لسه مخلصة رواية مصورة للكاتب والرسام البريطاني رايموند بريجز Raymond Briggs اسمها When the Wind Blows بتدور حول زوجين مسنين عايشين في الريف البريطاني وبيواجهوا سيناريو متخيل روسيا بتهدد فيه بإلقاء قنبلة نووية على بريطانيا وإزاي بيتعاملوا مع التهديد ده من وجهة نظرهم البسيطة..
وبالرغم من سوداوية موضوع القصة إلا أن العلاقة الجميلة بين الزوجين وتعاملهم العفوي مع التهديد هتخلي القارئ يبتسم ويحزن في نفس الوقت على المصير الأسود اللي بيواجهوه.. ولكن وهما مع بعض. :)
رايموند بريجز هو اكتشاف الفترة اللي فاتت بالنسبة لي، وبجانب الرواية دي أرشح له كمان Ethel & Ernest وFungus the Bogeyman
كتير من النقاد وجهوا لبريجز انتقادات بسبب سوداوية قصصه المصورة حتى الموجهة للأطفال منها وأنها دائمًا بتنتهي بالموت.. وكان رد بريجز على ده إن لا يؤمن بالنهايات السعيدة وإن الأطفال في يومًا ما هيمروا بتجربة موت اللي بيحبوهم ومفيش داعي نفضل معيشينهم في فقاعة والحياة تصدمهم بعد كده.
جاري تحميل الاقتراحات...