هل تواجه احد هذي المشاكل؟
1- تنظيم يومك.
2- الاستمرارية في تحقيق أهدافك.
3- التشتت وضياع الوقت.
يب؟ خليني اقلك كيف تحلها 👇🏻
1- تنظيم يومك.
2- الاستمرارية في تحقيق أهدافك.
3- التشتت وضياع الوقت.
يب؟ خليني اقلك كيف تحلها 👇🏻
الحل سهل وبسيط في كلمتين.. "مربع الاولويات"
🔻 مربع الهام والعاجل: اسميه مربع الازمات وهنا راح يجي كل الاشياء المهمة واللي لازم تخلصها حالا والا حتأثر على مهامك واولوياتك الباقية.. زي مثلا عندك اختبار ايلتس بعد يومين..
هنا الاختبار مصيري وقريب معناه انه مهم وعاجل ولازم تعطيه الاولوية في وقتك وجهدك.. وقيس عليها كل الامور المهمة ولها ديدلاين 🚨
🔻 مربع الهام وغير العاجل: وهذا اسميه مربع تحسين الخطط.. هنا راح يجي كل الامور اللي لسه مهمة لكن مهي عاجلة او لها ديدلاين قريب.. مثلا تستعد لإختبارك اللي بعد شهر هنا راح تستعد كويس لكن تدريجي.. وكل ما راح تبدع حيكون اثره عليك مستقبلا رهيب.
🔻 مربع غير الهام والعاجل: هذا مربع الاعاقات اللي اسميه الفخ! هو زي جرس يرن طوال الوقت ويشتت انتباهك، "زي مباريات الكورة" فاذا راح ياثر على مهامك الباقية لا تسويها، واذا حسيت انه وقتك منظم وعندك وقت زيادة ممكن تسويها.. ولكن حذاري انك تنجرف ☠️
🔻 مربع غير الهام وغير العاجل: هذا مربع مضيعات الوقت! واللي معظمنا يحب يقضي وقته فيه 😅 (زي متابعة الافلام والمسلسلات) حاول انك تتخلص من جميع الأعمال غير الهامة وغير العاجلة ولا تشتت نفسك فيها.
فهمك وتطبيقك لهذا المربع يساعدك في ترتيب أولوياتك وزيادة انتاجيتك .. فتعرف ايش عليك تنجزه بنفسك بشكل عاجل، وايش عليك تأجله وايش ممكن تفوضه لغيرك وايش اللي لازم تتجاهله. 🎯
وهذا مو معناه انك تركز فقط على مربع الهام والعاجل والا بعد شوي وقت راح يصير كل شيء في هذا المربع لانه حيصير عاجل.. حاول انك تخلي معظم امورك في المربع الثاني 🙅🏻♂️
جاري تحميل الاقتراحات...