جيد ، لكن ك مضارب اشوف غالبية الامر خطر و غير جيد.
٩٦- لانك ك مضارب رؤيتك مبنية على اساسات ليست ببعيدة و لما الاصل يهبط عن دخولك الاول فالاصل كانه يقولك "الان" دخولك كان خاطئ، ف الافضل انك تلتزم بوقفك للخسارة و حتى لو كان بعيد وقفك ف الاغلب انك ماتزيد على الصفقة من تحت افضل، تفصيلها كثير متى افضل للمضارب ان يزيد من تحت لكنه نادر.
٩٧- في فرضية ان الاصل الان يتداول فوق دخولك الاولي، ك مستثمر و ك مضارب ف الزيادة في الشراء جيده لان الاصل "الان" يقولك دخولك صحيح و توقعاتك الان تترجم على السعر بشكل ايجابي، ف احتمالية المخاطرة في الزيادة تكون اقل، طبعا وفقا لاستراتيجيتك ولا تطلع عن قراءتك و توقعاتك بشكل غير منظم
٩٩- احد طرق ادارة المخاطر هو التنويع "Diversification"، شخصيا لا احب التنويع المفرط و ايضا لاحظت سوء فهم لمصطلح التنويع عند الاغلب، مثال شخص مستثمر فقط في سوق الاسهم الامريكي و شاري ٢٠ سهم من كل القطاعات و يعتبر نفسه ان محفظته متنوعه، هالشخص محفظته في سوق واحد ف مستحيل انه منوع.
١٠٠- شخصيا اشوف افضل التنويع هو ان الشخص اولا مايستثمر امواله في سوق واحد، مثال ٤٠٪ اسهم ، ٢٠٪ وديعه/ذهب/عملات ، ٢٠٪ انشطه عمل و اسواق مالية اخرى، ١٠٪ صكوك ، ١٠٪ كاش، هذا فقط مثال لشكل المحفظة المتنوعة وليست مبنية على ارقام صحيحة و دراسات 😄
١٠١- اذا تطرقنا للاسهم، شخصيا لا افضّل شراء ٢٠+ سهم، بالنسبة لي التنويع في الاسهم يكون من خلال شراء مؤشر السوق و بعدها اختيار افضل ٢-٧ اسهم بالنسبة لك، كثر ماتقدر خل اختيارك للاسهم محصور جدا على عدد قليل بعد دراسة و ايمان منك ان هالشركات اهي افضل الشركات للاستثمار🥇.
١٠٢- حاب اشارككم بعض من اسرار Gary في التدوال، قاري اول شخص اعتبرته Mentor لي بحيث ان الرجل خصص لي وقت يعلمني و يوجهني، العجيب في هالشخص رجل بلغ من العمر عتياً و تعليمه لي ماكان نفس التعليم التقليدي، كان كانه يناقشني و يحسسني ان رايي مهم و ياخذ و يعطي معاي!
١٠٣- قاري كان يعشق شمعتين وحده ايجابية و الثانية سلبية، بكل بساطة يتداول على Inverted hammer و Hanging man و كان يسميها The Tell لان هالشمعه كانها تخبره ان السعر بيعكس و بالفعل كانت نسب نجاحه جدا عالية بشكل جنوني، في الصورة موضح شكل الشمعة.
١٠٤- قاري كانت قوانينة صارمة بتداول هالشمعتين، اولا الوقف يكون قريب من الشمعه بحيث اذا السعر عكس خلاص يخرج بدون مجاملة، ايضا مهم بالنسبة له ذيل الشمعة لانه هو الTell اللي يشوفه ان في تغيير للاتجاه، اذا مثلا IH نفس الصورة ف اهو يفضل ان الشمعة تغلق بشكل ايجابي عشان يتطمن اكثر.
١٠٥- قاري ايضا كانت عنده قاعده، كل ما كبر الفريم كل ما صارت الحركة افضل و اقوى، لي درجة قاري كلمني في نهاية عام ٢٠١٩ قالي "عبدول بااي بتكوين!!" قلت له ليش؟ قالي "check the yearly candle ! Its a ***** tell!” المجنون غاري حقق ارباح مجنونة بتداول شمعة🕯️
١٠٦- قاري كان من مناصرين انك تتداول بكل بساطه بدون ضوضاء المؤشرات بحيث نظرتك تكون واضحه بدون شوشره، كم متوسط و راقم اللفلات الصحيحة و انتظر الشمعة تتكون و حدد خسارتك لكن ربحك خله الى السماء امش معه لين يقولك بس!
