رتبها

#مصر_مش_هتفلس
هنشرح ونجاوب على اسئلة مطروحة ومستحقة الاجابة براحة وبالتفصيل مع التبسيط!
حالة من التخبط والكتير من الشائعات عن ديون مصر وربطها بالضغط على #مصر للقيام بعمليات بيع لأصول حكومية، وصلت للتشنيع بإن الحكومة هتتنازل عن #موانئ_مصرية لتسديد الديون!
-١تابع

والحقيقة برغم سذاجة فكرة الإشاعة إلا إنها انتشرت كالنار في الهشيم، وكالعادة مصدرها الإعلام الاخواني وابتدت من صحفي معندوش اي جمال بس شايف نفسه سلطان، عملوه رئيس تحرير بتاعة اسمها "المصريون"، كتب تغريدة قال فيها:" الصين أكبر دائن لمصر في عهد #السيسي،
-٢تابع

وهناك موانئ ومطارات ومصانع ومدن مصرية بكاملها مرهونة للصين حاليا ، إذا عجزت #مصر عن السداد تؤول ملكيتها للصين." وطبعا الكلام بيتاخد في مسارات للحركة سريعة جدا عن طريق لجان مسبقة الإعداد بتعرف تنشر الإشاعة وبيعتمدوا دايما على اجتزاء جزء من الحقيقة واضافة عليه مواد تفجير
-٣تابع

اخوانية مدمرة لكن المرة دي فلتت منهم اوي لأن الكلام دا غير صحيح وهنثبت بالأرقام مش بالكلام
#صندوق_النقد_الدولي هو أكبر دائن لمصر، مش #الصين اللي بتيجي في المرتبة الرابعة بحسب تقرير الوضع الخارجي للإقتصاد المصري اللي أصدره #البنك_المركزي_المصري
-٤تابع

وذكر فيه إن الدين الخارجي وصل 137.8 مليار دولار في يونيو 2021
رتب المؤسسات والدول الدائنة لمصر كتالي:
1-صندوق النقد الدولي:21.6 مليار دولار بنسبة 15% من إجمالي ديون مصرالخارجية
2-البنك الدولي للإنشاء والتعمير:11.7 مليار دولار بنسبة 8.5%تقريبا من اجمالي ديون مصر الخارجية
-٥تابع

3-دولة #الإمارات_العربية_المتحدة: 10.6 مليار دولار بنسبة 7.7% من اجمالي #ديون_مصر الخارجية
4-دولة الصين الشعبية: 7.7 مليار دولار بنسبة 5.6% تقريبا من اجمالي ديون مصر الخارجية
#المملكة_العربية_السعودية: 7.44 مليار دولار بنسبة 5.4 تقريبا من اجمالي ديون مصر الخارجية
-٦تابع

وبالعرض السابق مفيش أي أدلة على تقديم مصر مطارات وموانئ ومدن للصين كرهن لحد ما يتم تسديد الديون المقترضة منها.
طيب دا كان لحد 2021 إيه الوضع في 2022؟
وفقاً لبيانات البنك الدولي :الديون المصرية الخارجية وصلت 158 مليار دولار مع نهاية الربع الأول من 2022،
-٧تابع

وناقشت الرقم دا وكالة "بلومبيرغ" بمقارنته برقم 2021 اللي بيعني ارتفاع سقف الدين بمقدار 13 مليار دولار في نهاية مارس الماضي. والتقارير قالت ان حالة مصر "بيغلفها الغموض" بخصوص سندات مستحقة الوفاء مع الديون الكبيرة عليها مع استمرار الحرب وازمة الغذاء وقالت ان مصر هيكون
-٨تابع

عليها ضغط لا يُحتمل لأنها مطلوب تسدد مبالغ ضخمة من الديون بداية من نوفمبر المقبل وحتى فبراير 2023، وهو ما يضعها في المركز الخامس على قائمة الدول المعرضة للتخلف عن السداد بعد السلفادور وغانا وتونس وباكستان.
وتعاني دول الأسواق الناشئة مع بداية العام الحالي، بسبب محاولاتها
-٩تابع

