مجرة درب التبانة اللي بيقع فيها كوكبنا المنكوب لها قصة نشأة لطيفة في الأساطير الإغريقية..
لو تفتكروا حكينا قبل كده أن كبير الآلهة زيوس Zeus عجبته المرأة البشرية ألكميني Alcmene زوجة الملك ونام معاها -كعادته يعني - ونتيجة لذلك خلفت منه هرقل Heracles..
لو تفتكروا حكينا قبل كده أن كبير الآلهة زيوس Zeus عجبته المرأة البشرية ألكميني Alcmene زوجة الملك ونام معاها -كعادته يعني - ونتيجة لذلك خلفت منه هرقل Heracles..
بعد ولادة هرقل مباشرة، زيوس ماكفهوش أن ابنه هيكون نصف إله.. فأخد هرقل الرضيع وطلع بيه جبل الأوليمب ووضعه على صدر زوجته الربّة هيرا Hera وهي نايمة علشان يرضع من ثديها لبن إلهي ويكتسب قوى خارقة أخرق من القوى اللي عنده أصلاً!
شوفوا الجبروت! يعني ماكفهوش أنه كان مقضيها مع نساء البشر من ورا هيرا، لأ كمان جايب لها طفل من أطفال نزواته علشان ترضعه وهي نايمة ومش حاسة بحاجة.
طبعًا أول ما هيرا فاقت ولقت طفل غريب بيرضع منها راحت انتزعته من صدرها وحدفته بعيد..
طبعًا أول ما هيرا فاقت ولقت طفل غريب بيرضع منها راحت انتزعته من صدرها وحدفته بعيد..
واللبن اللي خرج من ثديها تحول إلى النجوم والكواكب المكونة لمجرتنا واللي بتظهر من على كوكب الأرض في هيئة درب أو خيط من الضوء الأبيض الساطع ومن هنا سُميت المجرة بالدرب اللبني The Milky Way
محدش يقدر يلوم هيرا على اللي عملته أكيد بس برضه فكرة انتزاع الطفل وهو بيرضع دي حزينة شوية خصوصًا أن هيرا كانت ربّة الأمومة، يعني المفروض أنها نبع الحنان لكل الأطفال، وحرمان هرقل - اللي ملهوش أي ذنب - من لبنها إشارة لحرمانه من الحب في المطلق..
وللأسف ده اللي حصل لهرقل فعلاً لما كبر، وبالرغم من أنه أصبح بطل الأبطال بس حياته الشخصية كانت بائسة وكان بينتهي بيه الأمر بتدمير الناس اللي بيحبها بدون قصد، أو هم اللي بيدمروه زي ما حصل في نهاية حياته (اتكلمنا بالتفصيل قبل كده عن علاقة هرقل المعقدة بهيرا كرمز للأم وتأثيرها عليه).
اللي يهمنا في موضوع النهاردة أن هرقل اتحرم من لبن/حب هيرا، بس الحب ده ما أُهدرش واتحول لمجرة كاملة بديعة تزين السماء لهرقل وللبشرية كلها من بعده.
وهنا نحس الأسطورة فيها لمسة شاعرية بتفكرنا بأن الحرمان والفقد مش شرط يولدوا قبح ومعاناة..
وهنا نحس الأسطورة فيها لمسة شاعرية بتفكرنا بأن الحرمان والفقد مش شرط يولدوا قبح ومعاناة..
وده فكرني شوية بكلام بعض الفنانين والكتاب عن أملهم في تحويل شعورهم بالفقد والحرمان لشيء جميل يسمو بمعاناتهم وبمعاناة البشرية ككل من خلال فنهم وكتاباتهم. أكيد هم ومعاناتهم هيجي اليوم ويزولوا، بس اللي هيفضل موجود هو درب النور اللي بيسيبوه وراهم.
هرقل في النهاية بيموت وبتنتهي حياته المليئة بالصعاب والحرمان ولكنه بيصعد لجبل الأوليمب ليصبح واحد من الآلهة ونجمة ساطعة في خيال البشرية على مر العصور.
(أحب أشكر صديق الصندوق الموهوب @TamerAgha على الصور الفوتوغرافية الرائعة المستخدمة في الثريد)
(أحب أشكر صديق الصندوق الموهوب @TamerAgha على الصور الفوتوغرافية الرائعة المستخدمة في الثريد)
ودي قصة هرقل ومهامه المستحيلة للي حابب يقرأها:
labanshysbox.com
labanshysbox.com
جاري تحميل الاقتراحات...