IH = inverted hammer
HM = hanging man
IH = inverted hammer
HM = hanging man
١٠٧- على بساطة الشمعتين لكن قاري ماكان اي ظهور للشمعه يتداول عليها، يهم قاري ان السعر يشوف في ضعف في الاتجاه حيث يخلط اشياء مع هالشمعتين، مثلا يشوف الADR اذا السعر اجتار الرينج اليومي ف يدور لانعكاس، او يشوف اذا الشمعه موجودة عند متوسط سعري تلامسه للانعكاس، او ليفيل مهم…الخ
١٠٨- بالرغم من مشاركتي في هذا الثريد العديد من نماذج الشارت إلا أن لم و لن يغيب عن ذهني قاعدة أساسية أن الشارت لايعني بالشيء الكثير للمستثمر الناجح، هنا أحد انجح المستثمرين إن لم يكن الأنجح بينهم! وارن بافيت اخذ العلم منه، ايضا شكرا @AKdesigner_ على مشاركة المقطع💛
١٠٩- بعض من النصايح اللي استفدت منها من اشخاص لهم خبرات كبيرة في المجال المالي من عمل مع مؤسسات و استثمارات شخصية، احد هذه النصائح الذهبية هي اذا انت شخص توك في مقتبل العمر و داخل في اسواق المال عندك ميزه تنافسية جدا عالية بأنك تقدر تاخذ مخاطر عالية و تخلي الزمن يحكم عليها🚀
١١٠- كيف يعني؟ مثال حصلت لي فرصه اني اشتري سهم TSLA في اسعار جدا متدنية "مقارنتا مع السعر الحالي" لكن وقتها الشركة ماتدخل ارباح و دايم خسرانه و عليها كثير من الكلام انها شركة مؤولة الى السقوط، و لهالسبب قررت انني ما استثمر في شركة عالية المخاطر مع اني رجل ماعندي التزامات كبيرة🙂
١١١- تطبيقا لنصيحه هذا الشخص ان وقتها انا شخص عندي وقت انتظر و لاعندي التزامات كبيرة و الشي الافضل من ذلك عندي سيولة جانبية ما احتاجها في حياتي وقتها و فقط موجودة لاسواق المال، ليش ما اخاطر؟ ان فشلت عندي كثير من الوقت لكي اعوض و ابحث عن شركات افضل، وان ربحت ف العائد جدا مرضي👍🏼
١١٢- معرفة وضعك جدا مهم لتحديد طرق استثمارك او دخولك الى اسواق المال، مثال شخص عنده زوجه و طفلين ف المفروض ان دخوله الى السوق هو دخول مثلا لجمع اموال تكاليف دراسة و شراء سيارة لاطفاله، ف تحديد استثماره يجب ان يكون لمدة ١٥ سنة و مخاطر متوسطة و الافضل التي تدر بعوائد سنوية.
١١٣- لنفترض نفس هالشخص ما حدد موقعه من التداول او الاستثمار في اسواق المال و دخل بمخاطرة عاليه ف هالشي راح يسبب له ضغط نفسي رهيب و هالضغط راح يخلي هالشخص يبدي ب سلسلة قرارات سيئة و خسائر كبيرة و ممكن تاثر على حياته الشخصية! كل هذا لانه لم يعرف هدفه او موقفه من اسواق المال.
١١٤- هالشي يجرنا الى اساسيات اي صفقة تاخذها في حياتك، الصفقة يجب ان يكون لها عنوان واضح من مده زمن و من نسبة مخاطرة و العائد على المخاطر و اسس اسباب الدخول من تحليل كامل للاصل، بحيث كانك تكتب فرظية كاملة "Thesis" للصفقة، ان نسفت هذه الفرضية ف العاقل لايكابر على الغلط.
١١٥- احد اهم الدروس التي عرفتها من قراءة الاقتصاد السلوكي Behavioral Economics or Behavioral Finance هو ان العقل يستخدم نظامين الاول سريع و وبديهي/تلقائي، يكون هالنظام اكثر عرضه للتحيز و الخطأ مثل الثقة المفرطة، شخصيا كنت اعاني من هالشي في بدايتي كنت اشوف فرصه و ما اتمالك نفسي😅
١١٦- النظام الثاني هو نظام بطيء وتحليلي "يدرس الشي"، هالنظام ضروري للمهام المعقدة التي تتطلب اهتمام وتركيز، و هذا النظام اهو اللي نحتاجه للتداول والاستثمار اذا شفت فرصة الافضل انك تحلل هالفرصة و تشوفها من نظرة مجردة من التجيزات وبعدها تقيس هل فعلا بعد دراستك الامور جيدة ام خدعه😀
١١٧- امر اخر في السولكيات هو اللاعقلانية او اللامنطقية، وهذا شي طبيعي لأن ليس جميع سلوكيات البشر منطقية او عقلانية وكذلك أنا وأنت! مثال لو تأخذ شريحه من الناس و تسألهم من منكم يعتقد أنه أذكى من المعدل الطبيعي الأغلب بيجاوب نعم وبتشوف معدل غير منطقي لكن الواقع يختلف مع ذلك.
١١٨- المثير كذلك هي نظرية الاحتمالات في الاقتصاد السلوكي، تشير هذه النظرية أن تأثير الخسارة على الشخص أكثر من تأثير الربح عليه، مثال على ذلك أغلب الناس لايشعرون بالراحه في رهان 50/50 احتمال خسارة وربح حتى لو قدم لهم ربح ١٠$ و خسارة ٥$ على نفس الاحتماليات.