لخفض معدلات التضخم المرتفعة، واللي زود من الضغوط على الدول دي، ومن بينها مصر، وارتفع الضغط مع خروج أكثر من 55 مليار دولار من #الأموال_الساخنة من مصر في 4 سنوات، منها 20 مليار دولار من بداية العام الحالي، علاوة على ارتفاع مؤشر #الدولار_الأميركي أمام الجنيه المصري،
-١٠تابع

وكل العوامل السابقة علت قيمة فواتير الاستيراد المصرية.
طيب ارتفاع الديون الخارجية بيعتبر مؤشر خطر امتي؟
الدين العام والخارجي تحديداً ما هو إلا نسبة مقارنة بالناتج المحلي الإجمالي، خصوصاً مع قدرة الدولة على السداد.
يعني ايه الكلام دا؟
الدين فعلا مرتفع،
-١١تابع

وبيتسارع في ارتفاعه مؤخرا بشكل"مقلق"
لكنه لسة في الحدود الآمنة لحد دلوقتي
الدين الخارجي لسة بيلعب في حيز ال %33من إجمالي الناتج المحلي المصري.
براحة:قيمة الناتج المحلي المصري بتقترب من9 تريليونات جنيه 450 مليار دولارتقريبا
،إجمالي الدين الخارجي الحالي المقدر بـ158 مليار دولار
-١٢

نسبة للناتج يمثل ثلث الناتج بس
والحدود الآمنة للدول بحسب تصنيفات صندوق النقد والبنك الدولي بتتراوح بين %30لـ %50 وبكدة تكون نسبة الدين الخارجي لا تزيد بمعدلات مرتفعة نتيجة لارتفاع الناتج المحلي، مع زيادة قيمة الناتج المحلي بتتلاشى خطورة نسبة الدين الخارجي
كمان الديون الخارجية
-١٣

بتتصرف اغلبها على مشروعات قومية،وفي جزء منها بدأ يدر دخل زي محطات الكهرباء اللي اتعملت مع شركة سيمينز الألمانية واللي بتصدر كهربتها مصر بالدولار وبكدة يكون جزء من الدين بدأ يسترد من تلقاء نفسه ويخلينا نقول ان الدين المصري منتج ومش استهلاكي في قطاع منه
الديون المصرية حاليا
-١٤تابع

أخدت منحى الأرتفاع ايوة لكن ابتعدت عن اخطر انواع الديون وهو الإقتراض لشراء الغذاء ودا اللي كان بيحصل قبل كدة؛ نستلف عشان ندعم الغذاء ونتعسر عشان نرجع ناخد قروض جديدة وهكذا وهكذا. ديون هذه الفترة عالية لكن في الوقت نفسه آمنة من ناحية تانية،
-١٥تابع

لإن نسبة الديون طويلة الأجل بتزيد عن الـ90% من إجمالي الديون الخارجية بتوصل لفترات من 20لـ 30 و كمان 50 سنة، يعني النسبة الأكبر من قيمة المطلوب من الحكومة المصرية يمكن سدادها على فترات زمنية متباعدة.
طيب لما الوضع وردي كدة امال فين المشكلة؟
-١٦تابع

هو في الواقع الوضع مش وردي ولو حضرتك متوقع انه كان او هيكون وردي فاسمح لي اقولك ان دا راجع لحاجتين:
1-حضرتك شخص موهوم ومكنتش عايش معانا بادراك كامل لتدهور وضعنا الإقتصادي من بعد حروب مصر والثورتين اللي عدوا على بلدك لوحدها
2-حضرتك شخص بتدور على وضع مثالي بالنسبة لك
-١٧تابع

يعني عايز تاخد كهرباء ومية وعيش وصحة وتعليم مدعومين وتتلقى خدمات بكفاءة دافع الضرايب الأوروبي ودا منطقيا ملوش وجود وحضرتك محتاج تعيد اختيار هتعيش فين لأنه بالتأكيد مش عندنا!
طيب الوضع شكله ايه؟
قفزت ديون مصر الخارجية بنسبة %91 في خلال6 سنين
ارتفعت بنحو 75 مليار دولار أميركي
-١٨

