You are what you think.. you attract what you want
سمعت الكلام ده زي غيري مليون مره وقريته في كتب وذاكرته وحضرت فيه محاضرات بس اتفاجئت مع أول خبطة في الحياة، وقعت كتير علشان أتعلم الحاجات اللي بين السطور، عرفت إنك فعلًا بتوصل للي إنت عايزة بس بعد مشوار طويل ممكن ياخد منك سنين

عرفت إن قصة النجاح مش قصة قصيرة بتبدأ وتنتهي جوه كتاب دي حياة كاملة، حياة فيها دموع وقلق وتعب علشان توصل للحظة نجاح ترضيك، هتوصل لوظيفه كويسه بس بعد 100 وظيفه مش حلوه هيجيلك مدير سخيف و هتترفض من 100 فرصه بس في الاخر لو صبرت لو قمت علي رجلك

لو عافرت هتوصل إن شاء الله، حياتك هتستقر و هتحب و تتحب بس قبلها هتاقبل ناس كتير وحشه و هتاخد في قلبك مليون طعنه هتغير شخصيتك وتخلي ثقتك في الدنيا نفسها تتهز
نسييوا يقولولنا إن الرحلة الطويلة دي إزاي نستحملها، ازي يعدوا علينا ازي ما ننساش إللي كان نفسنا فيه..

وإنت بتحقق أحلامك وأهدافك هتمر بطريق طويل فيه تعب ومعاناة وألم فيه صبر وتحمل فيه قوة وتصميم وأهم حاجة إوعى في وسط كل ده تتراجع أو تنسي حلمك.. وهتوصل بإذن الله بس لازم تعرف إزاي تعدي كل المطبات
#فضفضه