في حاجات كتير بتخليك متعرفش تركز في انك تخلص المهام اللي وراك وفي شوية نصايح هتفيدك في النقطة دي.
1- ابعد عن الواتس آب أو أي Social Media لأنك ببساطة رسالة واحدة هتخليك تسيب اللي في ايدك وتندمج في دردشة جانبية او طلب من اي حد من اصحابك, عاوز تشتغل بجد وتخلص اللي في ايدك اقفل كل الكلام دة ولما تخلص خالص افتحه براحتك.
2- متفتحش ال Tasks كلها قدامك مرة واحدة وتعمل من دي شوية ومن دي شوية هي مهمة واحدة اخلص منها تماما او من الجزء اللي تقدر عليه وبعدها انقل للتانية بلاش شغل ال Multi Tasking لأنه مع أغلب الناس متعب ورخم ومش أي حد بيقدر يعمله.
3- متختارش من ال Tasks ال Task اللي يعجبك تشتغل فيه لانك كدة بتمشي بالحب وقضيت على نظام الأولوية ومبقاش في تنظيم لأهمية ال Tasks والحل انك تظبط نفسك على انك تشتغل عليه وتيجي على نفسك علشان تحس بالإنجاز.
4- مش دايما هتكون فايق لانك تعمل ال Task اللي وراك واغلب الوقت ممكن تكون في مزاج مش كويس حاول تغير من حياتك دايما وافتكر ابسط الحاجات لو اتغيرت بتغير مودك ودة بيخليك تشتغل وانت فايق وتنجز. من ابسط الحاجات اللي زي خلفية نظام التشغيل بتاعك لحد انك تغير المكان اللي بتشتغل فيه نفسه.
5- برامج ادارة المهام معمولة علشان تساعدنا وتوفر علينا وقت مش علشان نقعد اليوم كله نفرغ فيها قائمة المهام من مخنا ومنعملش منها حاجة وتاني يوم ندخل نتفرج عليها لو حسيت ان البرنامج اللي بيدير المهام بيعطلك يبقى ملوش لازمة.
6- متنساش نظام المنجزات من أجمل الحاجات اللي بتشجعك على انك تكمل وتعمل المهام اللي وراك وهو انك في بداية اليوم او الاسبوع تشوف الحاجات اللي انت انجزتها اليوم اللي او الاسبوع اللي قبله بتحمسك كتير انك تكمل.
جاري تحميل الاقتراحات...