خلال تلك الفترة، بعد زيارتها من 82.88 مليار دولار نهاية 2017 لـ 158 مليار دولار في نهاية مارس 2022، بس انت بتسدد في مواعيدك ومعندكش تعثر
وتتبعاً لحركة سداد الديون وفقا لبيانات البنك المركزي:
العام المالي 2016 -2017 سددت بقيمة 7.3 مليار دولار
-١٩تابع

العام المالي 2017 - 2018، سددت 13.2 مليار دولار
العام المالي 2018 – 2019 : سددت 13.4 مليار دولار
العام المالي 2020 – 2021: سددت 25.2 مليار دولار
والعام المالي الحالى حتى يونيو:سددت نحو 24 مليار دولار منذ بداية العام
أعباء وأقساط الديون المطلوب تسددها الحكومة المصرية
-٢٠تابع

خلال العام المالي الحالي 2022-2023 تصل إلى 15.5 مليار دولار، إضافة إلى ارتفاع العجز نتيجة تراجع أكبر موارد مصر من #العملات_الأجنبية، سواء من الصادرات أو تراجع السياحة، إلى جانب خروج الأموال الساخنة. وعشان يتم تغطية هذا عجز في الحساب الجاري الي بيوصل لـ20 مليار دولار،
-٢١تابع

بجانب سداد الفوائد وأقساط الديون خلال العام المالي الحالي، هيكون إجمالي الأعباء المالية المطلوب سدادها خارجيا وصل لـ35 مليار دولار
الدين الخارجي بيمثل 20%من إجمالي الدين العام، دا غير الديون الداخلية اللي بتشكل أزمة لكن غير ملحة حاليا، لأن أغلبها على الحكومة بالجنيه المصري
-٢٢👇

علاوة على أنها لصالح القطاع المصرفي المحلي مقابل شراء أذون وسندات الخزانة الحكومية بالعملة المحلية.
وبالسياق دا مصر هتكون سددت تقريبا 96 مليار دولار في 6 سنين ودا دليل على قوة اقتصادها وبسببه كانت بتثق فيها المؤسسات والدول الدائنة. لكن مع قلة الحصيلة الدولارية بسبب الحرب
-٢٣تابع

الروسية الأوكرانية اللي بينالدولتين اللي كنت بتستورد منهم قمح و30% من حصة السياحة عندك محجوزة لأسواقهم خسرتها مع ارتفاع اسعار القمح والنفط بسبب الحرب اصبح وضعك حرج جدا
طيب ليه التصنيفات الإتمانية لمصر اتحركت بالسلب؟
طبعا تحرك التصنيف كان اللبانة المسكرة في بوق
-٢٤تابع

ضباع المحطات الإخوانية وعلقم في حلق المصريين ازاي:
آخر تصنيفات مؤسسات التصنيف الائتمانية في أبريل الماضي أكدت استقرار الاقتصاد المصري في الوقت الحالي وفقاً لمؤسسات التصنيف الائتماني فيما عدا مؤسسة"موديز"التي تتوقع نظرة مستقبلية "سلبية"في نهاية مايو غيّرت وكالة "موديز"
-٢٥تابع

نظرتها المستقبلية لمصر من مستقرة لسلبية، في الوقت اللي أبقت فيه تصنيفها لمصرعند B2 مع تزايد مخاطر تراجع قدرة الدولة السيادية على امتصاص الصدمات الخارجية، في ضوء التراجع الملموس لاحتياطي النقد الأجنبي، ودي كانت أول مرة يتم تخفيض التصنيف من 2013
-٢٦تابع

تقرير مؤسسة موديز لمصر متوازن، لأن المؤسسة عدلت نظرتها المستقبلية لمصر من مستقر إلى سلبي بفعل عاملين:
أولًا: تقلص غطاء النقد الأجنبي لمجابهة متطلبات خدمة الدين، على الرغم من مساعدات الدول الخليجية والترتيب للحصول على تمويل جديد من صندوق النقد الدولي
-٢٧تابع

