لما بدأت اتعلم المجال عدد الكورسات اللي كانت على الإنترنت كان عددها صفر مكنش في فيديوهات ومكنش في غير مقالات معظمها فيها معلومات غلط وكنت بحارب علشان اتعلم واوصل. تابع الثريد
لو انت معتمد اعتماد كلي على اللي بيعلمك مستحيل توصل للاحتراف وهتفضل دايما مستني حد يديلك المعلومة ومستني حد علشان تقلده, الاحتراف هو اللمسة اللي انت هتضيفها بعد متتعلم من الكورسات اسمع النصايح دي وامشي وراها علشان هتفرق معاك كتير في حياتك.
1- حياتك في المجال بتبدأ بعد ما تخلص الكورس مش أول متبدأ الكورس يعني كأن واحد جايبلك مكنة تنتج بيها حاجة معينة وعلمك ازاي تستخدمها, الاحتراف بقى هو الشغل اللي هتعمله بالمكنة وتجاربك الخاصة والمشاكل اللي هتواجهك وانت مشغل المكنة.
2- مش غلط انك تستعجل وتكون عاوز تشتغل بسرعة كتير مننا محتاج فلوس باسرع وقت ومعندوش الصبر ولا رفاهية الوقت انه يصبر لكن واجبي اني اقولك ان مستوى الوظيفة اللي بتحلم بيه اللي قريب من الدول الاوروبية مش هتوصله الا لما تتعب سنين وتتأسس صح وتذاكر كتير جدا وتتابع المجال وتعيش فيه.
3- لما تتعلم متتعاملش مع مصدر واحد بس واتعلم من اكتر من مكان لكن مش في نفس الوقت يعني خلص مصدر وخش على اللي بعده لان كل كورس هيقدملك معلومات جديدة باذن الله.
4- وانت بتتعلم كورس نظري اعمل تطبيق عملي وحوله لفكرة, مثلا لو بتتعلم كورس Html انت بنفسك ابدا صمم موقع وكل حاجة تتعلمها طبقها في الموقع بتاعك لان بعد المعلومات الاولية التطبيق العملي هو اهم حاجة هتفيدك في حياتك وأكتر حاجة هتخليك تحفظ كل عنصر وكل حاجة في المادة بتتعامل معاها
5- متعملش مواقع وافكار كتير جدا وركز في انك تطلع كل مهاراتك وافكارك في موقع واحد بس علشان توصله لاعلى جودة تقدر توصل ليها لان الشركات مش بتدور على عدد المشاريع اللي انت عاملها بتدور على اعلى جودة انت تقدر توصلها.
جاري تحميل الاقتراحات...