صبحك الله بالخير يا حضرة المتابع الكريم 😊 .. بقولك شي بس يا ليت تركز معاي .. سالفة إنك تتزوج شخص فيه صفات غير مقبوله على افتراض واهم إنك راح (تغيره) .. هذي السالفه يا ليت تعيد النظر فيها .. او تنسفها نسف .. عشان ما اضطر أمد ايدي .. انا اقولك ليش .. 1️⃣

أغلب السمات الفكريه و السلوكيه للشخصيات ما تتغير .. إلا اذا كانت (أعراض مرضيه) .. أغلبها تظل موجوده أو (تتحور) إلى صيغه أخرى لكنها تحمل نفس التيمه .. راح تقول اي ممكن تكون الصفه اللي مو عاجبتني من ضمن الصفات النادره اللي ممكن تتغير .. راح أخزك شويه و أقولك 2️⃣

هذي حياتك و ليست لعبة قمار .. يجب عليك التيقّن من إنك تستطيع التعايش مع صفاته السيئه بقية حياتك قبل الارتباط .. الارتباط مع (وهم) القدره على التغيير ليس إلا (إنتحار عاطفي) .. و الخدعه المعتاده هي الرجوع لنماذج حياتيه إما (نادره) أو (مختلقه) .. 3️⃣

الحب حلو و لطيف و كل شي .. بس لاحظ إن الحب يصنعه حاجتك بالمقام الأول .. و صفات المحبوب (ملعوب) فيها بواسطة عقلك المبتلى بالحاجه .. و هذا موضوع ثاني ما ابي ادخل فيه .. المهم .. تيقن من قدرتك على التعايش مع صفاته و انزع وهم التغيير .. بعطيك مثال عشان اكون واضح 4️⃣

شخص عنيف مع المحيطين .. شخص ما يحترم مشاعر الآخرين .. شخص استغلالي و بخيل .. شخص نرجسي .. شخص مندفع مستهتر .. (من بقى؟😁) .. المهم انا ما علي إلا النصيحه .. بناء على خبرتي في المجال .. و أدري انها راح اتضايق بعضكم .. 🌷