ثانيًا: ارتفاع أسعار السلع الاستراتيجية بنسبة كبيرة نتيجة الحرب الروسية الأوكرانية، واللي أدت لهروب الاستثمارات الأجنبية غير المباشرة
بس اللي محدش من الأشاوس بيقوله أن تقرير موديز أشاد بكتير من النقاط الإيجابية أبرزها القرارات اللي اتخذتها الحكومة لمجابهة التحديات الحالية
-٢٨تابع

والإصلاحات الهيكلية اللي نفذتها خلال السنوات الستة، وقاعدة التمويل المحلية الواسعة اللي مكنت الحكومة من الاقتراض لتمويل المشروعات التنموية، والنمو المنتظم في معدل نمو الناتج المحلي الإجمالي بشكل ساعد على قدرة التحمل الاقتصادي، واتجاه الدولة نحو منح القطاع الخاص للمشاركة
-٢٩تابع

بصورة أكبر في الاقتصاد مما يؤثر على جذب المزيد من التدفقات الأجنبية.
كل دا مش معناه ان التصنيف هو صك نهائي وينفع يكون ثابت. والحل المطروح حاليا لاستعادة ثقة مؤسسات التمويل والتصنيف الائتماني والمستثمرين في دول العالم هو إتمام الاتفاق مع صندوق النقد الدولي بأسرع وقت ممكن
-٣٠تابع

عشان تقدر تقف الحكومة على أرض صلبة تمكنها من الرد على الإشاعات أو حتى هزيمة المؤشرات السلبية
طيب ليه مصر بتبيع أصولها لو هى في ازمة مالية مؤقتة؟
حددت مصر مجموعة واسعة من الأصول الحكومية اللي طرحتها لمستثمري القطاع الخاص، ضمن خطة حكومية للانسحاب الكامل من قطاعات اقتصادية محددة
-٣١

في الوقت اللي تسعى فيه لجذب استثمارات بقيمة 40 مليار دولار على مدى 4 سنين
وبحسب تصريح رئيس الوزراء المصري مصطفى مدبولي: "نستهدف في السنوات الثلاث القادمة أن ترتفع نسبة مشاركة القطاع الخاص لتصبح 65% من إجمالي الاستثمارات المنفذة في البلاد من حوالي 30% في الوقت الحالي"
-٣٢تابع

وأنه سيتم طرح مشروعات للقطاع الخاص في قطاع السيارات الكهربائية الصديقة للبيئة، كمان مشروعات كبيرة محددة، زي مشروع تحديث البيانات أو الداتا سنتر، ومشروعات شبكات نقل البترول والغاز، والتوسع في محطات إسالة الغاز، وأبراج شركات الاتصالات، وإعادة تأهيل محطات الرياح
-٣٣تابع

مشروعات الطاقة المتجددة، وتحلية المياه والتعليم والأصول المصرفية
ومن بين الأصول اللي هيتم بيعها في البورصة بنهاية عام 2022 أسهم في 10 شركات حكومية وشركتين تابعتين للجيش وهما صافي لتعبئة المياة المعدنية والوطنية للبترول
كمان هيتم دمج أكبر 7 موانئ مصرية تحت مظلة شركة واحدة،
-٣٤👇

وطرح نسبة منها في البورصة، بالاضافة لدمج أكبر الفنادق المميزة تحت ادارة شركة واحدة يتم تقييمها من خلال بنوك استثمارية دولية، على أن يتم طرح نسب منها في البورصة للمصريين،
فيما يتعلق بالمشروعات الدولة الكبرى في قطاع النقل الحديث، زي المونوريل أو القطار الكهربائي، هيتم طرح
-٣٥تابع

نسب للقطاع الخاص، للاستثمار وإدارة المشروعات قريبا
مصر مش بتبيع مواني ولا بتفرط في أصول، هى فقط بتبيع اسهم وسندات بنسب لا تزيد عن 20%عشان تقدر تدخل نقد اجنبي وتوزع حوكمة الشركات وادارتها على قطاع يكون فيه حسن إدارة مواردها.
طيب ايه الدول الأبرز في عمليات الإستثمار والإدارة؟
-٣٦👇