١١٩- فعلا شخصيا وجدت هالشي ان الخسارة توجع اكثر من فرحه الربح و أحيان تكرار الخسائر يوجد فيني تكرار ألم و من ثم عدم راحه في أخذ أي صفقة جديدة و أيضا يأثر على تحليلي للأصل، لكن على المثال السابق يجب عليك أخذ هذا الرهان بدون أدنى شك أو خوف حتى لو تكرر معاك كل يوم الاحتمالات لاتكذب!
١٢٠- أيضا هنالك شي يسمى بتأثير الهالة، وهو تاثير انطباعك العام عن شخص ما يجلبك الى تحيز لرأيه أحيانا بدون تفكير او تشكيك ولو شخص آخر ماتحبه و يقول راي على طول بتفكر بطريقة لتعارض او تتحدى آراءه، هالشي جدا خطر عليك لأنك بتضخم ناس زيادة عن اللزوم وشوي شوي آراهم بتكون آرائك 😵💫
١٢١- التوافر الإرشادي او إرشادية التوافر Availability Heuristic هو بكل بساطه تحيز معرفي حيث انك تحكم على احتمالية وقوع حدث بناء على مدى سهولة حضورة في ذهنك، مثال الناس تخاف تركب الطيارة لأنهم دايم يذكرون حوادث جدا جدا نادرة لكنها معلقة في اذهانهم مع ان منطقيا ركوب السيارة أخطر 🤔
١٢٢- لاحظت كثير من المحللين مع اي نزول يحبون أن يذكرون أرقام كارثية لان سهولة خطور الكارثة على أذهانهم سريعة مع أن منطقياً السوق الأمريكي ك مثال يهبط هبوط قوي كل ٧-١٠ سنين مره وحده فقط! ف عرفت أن يجب علي مراقبة نفسي وشاللي يخطر في بالي وياثر على قراري بشكل سلبي.
١٢٣- من الأمور المثيرة كذلك هو ال Sunk Cost Fallacy و اظن تسمى مغالطة التكلفة المتناقصة، تظهر كثيرا في الاستثمار و تستمر ان تستثمر حتى لو المشروع لايستحق زيادة في الاستثمار وبكل سهولة تزيد فيه لأنك استثمرت فيه منزمان وحطيت جهد وقت ومال كأنك تشاهد فلم ممل وتكمل لانك بدات ودفعت😂
١٢٤- هالمغالطات ممكن تهدم محفظتك لكن اللي مايدخل في هالمغالطات هو الشخص اللي قلنا عليه انه واضع خطه كاملة مسبقة لأي أصل يستثمر فيه بحيث الأصل هذا طال الزمان او قصر يحاول كثر ما يقدر مايدخل بتحيز غير منطقي لهالأصل ويستمر برمي امواله فيه وتضيع الحسبة في النهاية😨
١٢٥- أخطر الأشياء بالنسبة لي هو التحيز التأكيدي Confirmation Bias بحيث أن الشخص يميل الى البحث عن معلومات تساند رأيه في الأصل ويتجاهل كل رأي مخالف له وهالشي كانه غسيل دماغ لنفسك، شخصيا دائما أحرص إني أسمع للرأي المناقض لرأيي وتحيزي وبل بعض المرات أحاول أنني أتقمص دور الرأي الآخر.
١٢٦- اكثر شيء شائع شفته في محللين الشارت هو الإدراك المتأخر Hindsight Bias ، وهو ببساطه بعد وقوع اي حدث يذهب الشخص بالاعتقاد أن هذه النتيجه كانت جدا وارده في ذهنه وجدا واضحه بالنسبة له، لكن لو تسال هالشخص هل شريت في هالأصل اللي بالنسبة لك واضح انه بيصعد؟ طبعا لا، لكن واضح ☺️
١٢٧- تأثير التأطير Framing Effect ، هو تاثير طريقة تقديم المعلومات على قراراتك وتصوراتك وهي من اقوى التاثيرات عليك في صنع قرارك، مثال تم عرض نفس الدواء لكن بتغليفين مختلفين واحد مكتوب عليه للنساء و زادو فيه بالسعر و اخر لم يكتب شيء "مخصص" عليه وهو بسعر أدنى، النساء شروا الاول 🤓
١٢٨- نختم بتأثير الترسيخ Anchoring Effect وهو تحيز حيث انك تعتمد بشكل كبير على الجزء الأول من المعلومات التي تتلقاها عند اتخاذك للقرار، مثال شائع انك تشوف سهم بقطاع معين بسعر ١٠٠$ و بعدها تشوف سهم آخر بنفس القطاع ولكن ب ٥٠$ ف تعتقد ان السهم الثاني رخيص لانك وضعت السهم الاول كقياس
جاري تحميل الاقتراحات...