لو انت مرتبط اقرا الثريد ده :
قول كلام حلو دايماً ، خلي في كومنتات حلوه زي "فخور بيك".. "واثق فيك بتقدر تعمل كده" ، "انت احلى حاجه ".. "الحمدلله عليك"..الخ
اسمع قبل ماتتكلم ماتستعجل وتقول انه انت فاهم الطرف التاني وقاري مخه صح .. اسمع وماتقاطع بعدين قول العندك ..
حاول دايماً توفرو زمن لبعض ولو ماف طريقه وضح الحاجه دي بي رسايله قصيره " مشغول هسي افضى ارجع ليك " اضعف الايمان .
لازم To inform each other if you can't communicate at the moment.
لازم To inform each other if you can't communicate at the moment.
ماتتمسك في المشاكل حاول احسب الحاجات الحلوه لانو ماف زول بيرفكت ونحن اتخلقنا عشان نتشايلها سوا ونعيشها سوا ماعشان نضيقها على روحنا..
ماتتوقع ..أعمل ..يعني ماتتوقع الطرف التاني هو اليحل المشكله وتقول ماحرسل ولا حتصل الا هو يعمل ، كبار على الكلام ده ..
وضحو المزعلكم اتناقشو فيهو وانتهو منه.
وضحو المزعلكم اتناقشو فيهو وانتهو منه.
ماف عقلين زي بعض في كل شي ، ماتحاول تغير الزول يكون زيك ، خلي الطرف التاني يحبك بي طريقته هو واتلاقو في النص بس
هدايا ، مفاجئات، تعامل لطيف ، الحنيه ، التعبير بالكلام الصح دي كلها حاجات مهمه بتمشي العلاقه مهما انحرفت.
ماترتبط عشان انت حاسي انك وحيد ولا كئيب ، العلاقه ما دواء للحاجات دي والطرف التاني ماعنده ذنب في مشاكلك مع نفسك.
افضل تحكي مشاكلك وتحلوها سوا بدل تنعكس بطريقه سلبيه وتأثر في العلاقه كلها .
انت ك راجل لو ماعندك طاقه تستحمل و احساس بالمسؤوليه وبتعرف تتحكم في عصبيتك ؟ ماتدخل علاقه لانو حتتعب وتتعبها معاك. والحكايه دي دايره نفس طويل
لازم طولة البال والنقاش والتفاهم والحنيه ولين القلب ..وماتشيلو في قلبكم مهما حصل ومهما كان ..نومو متصافين واصحو متصافين.
اذا ماشايفين بعض لي قدام ماتضغطو عليى روحكم لانه حتتعمقو وتتعوقو..
الصدق والأمانه والثقه ديل كلهم رابط واحد لو واحد منهم بس اتكسر الباقي بيقع معاهو..
اقضو حوائجكم بالكتمان لكن ماتدسو انكم مرتبطين حوائجكم دي مقصود بيها التفاصيل الجوه..وخططكم لي قدام..
ماف حاجه ساهله لازم تكونو واعيين للنقطه دي حتجيكم ايام زي الزفت ف ماتضغطو على روحكم والايام ضاغطه عليكم..
اتقبلو بعض ماتتحملو بعض .
"الني للنار " مشاكلكم اقعدو حلوها حار حار ماتبيتو حاجه لبكره لانو النفوس مرات ابليس بيلعب فيها ..
قدرّو ظروف بعض ، احترمو خصوصيات بعض ، شاركو آرائكم لبعض ، وطولو بالكم لبعض..
قبل تختار طريقك ابقى واثق من رفيقك❤️.
جاري تحميل الاقتراحات...