القصة بإختصار اني اتعرض للتعنيف من زوجي من ثاني سنة بعد زواجي،وكل مرة اهلي يرجعوني لحد اتوفت والدتي وصار ماعندي مكان الجأ له،،ولو اتعرضت للضرب اروح لبيت اخويا بس انحرم من بنتي، اضطريت اصبر واتحمل لحد رزقني الله بولد اكتشفت انه من ذوي الإحتياجات الخاصة...
#معاق_الطائف_المعنف
#معاق_الطائف_المعنف
حاولت مع ابوه انه ناخذه للفحص الطبي وعمره 4سنوات،،رفض وكان اذا مرض ياخذه لمستوصف خاص، ماياخذه للمستشفى الحكومي عشان محد يعرف انه عنده،طفل معاق،💔
فحجر كورونا اتعرض الطفل لإصابة وانكسرت يده واستدعيت له الإسعاف ونقلونا لمستشفي التخصصي،وهناك حاولت ان ينعرض على طبيب يفحص اعاقته...
فحجر كورونا اتعرض الطفل لإصابة وانكسرت يده واستدعيت له الإسعاف ونقلونا لمستشفي التخصصي،وهناك حاولت ان ينعرض على طبيب يفحص اعاقته...
فالبداية وعدوني يرسلو طبيب مختص بس بعد ماسووله عملية كتبو لنا خروج واعتذروا عن فحص اعاقته عشان كورونا، وانهم لازم يحولوه لمستشفى شهار،والتحويل متوقف بسبب الاحترازات، وطلعت للبيت ويده فالجبس وكل مرة نراجع،طبيب العظام يقلي مااقدر احوله،بسبب كورونا واستسلمت، بس صارت حالته تزيد سوء..
صار يتشنج يبكي بالساعات وحركته زادت وصراخه زاد ولا اقدر افهم عليه،ولا اعرف ليش يبكي وايش يوجعه، ابوه كان اذا اتشنج يضربه بالعصا وغالبا اخر الليل، او فالصباح،،كان يعتدي علينا اذا حاولت ادافع عن ولدي،،ويخفي مفاتيح الغرفة،عشان مااقفل علينا الباب وقت تشنج الولد.لحد بيوم زاد العنف..
قررت اوثق واثبت عشان اشتكي بس اكتشف اني صورت واخذ جوالي مني، وضربني واستدعيت الشرطة، حضرو واخذوه، وانا طلبو مني الحقهم،كان التوقيت صلاة العشا،قبل لا تاخذه الدورية، طلعنا من الشقة وترك بنتي عند الجيران، ورفض اني ادخل شقتي،،عشان يضغط علي اتنازل عنه ونقفل المحضر،فالشرطة تركوني انتظر
وقت طويل ومعايا الطفل المعاق وعلبة حليب وبامبرز، ولا اتعاطفو مع صراخه، وبعد ساعتين بدأ يتشنج،ومافكرو يستدعو اسعاف،وبعد وقت طويل فتحو المحضر واتسجلت قضية،وحاولو اتنازل رفضت،وجيت بطلع مامعاي لاجوال ولافيه تكاسي والوقت ليل وظلام، قالولي اطلعي طلعت وجلست برة،درجة الحرارة 4°وولدي معاي
فالأخير تركو المعنف يطلع بدون كفالة وماعرف السبب، المهم وصلت البيت صلاة الفجر،واكتشفت اني جسمي مليان اصابات، فقررت اتوجه لمستشفى الهدا العسكري،ولأول مرة اترك اولادي فالبيت واطلع مضطرة،وهناك تم فحصي وانكتب تقرير بحالتي،وانا عالسرير جابلي العسكري المسؤول جواله ولقيت،صديق زوجي يتأكد
من هويتي ويوم عرف اني فعلا زوجة صديقه، طلب مني اغادر المستشفى بدون تقرير، حرصا على سمعة صديقه المعنف،انا رفضت وكملت الفحوص والاشعة وجابو لي ورقة بصمت عليها، بس ماعطوني فرصة اقرأها،كانو مجموعة عساكر متجمعين فوق راسي حتى التبصيم كان عالجدار مو فمكتب،وطلعت،وبعد شهر تم استدعائنا من
النيابة، ولما وصلت انصدمت ان مافي الا محضر الشرطة،، اما تقرير المستشفى محد ارسله، وفالنيابة تم الصلح على شرط علاج ولدي، واول ماوصلنا البيت انقلب علي ورفض العلاج، ورجع للتعنيف، والصراخ خصوصا اذا اشتد تشنج الولد، ضرب ورفس وحبس،،رجعت رفعت طلب للحماية وبلغوه وطلبونا وحضرنا، وبعد ما
تأكدو ان فيه عنف واهمال، اعترف لهم الأب انه رافض يعالج الولد بأي طريقة،وطلبو مني ارفع بلاغ بخط يدي للنيابة، وتم،كنت خايفة علي عيالي منه بعد مانطلع، وقلت لهم انه ماراح يتركنا بسلام، قالو مانقدر نسوي شي اكثر اطلعي معاه وفعلا طلعنا بس مو للبيت، نزلني لأهلي مسافة 80ك،وهناك تركنا
رمانا فالشارع وراح كذا بكل بساطة، عشان يعاقبني على تبليغ الحماية، ورجع اخذنا بعد يومين عشان اختبارات اخر السنة،الحماية قفلو البلاغ،وبعد شهرين رجع يعنف الولد واتصلت عليهم قالو الملف ارسلناه للشرطة،والشرطة نقلوه لقسم شرطة ثاني، وكل مااتصل اما يقولو ارجعي وجيبي رقم البلاغ او محد يرد
خلص رصيد جوالي بدون فايدة، َالتعنيف مستمر،،الإهمال واضح وصل عمر الولد ل8سنوات بدون علاج بدون تأهيل، وبدأت افقد السيطرة عليه ولا اقدر اساعده
كل اللي اطلبه حمايتنا وتسهيل دخول ولدي لمركز تأهيل،مو طالبة شي صعب ولامستحيل،،اعرف ان الله راح ينصرني عاجل ولا اجل
#معاق_الطايف_المعنف شكرا لكل اللي تعاطفوا معانا،انا اعترف اني تأخرت كثير عشان اتكلم،بس غصب عني والله كنت خايفة احصل نفسي بالشارع،ويوم فعلا لقيت نفسي بالشارع مع طفلين صغرت الدنيا بعيني،ماعاد فيه شي يخوف ويخليني مااطلب ان ولدي يتعالج ويعيش بأمان هو واخته💔
جاري تحميل الاقتراحات...