طيب .. هفضفض كده بكام حاجة علشان الموضوع بقى ممل .. مبدئيًا كده ، أنا على الحلوة والمرة (والمرة اللي أقصدها مانعتبرش السبب فيها .. ده نتيجة طحن العالم في بعضه وإحنا هنا بنتأثر نتيجة اللي بيحصل) .. فيه البعض عايزين يعملوا أي هياج وخلاص زي 2011 علشان يسيطروا هما تاني ...
يعني أنا لما شفت الكام موقع كده اللي بيرددوا أرقام غريبة أصلاً عن الإقتصاد وكأن مفيش أرقام رسمية موجودة عند البنك المركزي ولاالتصنيفات من المنصات الإئتمانية التلاتة اللي نعرفهم واللي موديز مثبتةBB وخلت بس النظرة سلبية بدل مستقرة (وده ممكن يتعدل الفترة الجاية لو الإجراءات صح عادي)
واللي يقول لك هنفلس ومش قادرين نسدد إلتزاماتنا؟؟!!!!!! إذا كنا إحنا أصلاً في تاريخنا محصلش إننا تعسرنا في السداد . وبنخلي الأولوية للأقساط والإلتزامات الخارجية أول بأول .. الدين الخارجي يعتبر قصاد دول تانية نقطة في بحر .. وأغلبها من متوسط لطويل الأجل أصلاً .. يابلومبيرج 😑
واللي بيشبهنا بسريلانكا واللي يقول لك النظام في مصر هيقع في النصف الأول من 2023. هو معلش يعني . مفيش إعتبار لينا كشعب خالص؟ . يعني إحنا مختارين الرئيس وأعضاء البرلمان . ملناش لزمة يعني؟ ملناش وجود؟ . أهو طول ماإنتم مش معترفين إن فيه ملايين لمست الفرق بين الإستقرار والفوضى هتخسروا
المجموعة اللي عمالة تندب وتقول التعويم التاني وإن التعويم هو السبب ، دي خسارة إنها تتصدر المشهد الصراحة ، يعني مع إحترامي لمبدأ حرية الرأي اللي إحنا بنكفله حتى لناس ماتستاهلش . بس معلش يعني . ماتقولوش على الإجراء اللي إتأخر أصلاً إنه السبب .. تحرير سعر الصرف هو سبب إنقاذنا حاليًا
إقتصادنا في فترة كوفيد وأوميكرون حقق نمو .. فمش من المنطقي يتقال إفلاس .. أي قلقة حصلت ده مش بسبب إجراءات داخلية .. يعني شوف كده . عندنا تضخم عالمي كان متوقع .. أزمة أوكرانيا ودلوقتي الصين vs تايوان . ولسه فترة الشتاء الجاية . فكان لازم نأمن ونصرف علشان محدش يحس بنقص في سلعة مهمة
دلوقتي الكلام عن توجهنا إننا بنحاول نجذب عملة صعبة .. ففيه تغيير وزاري منصب على الهدف ده .. محافظ البنك المركزي مشي ويعتبر ناجح في مهمته بغض النظر عن الأسباب اللي ماتهمناش في شئ طالما السياسة المالية مستمرة وبدأت تركز على نقاط للتأمين بشكل عام .. مش لمواجهة كارثة ضحمة يعني 😑
واللي يقول لك وقف المشاريع؟؟!!!!!! أفندم؟!!!! يقول لك علشان تصرفوا على المهم . طيب ماهو مشاريع العاصمة الإدارية والمدن الجديدة متكلفتش من الخزانة العامة للدولة . ده نتيجة الإستثمار في الأراضي بعد دخول المرافق (اللي داخلة بشكل توسعي عمومًا مش بمصاريف خاصة) . والهدف : العملة الصعبة
اللي بيتعمل ده هدفه أصلاً زيادة الدخل القومي .. وإن المستثمر بره يقول إن فيه مستقبل للمكان ده .. هنوقف شغلنا علشان رأي كام واحد مكانوش مهتمين بالإقتصاد أصلاً بتاعنا وهو بيقع بسبب فوضى 2011 وكانوا مهتمين بتفاهات وشعارات فارغة؟ يبقى حرام يعني .. اللي عايز يساعد .. يقدم حلول مايلطمش
كده كده أنا مليش مصلحة مع حد . حياتي زي ماهي . مش مستقرة وواقفة على كف عفريت عادي ، لكن ده ممنعنيش أقول كلمة حق علشان اللي بيتوفر لهم فرص عمل ومظلة حماية إجتماعية وتوفير سلع في زمن حتى أوروبا هتبدأ تلطم فيه من الجفاف + نقص السلع وغلاءها والتضخم العالمي اللي شغال (إحنا نعتبر أرحم)
لأ وأرحم بكتير كمان .. عظمنا مصادر دخلنا .. قناة السويس بتحقق عوائد ماحصلتش قبل كده في تاريخها .. المصريين في الخارج زودوا شوية العوائد ، الصادرات زادت بأضعاف في سلع ومنتجات معينة .. ومنتظرين قرارات صناعية زيادة .. السياحة ، لو جددنا ملفها نقدر نسترجع ونستزيد مع الوقت ..