1- الإمارات
كانت أبو ظبي مصدر للدعم المالي لمصر في فترات سابقة، بما في ذلك قبل تعويم في 2016، قامت بإيداع مليار دولار وأنشأت أيه دي كيو صندوق الاستثمار المشترك مع صندوق مصر السيادي لعمل توجيه للأموال في الصناعات و الأصول
استحوذت السنة اللي فاتت على شركة سوديك
-٣٧تابع

شركة التطوير العقاري الرائدة وشركة الدار العقارية وكمان شركة آمون فارماو التابعة لشركة باوش هيلث الكندية وكذلك مالك العلامة التجارية أطياب شركة الإسماعيلية للاستثمارات الزراعية والصناعية
صندوق الثروة السيادي في أبو ظبي،أيه دي كيو، هيشتري حصصا تملكها الحكومة في عدد من الشركات
-٣٨

بنحو ملياري دولار ابرزهم شراء ما يصل إلى 18% من البنك التجاري الدولي وحصة في شركة فوري و3 شركات تانية.
2-السعودية:
الشركة السعودية المصرية للاستثمار وصندوق الإستثمار السعودي، استهدفوا الاستثمار في عدد من القطاعات الواعدة في مصر
كانت أبرز الصفقات استحوزت فيها السعودية
-٣٩تابع

على 4 شركات بقيمة 13 مليار دولار وناخد مثال ازاي بيتم البيع وتقسيم الحصص في الصفقات الجديدة بشكل يقطع اي مجال للشك في ان مصر بتبيع اصولها:
وهى شركة موبكو للأسمدة بواقع نسبة مشاركة 5.72% من اجمالي اسهم الشركة فقط
بدخول صندوق الاستثمار السعودي ،
-٤٠تابع

بعد استحواذ الشركة القابضة أبو ظبي للاستثمار (ألفا اوريكس ليمتد) على 20% من أسهم الشركة، وبالرغم من شراء الإمارات والسعودية، لحصص في الشركة إلا أنه ما زالت الحكومة المصرية، بتمتلك النسبة الأكبر من الشركة، متقسمة كالتالي:
-٤١تابع

تمتلك الشركة المصرية القابضة للبتروكيماويات ( ايكم) نسبة 30.75%،
والشركة المصرية للقابضة الغازات الطبيعية، (إيجاس) بنسبة 7.62%،
وبنك الاستثمار القومي، 12.81 % من أسهم الشركة،
وشركة مصر للتأمين تمتلك 1.15 %،
وتمتلك الشركة العربية لللاستثمارات البترولية، 3.03%،
-٤٢تابع

ويتملك افراد من خلال الاكتتاب العام، على حصة 11.93 % من حصة الشركة
وكمان اشترت السعودية شركة الأسكندرية لتداول الحاويات وشركة آي فايننس للأوراق والإستثمار وشركة أبو قير للأسمنت.
3- الصين:
عشان مصر بتتحكّم مصر بالممر المائي الأكثر استراتيجيةً في العالم، وهو القناة ،
-٤٣تابع

وكمان مركز مهم للغاز في شرقي المتوسط وتنشط أيضاً كمزوّد أمن إقليمي مهمّ آخر، فهي بتدير إحدى أكبر القوى العسكرية في أفريقيا.
مصر متحالفة مع المحور السعودي الإماراتي، اللي سعى لبسط نفوذه في ليبيا والسودان وأماكن أخرى في منطقة الشرق الأوسط وشمال أفريقيا.
-٤٤تابع

عشان الصين صاحبة اضخم مشروع لوجيستي في العالم وهو الحزام والطريق متواجدة للإستثمار في مجال النقل وتطوير الموانئ في دولة بأهمية مصر وموقعها ، ومن المعروف أن شركة هاتشسون بورت الصينية بالفعل بتقوم بتشغيل 4 أرصفة بمينائى الإسكندرية والدخيلة،
-٤٥تابع

وتم التعاقد حديثا على تنفيذ المرحلة الأولى من مشروع إنشاء محور (السخنة / الدخيلة)، اللوجستي المتكامل للحاويات، للربط بين البحرين الأحمر والمتوسط، مع تحالف "هاتشسون ـ CMA-MSC ـ COSCO
.ودا تحالف صيني فرنسي بلجيكي مشترك
ومفيش تمليك للأجانب في الموانئ أو أصول السكك الحديدية
-٤٦تابع

