في هذا الثريد رح احكي عن تجربتي لاختبار الايلتس ( محوسب)🖥 وكيف حصلت على درجة ٦.٥ من اول محاوله(ماشاءالله)
اول شي لازم نعرف ان الاختبار يتكون من ٤ مهارات الا وهي مهاره الاستماع، والمحادثه ، والكتابه ، والقراءه
درجة الاختبار من ١ الى٩
درجة الاختبار من ١ الى٩
في منتصف عام ٢٠٢٠ قررت اختبر الاختبار وبدات رحلتي في ممارسه والتدريب للاختبار
نجي للاستماع كنت استمع لبودكاست من ١٥-٢٠ دقيقه باليوم وبكل لهاجات الثلاثه الامريكيه و الاستراليه والبريطانيه لان يمكن تجي اي وحده منهم في الاختبار! كنت استمع لبودكاست شي يعجبني مثل true crime على ابل podcasts.apple.com
وكنت استمع ايضا لاختبار تجريبي يختوي على اسئله من الاوديو بمايقارب عشر دقايق ielts-up.com
نجي للمحادثه كنت اتكلم مع نفسي واسجل صوتي من ١٥ -٢٠ دقيقه اسأل نفسي اسئله جت في الايلتس من قبل واستمع لها بعد ما اخلص واشوف اي اغلاطي واركز اني اعدل عليها، وكنت ايضا اتدرب مع اختي اتكلم باللغه الانجليزيه مرتين بالاسبوع نص ساعه
الكتابه : كتابه في تاسك ون وتو ون كان لازم اكتب ١٥٠كلمه بعشرين دقيقه بينما تاسك تو ٢٥٠ كلمه اربعين دقيقه، كنت اتدرب على السرعه بالكتابه اخذ نص مكتوب واكتبه بالكمبويتر بااستخدام الكيبورد واحاول اوصل ١٥٠ كلمه بعشرين دقيقيه
ايضا كنت اتدرب على اسئله تجريبيه كل يوم لمده ساعتين كل تاسيك مرتين ومنت بعد ما انتهي اخلي احد زملائي شاطر بالايلتس والكتابه خصوصا فكان يعلمني اغلاطي وايش اركز عليه ielts-up.com
هذا برنامج حلو في اختبار الكتابه يعد الكلمات وايضا يحط الوقت ieltsonlinetests.com
كنت كل يوم اكتب من ١٠ كلمات الى ١٥ كلمه رائجه باللغه الانجلزيه وبالايلتس بعد عشان احفظها املائيا لان لو غلطت بالكلمه املائيا تصير خطأ الاجابه !
نجي لاخر واصعب مهاره بالنسبه لي وهي مهارة القراءه، (اكرها)🤣شريت روايات وكنت اقرا كل يوم ٢٠ صفحه وبعدها اكتب اسئله على الي قريته واجاوبها ، كنت ايضا اتدرب على اختبارات تجريبيه كثير، وكان الشي الصعب هو ان الاجوبه تتشابه وتحس ان كلها صحيحه !
دخلت الاختبار عام ٢٠٢١م بعد ست شهور من المذاكره، كل شي ذاكرته جا منه واكثر شي ساعدني اني اكتب الكلمات بخط يدي واحفظها املائيا، بحيث في الاختبار اكتبها بسرعه بدون تفكير، اخذت توتل ٦.٥ لكن بالاستماع ٧.٥
اكثر شي خلاني ما اجيب درجه كويسه هو التوتر بالوقت لان وقت محسوب عليك فكنت كل شوي اناظر الساعه وهذا شي مو كويس انصح للي بيختبره انه مايتوتر ويناظر الساعه !
وبس كذا انتهيت من الثريد🥰
جاري تحميل الاقتراحات...