فيه شيء سويته وكنت أعتقد انه شيء سلبي لكن الآن أشكر ربي اني سويته لأن اكتشفت فيه أشياء كثيرة، أنا جربت اني اعتزل عالمي وصداقاتي واعيش حياة مستقلة بكل اللي فيها لمدة ٣ سنوات وخلال هالفترة كل شيء جربته كان بإختياري، صنعت كل شيء من الصفر، بهالفترة اكتشفت أشياء عن طاقتي
اكتشفت منخفضاتي وعرفت نقاط ضعفي وعرفت نقاط قوتي، بهذيك الفترة من حسن صنيع القدر إن الله دخل بحياتي أشخاص كانوا بمثابة الإختبار الحقيقي لمهاراتي واكتشفت اعظم صفاتي بسببهم، من بعيد ممكن تشوفها تجربة سيئة بس لمن تقرب بتبدأ تلاحظ الخير اللي كان فيها..
بعزلتي عرفت الله، بعزلتي عرفت الخير والشر، بعزلتي عرفت الإنقياد والتفرد، بعزلتي عرفت أنواع البشر، بعزلتي عرفت اهداف واسباب حصول كثير اشياء، بعزلتي تطورت عندي مهارة الملاحظة والمراقبة، بعزلتي عرفت اكبر عدو لنفسي وبعزلتي ادركت قيمة كل اصدقائي وعائلتي و بعزلتي عرفت التحمل والصبر..
اعتقد اني بعد سنوات لو بيسألني احد مين اللي علمك؟ بقوله الـ ٣ سنوات اللي قضيتها بالعزلة و كلي ما يعتمد إلا على كلي، لأن أفضل صفاتي ظهر بهالمرحلة واقوى نقاط ضعفي قضيت عليها بهالفترة، أنا الآن صرت اكثر ادراك وفهم لمشاعردي وطاقتي وصرت افهمني بعد ماكنت اجهلني .. ممتنة لهذه السنوات❤️
اتذكرهم يوم يوم، بكل الأفكار والمشاعر، منبهرة بنفسي لأني اكتشفت اني شخص صبور وأنا اللي كنت اعتقدني شخص عجول، منبهرة بنفسي لأني اكتشفت ان اقوى مهاراتي هي التحليل والربط وانا اللي كنت اعتقدني شخص بسيط ومنبهرة أكثر لأني اكتشفت اني شخص غامض جدًا رغم اني كنت اعتقد اني شخص واضح..
والأهم ان علاقتي بالله تطورت أكثر بكثير من زمان، اكتشفت ان صلة الله فيني قوية واكتشفت اسباب كل احساسي كان يجيني قبل اسوي شيء وعرفت الأسباب وادركت ان الله خير و مايجي منه إلا كل خير، انا شفت ظلامي امام عيني، سقطت بأسوا عمق بالأرض وعرفت كل شيء والفخورة فيه اني قدرت اقوم بعدين
جربت الخسارات على المستوي الشعوري والمادي، جربت المرض واختبرت شعور التغيرات اللي يكون مصاحب للعملية الجسدية اللي سويتها لأن لو تصدقون بعد عمليتي حسيت انه فيه تغير صارلي واول ماصحيت حسيت انه فيه اشياء رحلت وفيه اشياء تواجدت، كأن الله سلخني من نسختي القديمة وخلقني من جديد..
كانت هالعزلة إختبار لمشاعري وأفكاري واكتشفت ان جسدي المشاعري ذكي في اكتشاف حقيقة الأشخاص ونواياهم وجسدي الفكري قوي جدًا لأن شفت كيف اتخذت قرارات وكيف تعاملت وكيف فكرت، أنا الآن كثير كبرت بعين نفسي لأن مو كل شخص اختبر نفس اختباري بينجح مثل ما أنا نجحت فيه وبأبسط الأساليب!💜
وعرفت ان ارادة الإنسان أقوى من إرادة أي شخص حولك، كان عندي مفهوم ان البلوك يكون فقط مادي لكن بعد عزلتي ادركت انك تقدر تبلك اي مصدر ازعاج وتعيش حياتك بالطول والعرض بدون محد يدري انك مسويله بلوك شعوري وفكري .. رغم اني كنت مراقبة وتعرضت للترصد بس كنت اعيش حياة سرية محد عرفها
تعلمت الكثير عن الأقنعة، كيف تلبسها، كيف تختارها، كيف تكتشفها، وكيف تخلعها وكيف مرات تضطر انك تستدرج فيها، تعلمت ان الحقيقة قيمتها عالية ولا تُعطى لأي احد ابدًا وان لها اماكنها المقدسة، تعلمت الكثير عن الخداع والمكر، متى يكون جيد و متى يكون سيء و متى يكون ضروري جدًا!
حتى اني بعزلت عرفت لمحة كبيرة عن مستقبلي، لأن الكون غير عشوائي ابدًا وكل تجربة تجربها ماهي إلا تحضير لجزء ثاني ولقصة أقوى وهذا كله ما هو إلا استعداد وتحضير، تعلمت القناعة والرضا بدلًا من السخط وتعلمت اني احب مصائبي واعرف انها الىىلاح اللي بيخدمني مستقبلًا، انا الآن افضل بسببها👍🏼
و خسرت اعزاء على قلبي، كانت فترة مظلمة بمعانيها، ثقيلة بحضورها نوعًا ما، لكن ما أخفيكم اني كنت سعيدة، لأن ادركت ان لكل شيء توقيت مناسب وان حتى الأشياء السيئة هي امور تخدمنا وتصب في صالحنا واكتشفت ان السعادة والحزن اختيار، وهذا ادراك و وعي صعب توصله بسهولة بس وصلت له ولله الحمد🤍
عرفت مين أنا! وليش الناس تقترب مني وايش الأشياء اللي يبحثون فيها عندي وايش القيمة اللي انا اقدمها لنفسي وتجذب الآخرين، اكتشفت كيف احمي هالقيمة وكيف ما اعطيها لأي احد، صحيح انها تجربة طيحتني طيحة قوية بس بعدها اكتشفت قيمة نفسي واني اعظم من كل فكرة بسيطة فكرتها عن نفسي!
ايه أنا عظيمة، بأفكاري، بمشاعري، بطاقتي، برغباتي و اهدافي وعظيمة بنواياي، كيف كنت انظر لنفسي بكل هذه البساطة وانا شخص عظيم؟ وماعرفت عظمة نفسي إلا لمن جربت احطها بأصعب التجارب؟ ومن بعدها ادركت ان اسوأ ظلم هو ظلم النفس، محد متحكم بكل هذا إلا أنا بعد الله، الحمدلله يارب🌱
الآن أنا اعرف نفسي بشكل أوضح، اعرف ايش اللي فيني وايش اللي مو فيني والآن ماصار عند اي احد القدرة على انه يوهمني بعكس حقيقتي او انه يسقط علي مخاوفه وافكاره ومشاعره، أنا كيان مستقل تمامًا عن عميائية النظرة والاحكام، ارتحت كثير لأن بعد كذا محد يقدر يجي ينظر على راسي ابدًا.
لو كان كل هذا صار علشان اعرف نفسي واقوى اىىلحتي واهم ممتلكاتي واعظم قيمي فأنا راضية، لأن لمن تكسب نفسك وتعرفها تراك تكسب كل شيء وتتحكم بكل شيء، انا كنت بمرحلة الضياع والآن انا لقيتني، وبسبب ضياعي انا اكتشفتي، عرفتني، فهمتني، ادركتني، والآن أنا كسبانة و ماكانت خسايري الا مفتاحي💕.
جاري تحميل الاقتراحات...