أو الطرق أو الكباري،
لكن ممكن الإتفاق على منح إدارتها لبعض الجهات والمؤسسات الدولية. زي المتبع في مينائي السخنة، واللي بتُديره هيئة موانئ دبي من 2008، وميناء شرق #بورسعيد، وتُديره شركة ميرسك العالمية.
طيب هل احنا معرضين لسيناريو افلاس زي #سيريلانكا؟
-٤٧تابع

تطبيق سيناريو أزمة سيرلانكا على الحالة المصرية غير وارد على الإطلاق، عشان اختلاف قدرات الاقتصاد بين البلدين، والحالة المصرية قامت باصلاحات اقتصادية هيكيلية ضخمة في السنوات الأخيرة مكنت اقتصادها من الصمود امام "امتحانات الطالب المتفوق في مدرسة المشاغبين" خصوصا أن القاهرة
-٤٨تابع

"لم تتخلف من قبل طوال تاريخ معاملاتها الخارجية عن سداد الديون".
والاقتصاد المصري عريض ومتنوع، ولديه موارد كبيرة تصل إلى 5 منابع قوية، منها السياحة، والصادرات، وقناة السويس، وتحويلات المصريين بالخارج، والنفط والغاز، في المقابل سيريلانكا تمادت في اهمال المؤشرات الاقتصادية
-٤٩تابع

الخطيرةمما اودى بها للهلاك، يبقى ازاي نقارن مصر بسريلانكا؟!!
صحيح الاقتصاد المصري كان بينتظره مستقبل واعد لولا الأزمات الجيوسياسية العالمية وسوء التوقيت هيلازم الحكومة خلال النصف التاني من السنة وهتمثل تحدي كبير أمام مصر نظرا لأنها بتتزامن مع تراجع أغلب مصادر الدخل المصري
-٥٠تابع

من العملات الأجنبية، تحديداً من الأموال الساخنة، مع انخفاض سعر صرف الجنيه في مقابل الدولار الفترة الجاية وارتفاع الأسعار وكمان زيادة فواتير استيراد المواد الخام للتصنيع ودا بيوصلنا للمحطة الأخيرة
طيب مطلوب ايه عشان نعدي الأزمة؟
بحسب تصريح وزير المالية
-٥١تابع

"احنا اكتشفنا أن الصناعة هي الأمل للخروج من الأزمة" وبالرغم من تأخر الإكتشاف يا سيادة الوزير، واللي بيفسر امور متعثرة كتير في مسيرة الآقتصاد الا انه وكما يقول المثل "أن تأتي متأخرا خيرا من ألا تأتي"
تشغيل المصانع المتوقفة وتشجيع الصادرات وتنمية قدرة المنتج المحلي،
-٥٢تابع

وتسهيل الإجراءات المصرفية والجمركية عشان تقدر تدخل عملة صعبة وتخلينا أكثر قدرة على سداد الديون الخارجية من غير استدانة جديدة ويتطلب المناخ العام للاستثمار في البلاد، قوانين مشجعة، وسوق صرف ثابتة، وطاقة رخيصة، وإجراءات سريعة في الترخيص، وأراضٍ صناعية مخصصة من قبل الدولة،
-٥٣تابع

وحزمةمن الإجراءات تنفذها وزارات الدولة كلها دون أن يقتصر الأمر على الوزارات الاقتصاديةلازم ناخد التجارةوالصناعة على محمل الجد ولو لزم الأمر اعتبارها وزارة حرب!
نتمنى نقدر حجم الأزمة ونعرف انها مش دايمة لكن موجودةولازم نتعامل باسلوب يحلها بعيد عن التهويل اوالتقليل
بقلم
#شيرين_هلال

@Naguib_219 للخروج من ازمة الدين الطاحنة في هذا الوقت الوجيز وكمان محتاجة رجال اصحاب خبرة وارادة وتخطيط في مجالها لكن للاسف الدولة مش قادرة تقدم دا

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد