⭕️ ١٥ قاعدة اجتماعية مهمة ومفيدة جداً لازم تكون عارفها.
#ريتويت
#ريتويت
١) ما تتصل على شخص اكثر من مرتين ورا بعض الا اذا كان في حالة طارئة. ممكن يكونوا نايمين، مشغولين او عندهم أي ظرف طارئ. ممكن ترسل ليهم رسالة وهم حيتصلوا عليك بعدين.
٢) اذا استلفت فلوس/قروش من أي واحد، مهم مهم مهم جداً ترجعها ليه قبل ما يسألك منها. في ناس كثير بتكون محتاجة القروش بس بتكون محرجة تطلب منك ترجعها.
اول ما تتسلف حاول توريهم بعد كم بتقدر ترجع المبلغ وحاول رجعه في الوقت القلته بدون ما يبدوا يسألوك.
اول ما تتسلف حاول توريهم بعد كم بتقدر ترجع المبلغ وحاول رجعه في الوقت القلته بدون ما يبدوا يسألوك.
٣) اذا في واحد عزمك في مطعم، ما تطلب اغلى شي في المنيو. وتطلب مقبلات ووجبة وسلطة وتحلي وتاخد راحتك. خليك منطقي والمرة الجاية اعزمهم انت.
٤) خليك لطيف وبشوش وراقي في التعامل مع الجرسون، عامل النضافة، السواقين او اي شخص بيقدم ليك خدمة. وعاملهم بنفس درجة الاحترام البتعامل بيها مدير او وزير.
٥) دايماً افتح الباب للشخص البعدك. بغض النظر الوراك ولد ولا بنت. طفل ولا شخص كبير، حاول تفتح الباب لكل الناس ما حتخسر شي.
٦) اذا ركبت تاكسي او اي مواصلات وصاحبك دفع ليك مرة، المرة الجاية انت ادفع ليه.
٧) احترم جميع الاراء بدون ما تسيء لأي شخص. وخليك عارف انه الرقم ٧ بالنسبة للشخص الواقف قدامك بيظهر ٨.
٨) ما تقاطع الناس وهي بتتكلم. انتظر لغاية ما الشخص القدامك يخلص تماماً بعدين اتكلم.
٩) اذا بتهظر (بتمزح) مع شخص وحسيت انه ما اتقبل المزاح دا او حسيته اتضايق ولو انه حاول ما يبين الشي دا، وقف طوالي وما ترجع تهظر معاهو في الموضوع دا تاني.
١٠) ما ننسى نقول شكراً ودعوة لطيفة لي اي شخص بيساعدنا.
١١) ما تنقض وعودك! ومن البداية حاول ما توعد شخص وعد اذا انت ما متأكد انك حتوفي بيه. وخلي هدفك انه كلمتك عندها وزنها. ولما تقول لي شخص انك حتعمل شي، يصدقك طوالي بدون اي مناقشة عشان هو عارف انك دايماً قدر كلامك.
١٢) لما واحد يحكي ليك سر، اخدوا معاك القبر.
حتى لو بعد كم يوم صحيتوا وانتوا اعداء.
حتى لو بعد كم يوم صحيتوا وانتوا اعداء.
١٣) لما واحد يوريك صورة رحلة مثلاً في تلفونه، ما تقلب في باقي الصور الا لو هو اذن ليك وحتى لو عارف انه الصورة الشفتها دي جزء من صور كثيرة من نفس الرحلة.
١٤) التزم بي مواعيدك!! حاول تختار مواعيد مناسبة معاك ودائما اسهل انك ترفض موعد مقترح معاك اذا انت عارف انك مشغول، من انك توافق على الوقت وتجي متأخر. حاول تعمل حساب الزحمة وكل العقبات وانت بتحدد الموعد.
١٥) ما تتكلم عن قروشك وسفراتك ومقتنياتك وسط الناس الاقل منك. وبنفس المبدأ ما تتكلم عن أطفالك ومغامراتكم سوا مع الناس الما عندهم أطفال. اكيد ممكن هم يكونوا ما عايزين أطفال بس اذا ما هم السألوك واذا انت ما عارف النقطة دي حاول اتكلم في اي شي تاني.
وبس دي كلها حاجات بسيطة لكن بتخليك انسان محترم جداً وسط المجتمع وكل الناس حتقدرك جداً..
هل في نصائح او قواعد إجتماعية شايفين انه مفترض الناس تعرفها وتتعامل بيها؟ اكتبوها في التعليقات وما تعملوا ريتويت عشان الناس تستفيد.
جاري تحميل الاقتراحات...