لسة راجعة من المطار.. كنا بنوصل قطط تبعي وتبع صديقتي رايحين تبني.. كلهم حالات صعبة وقطط مش adoptable في مصر خالص لكن برة قدرنا بالعافية نلاقي ناس تتبناهم. من القطط دول في قط عجوز وصحته على قده خالص بس هناك هيلاقي رعاية احسن وبيت احسن.. ادعوله يوصل بالسلامة عشان قلقانة عليه موت 😭
Safe travels to grandpa Nour ❤
ادعوله كتير والنبي. قبل السفر بفترة جاله الصفرا ولسة عنده.. وعنده بداية مشاكل في القلب وأنيميا وبيتعالج من كل دول.. واخد مهدئ عشان يصمد خلال الرحلة بس قلقانة لما يوصل لندن ان قسم استقبال الحيوانات مايرضوش يطلعوه ويقولوا يقعد عندنا شوية كمان نعالجه
طبعا هو هيطلع من المطار على الدكتور على طول ويكمل علاجه.. بس المطار رخم في إخلاء القطط. بردو انا بقلق بزيادة بس حقيقي مش عارفة هيجيلي نوم ازاي. معاه قطة تانية بتاعة صاحبتي بردو قطة مش أليفة ومن كتر خوفها دايما سكرها بيرتفع من اي مواقف فيها توتر
ف واخدة بردو مهدئ وكدا والمفروض لما يتعاملوا معاها بحرص سكرها مش هيرتفع اوي. قعدنا كتير نفكر وناخد أراء دكاترة لحد ما قررنا انهم يسافروا.. بس ستيل قلبي قلقان
The flight has departed 🥺
Landed just now
بقالهم تقريبا ساعتين واصلين بس لسة المطار ماقالش حاجة. عادة الإجراءات بتاخد متوسط ٦ ساعات لحد ما يطلعوا القطط من المطار.. ادينا مستنيين
المطار طمنا ان ال٥ قطط وصلوا بخير وكويسين الحمد لله ❤❤❤❤❤❤
دلوقتي القطط كل واحد فيهم بيطلعوه في kennel معاه اكل ورملة وماية.. وبينضفوا البوكسات لو قط عمل حمام او كدا. إجراءات الجمارك هتاخد وقت وبعد كدا القطط هتطلع مم المطار في عربية لبيت صديقتي اللي هتستلم القطط وبعد كدا المتبنيين هيروحوا ياخدوا قططهم من عندها 🙏
القطط خلصوا في المطار ودلوقتي في الطريق لبيت صاحبتي ❤ نور وليا هتستلمهم صاحبة ليا وهيرجعوا بالعربية ل Glasgow.. مشمش صاحبته هتستلمه ويرجعوا مدينة Leeds.. و آخر قطتين صاحبتهم هتاخدهم بpet taxi ويروحوا بيتهم في Sussex
جاري تحميل الاقتراحات...