النهارده يوم مرهق عصبياً ونفسياً، رغم إني مش من بتوع النوستالجيا بس كنت بتبيع شقه والدتي بناء علي طلبها واللي هي شقه أبويا الله يرحمه واللي إتربيت فيها في وسط البلد وأتعلمت في كل سينماتها، بس والعفش بيتنقل لناس تانيه والكراتين بتقع علي بعض علشان تخلط أول جايزه خدتها في حياتي
اللي تكتشف إن أمي محتفظه بيها مع رقم جلوس أختي في الثانويه العامه مع أول جورنال نشر مقاله عني وأنا بابدأ مع شهادات وجوابات من مهرجانات ولا اليونسكو مع عقد دخول التليفون بيتنا مع كل الجوابات اللي أهلي وصحابي بعتوهالي وانا بادرس في روما مع صور خطوبه أمي وأبويا مع ترجمه شهاداتي مع
بعض هدايا كنت بعتهالهم مع علب أطباق اما تستخدم مع ساعات وقفت مع شرايط كاسيت مع شرايط لأفلام عملتها في إيطاليا مع ستاره قدمت ومفرش ماتفرش، وسط شيالين غلابه هادينهم بعض العفش وفجأه تنفض الضجه ويفضي البيت علشان أشوفه لأول مره فاضي وأخر مره في حياتي وأكتفي بتصوير الشوارع من كل شباك❤️
جاري تحميل الاقتراحات...