كمية العمق في الحياة مذهلة جدا. كل شي تشوفه بسيط وسهل هو عبارة عن مليون طبقة متراكمة فوق بعض عشان يصير هالشيء سهل بالنسبة لك. العجيب اكثر ان اذا قدرت تخترق الطبقات وتتعمق تنفجر كنوز من المعرفة و الامكانيات.
مثال شاطح
نقاط البيع الي تدفع الفلوس فيها في البقالة…

عشان تتم المعادلة فيها
لازم يكون عندك جهاز يستقبل المدفوعات وهذا الجهاز لازم يصير مقفل برمجياً عشان ما يتم اختراقه وسرقة بيانات بطاقتك وعشان كذا فيه جهات متخصصة في مراجعة والتاكد من سلامة الجهاز.
ثم بعد ما تتم عملية البيع فيه جهات متخصصة في انها تعالج الطلب وترسله للبنك ثم…

البنك يتواصل مع شبكة المدفوعات عشان هي تتواصل مع بنك صاحب البطاقة وتتاكد ان عنده حساب فعال و رصيد كافي ثم تصدر الموافقة على العملية

والعجيب ان الفلوس ما تتحول على طول في حساب البقالة لان عملية تحويل المبلغ تتم لاحقا ولها طريقة تسوية منفصلة تماما عن العملية الاولى.
تخيل في كل حلقة من هذي العمليات المعقدة فيه جهة مسؤولة عن هالشيء و كل جهة فيها احتياج لمتخصصين يساعدونهم في اتمام هذه العمليات ومليون اجراء.

عالمنا مليء بالطبقات المتراكمة فوق بعض الي خلت كل شي يصير بسهولة بس في الحقيقة هي شبكة اجراءات جدا معقدة وفيها مليون فرصة وطريق للتحسين.
حياة جميلة مليئة بالتفاصيل 🎡