أنا صوماليّة .. وأسكن في الصومال .
والسؤال اللي يطرح نفسه : هل فعلًا ما ترونه في المواقع هالأيام حقيقي تمامًا؟
فيه مقطع منتشر لطفلة سألها (أحد مشاهير السناب) متى آخر مرة كلت فيها؟ جاوبت البنت وقالت : xalay .. هالكلمة معناها (أمس بالليل) !
#الصومال .

في الصومال نفرّق بين :
أمس بالليل : xalay
أمس بالنهار : shalay
قبل أمس : darraad
لكن ولسببٍ ما قرّر المترجم في المقطع إنه يترجم الكلمة على إنها قبل يومين، ليش؟ الله أعلم ..
كل اللي أبا أقوله : نعم الجفاف وقلة الأمطار هذا العام أثرت على أهل البادية في الصومال … ولكن !

لا يخلو الأمر من المبالغة الإعلامية المعتادة لأي خبر يتصدّر الترند، ولا يخلو من ناس همّهم (عدد المشاهدات) والعناوين اللي تجذب المتابعين أكثر، ولا يخلو أيضًا من بعض المسؤولين اللي يبون يحطون فلوسكم في جيوبهم ..
لذلك .. تبرّعوا بوعي !
والسّلام عليكم .