@AlaaAttya تقريبا مفيش حد في مصر يعرف محمد الضيف..الناس فاكرة حماس كيان واحد بيقوده خالد مشعل من الجاكوزي! حماس ليها قيادة سياسية "خارجية" متمثلة في اسماعيل هنية ونائبه خالد مشعل ونائبه التاني موسى أبو مرزوق..الناس دي هدفها تهيئة المسرح العربي والدولي لدعم المقاومة سياسيا وماديا..يتبع
@AlaaAttya جوه فلسطين,فيه قيادة سياسية "داخلية" متمثلة في يحيي السنوار..مهمتهم تهيئة المسرح الفلسطيني بكل أطيافه لدعم المقاومة والتنسيق مع الفصائل المختلفة واستقبال الزوار,,طبعا موجودين في غزة لكن بيعتبروا نفسهم مسؤولين عن فلسطين كلها
@AlaaAttya وتحت الأرض في غزة,فيه أهم عنصر في حماس وهو كتائب عزالدين القسام بقيادة المجاهد الكبير محمد الضيف,,دول ملثمين لأنهم مستهدفين طول الوقت من اليهود,,الكتائب هي الجناح العسكري لحماس ومهمتها تصنيع السلاح وتطويره لتحقيق الهدف النهائي وهو القضاء على اسرائيل
@AlaaAttya التنسيق بين ال3 مكونات بتوع حماس "قيادة سياسية خارجية + قيادة سياسية داخلية + كتائب القسام" مش سهل بسبب التجسس عليهم من اليهود والأمريكان وبعض العرب! وده بيؤدي ان أحيانا الكتائب بتاخد قرار الاشتباك مع اسرائيل من غير ما ترجع لهنية ومشعل اللي بيتفاجئوا بالضرب زينا بالظبط
@AlaaAttya محمد الضيف هو القائد العام للكتائب ومش مسؤول مسؤولية مباشرة عن تطوير الصواريخ لأن فيه مهندسين في الكتائب دي مسؤوليتهم المباشرة..منهم مثلا المرحوم د.جمال الزبدة ar.wikipedia.org
@AlaaAttya عدد مقاتلي القسام حوالي 50 ألف منهم 30 ألف مهندس و11 ألف خريجين علوم - محمد الضيف نفسه خريج علوم قسم أحياء دقيقة - وبيبعتوا بعض الطلبة بأسماء مستعارة يدرسوا هندسة كمبيوتر في أوروبا ويرجعوا تاني تحت الأرض عشان يطلّعوا عين اليهود!
@AlaaAttya كتائب القسام بتضم أقسام كتير منها الصواريخ,الأنفاق,المقاتلين المشاة,الكوماندوز البحري,الطيارات والغواصات المسيرة "غير المأهولة",الاعلام العسكري..وبمناسبة الاعلام العسكري لمع اسم المسؤول عنه في السنة اللي فاتت حبيبنا أبو عبيدة ar.wikipedia.org
@AlaaAttya بيتم اختيار المنتسبين للكتائب من المعروف عنهم التدين والالتزام..ومن أعمال محمد الضيف المهمة تأسيسه ل"طلائع التحرير" اللي بيختارهم من أبناء القساميين ومن المساجد في قطاع غزة عشان الطفل يبدأ طريق الجهاد على أسس سليمة وميتلوثش بوحل المجتمع
@AlaaAttya بيعلموا الطلائع في مخيمات تدريبية أساسيات التدريب العسكري من حمل السلاح والاشتباك وغيره,وبيدوهم جرعات مكثفة في التربية الاسلامية والفكر الاسلامي..وبيعلوهم كمان عبري وبيعرفوهم مكونات المجتمع الاسرائيلي
@AlaaAttya أحيانا بينضم للقسام ناس من بره زي المهندس التونسي الشهير ar.wikipedia.orgمحمد الزواري
@AlaaAttya وعودة لمحمد الضيف اللي اتشهر جامد "الا في مصر!" بعد حرب الشيخ جراح السنة اللي فاتت ودلوقتي أشهر هتاف في فلسطين هو "حط السيف قبال السيف - واحنا رجال محمد ضيف" youtube.com
@AlaaAttya @rattibha لو سمحت رتب التعليقات دي في ثريد ينفع الناس
جاري تحميل الاقتراحات...