الوضع ف مصر بيخلي أي حد بيسعر خدمة او مُنتج - خصوصا الخدمات - يتهور ويعرضها بأكتر من سعرها الطبيعي علي الأقل ١٠٠٪ من انك لو خدتها من سوق تاني غير مصر ،، ودا شيء فعلا يدعو للدراسة ، ليه ممكن حد ياخد الخدمه بتاعتك أغلي من سعرها ف مكان تاني وال quality حدث ولا حرج؟
الوضع الإقتصادي والتضخم مينفعوش يبقو سبب أنك تبيع مُنتجك بأضعاف سعره او تسعر خدمتك بأكتر من سعرها العادل١٠٠ او ٢٠٠٪-مع الوضع ف الاعتبار كامل الحق ليك حتي لو سعرتها زياده ب١٠٠٠٪ لكن دا هينعكس علي حجم مبيعاتك والي بالتالي علي ارباحك ومعاها طبعا استمراريتك ك vendor للخدمة او الُمنتج
باخد خدمه من free-lancer ف مصر وبعد ما اتفقنا علي ان سعر الخدمه اللي بيقدمها ب ٣٥٠٠ جنيه مصري واحنا بنتكلم ف التفاصيل واني لظروف الشغلانه هاخد features أقل من اللي بيقدمه وهدفع نفس الرقم عادي وعرف اني عايش ف انجلترا ، قرر يحول السعر من ٣٥٠٠ جنيه مصري ل ٢٥٠٠ جنيه سترليني(٥٩٠٠٠جم)
هو حقه طبعا - طالما شايف ان الخدمه تساوي كده وفي فرق بين انك عايش ف مصر او بره - ورغم اعتراضي يعني علي الفكره
لكن قولتله شكرا وحظ سعيد مع حد غيري
بس الفكره ايه بجد؟ لما نفس المجهود-نفس عدد ساعات العمل- نفس كل حاجه وتقرر تعرض الخدمه أكتر من سعرها ١٦ ضعف علشان اللي هياخدها عايش بره
لكن قولتله شكرا وحظ سعيد مع حد غيري
بس الفكره ايه بجد؟ لما نفس المجهود-نفس عدد ساعات العمل- نفس كل حاجه وتقرر تعرض الخدمه أكتر من سعرها ١٦ ضعف علشان اللي هياخدها عايش بره
الناس اللي عندها بيزنس او بتفكر تعمل بيزنس مهم اوي تقرأ عن ال pricing strategy واللي مفيهاش موضوع تسعير الخدمه بالشكل دا حسب السوق يعني ، بس موضوع مهم لو حد داخل يقدم خدمه او منتج وربنا يوفق الجميع
بالمناسبه ، لو كنت خدت الخدمه دي من هنا كانت هتكلفني تقريبا ٧٨٠ جنيه سترليني ولو روحت لحد أغلي شويه ممكن توصل ل ١٢٠٠
ف حتي لو انت بتقرر انك تسّعر مُنتجك او الخدمه ف سوق تاني لازم تبقي دارس السوق التاني بيبيع بكام علشان لو مهتم تقدم competitive price مش تخبط اي رقم وزي ما تيجي🙇🏻♂️
ف حتي لو انت بتقرر انك تسّعر مُنتجك او الخدمه ف سوق تاني لازم تبقي دارس السوق التاني بيبيع بكام علشان لو مهتم تقدم competitive price مش تخبط اي رقم وزي ما تيجي🙇🏻♂️
جاري تحميل الاقتراحات...