مصر بتشتغل .. ولما بتقترض ده علشان تكمل شغل ويبقى عندها سند دولي حديث إنها طالما خدت قرض إنها قادرة على سداده .. البنك الدولي بيقول شروط عمياني من غير مراعاة لظروف الناس ومصر بترفض أي حاجة ممكن تعمل قلقلة للمصريين .. مش علشان خايفة من حد .. لأ علشان هي فلسفتها إنها بتراعي الناس
أيوه فلسفة . وطبقناها كمان على الوافدين واللاجئين . اللي الدول المتقدمة بترميهم وتصدهم .. إحنا بنستقبل وبنساوي كمان .. وفيه فئة بتعمل مشاكل وياما بنشتكي من ده ومع ذلك الفلسفة لسه مستمرة . خلينا واقعيين . كل اللي بيحصل ده هدفه إن تجربة تطور مصر تفشل . عايزين يهيجوا الناس عمياني
شفت خير عام للبلد الفترة اللي فاتت وشفت شغل حقيقي بيتعمل وماوقفش في ظل إن العالم وقف لأكتر من أزمة . حياة كريمة مستمرة ، مشاريع التنمية والزراعة والإكتفاء الذاتي مستمرة .فلو فيه عوائق بتحصل نتيجة إننا مش عايشين لوحدنا في العالم وفيه قوى عظمى بتمص دم الشعوب . أنا عن نفسي هستحملها
أنا مش قليل الأصل ولاناكر للجميل . مايفرقش معايا آراء ملهاش وزن . لو معايا عملة صعبة مش هستخسر منها نسبة علشان الإقتصاد المصري يبقى أكثر ثقلاً . أو على الأقل أوضح للناس الحقيقة اللي المقالات المأجورة والمنصات المعادية بتخفيها وبتجيب سلبيات بأرقام فيها نسب مش دقيقة ومش صحيحة أصلاً
ماهو أنا فاكر قالوا إيه ..
- قالوا الإقتصاد هينهار بعد 2013 ومحصلش - قالوا تفريعة القناة ملهاش لزمة ، وأهي نفعتنا وقت إيفرجيفن
- قالوا تحرير الصرف هيخلينا ضايعين ، والقرار ده هو اللي خلانا نستحمل أزمات العالم الغبية
----
قالوا ومقترحوش حلول .. هما عايزين يوقعوا وخلاص
- قالوا الإقتصاد هينهار بعد 2013 ومحصلش - قالوا تفريعة القناة ملهاش لزمة ، وأهي نفعتنا وقت إيفرجيفن
- قالوا تحرير الصرف هيخلينا ضايعين ، والقرار ده هو اللي خلانا نستحمل أزمات العالم الغبية
----
قالوا ومقترحوش حلول .. هما عايزين يوقعوا وخلاص
ماهو كان نفسهم يقتحموا وزارة الدفاع قبل كده .. ولما بيشوفوا اللي حصل في سيريلانكا ومن شوية العراق .. هيموتوا وده يحصل في مصر .. علشان بس يطلعوا شعارات تافهة إنهم على حق (وهما في سواد الباطل) .. والبلد تروح وسط مناوشات وهروب مستثمرين ومستقبل مجهول وكل فوضى تكلف الإقتصاد زيادة
هي جملة .. اللي عايز يساعد أهلاً وسهلاً واللي بيقترح حاجة أفضل بنية تحوير الإقتصاد كتر خيره . لكن اللي هيقول كلام مغلوط عننا وعن إقتصادنا . لأ ، يترد عليه ومايتسابش ، إحنا كده كده عايشين في بلدنا ، وعلى الحلوة والمرة .. ياما فرحنا وياما إستحملنا .. الفشلة إتكبسوا وهيتكبسوا تاني
أنا شايف فيه عدد Unfollow بيحصل دلوقتي في حسابي 😅 نورتوا وشرفتوا الفترة اللي مكنتش بفتح فيها .. اللي بقوله ده أنا مقتنع بيه من زمن طويل .. لو رسيت على صفر مش هغير حرف واحد أنا مقتنع بيه . وأيوه أنا مع مصر في كل الظروف بإذن الله . حملات الإتهامات بالتطبيل مابتعملش خدش واحد في وشي
بالمناسبة كده موضوع جانبي . لما تشجعوا نادي .. ملكوش دعوة بالسوشيال ميديا ولابالإعلام عن مواضيع ملهاش لزمة .. ركزوا على ناديكم وأخباره . إفرحوا وقت الفوز ودعموا وقت التراجع .. ملكوش دعوة بأي أصوات بتنتحل شخصية منافسكم . منافسكم ضحية للسوشيال ميديا زيكم بالضبط
حاجة أخيرة .. أي حاجة إيجابية تشوفوها قولوها .. ماتتكسفوش وماتقلقوش من أي أصوات تحاول يقلل أو يسفه اللي بتعملوه .. الإيجابيات بتخوفهم وبتقلقهم وبتقطع عيشهم .. قولوا اللي ينفع بلدكم كشهادة قصاد ربنا سبحانه وتعالى .. ببركته سترها معانا كتير وقادر يوفقنا في اللي جاي
تذكروها فقط .. مصر تجتهد لتستكمل عملها ، الحياة ليست وردية ولكنها ليست سوداء أيضًا .. أي تقدم حققته أي دولة كان مرتبط في المقام الأول بإرادة مواجهة المشاكل حفاظًا على الإستقرار .. ونحن لايليق بنا أن نفشل بعد كل النجاحات التي حققناها بتوفيق من الله عز وجل .. #مصر_تقاوم_الصعوبات 💪
جاري تحميل الاقتراحات...