يومياً تجيني رسايل نفس هذا النوع بمختلف التخصصات و الغريب ان اغلب التخصصات كانت حلوه و وضعها مو سيء بالسوق ، اللي ابي اقوله فيه كثير ناس عندهم كل التخصصات مالهم طلب عدا تخصص او تخصصين و الفكره هذي غلط و جزء كبير منهم مايعرفون شي عن سوق عمل التخصصات بس هبد
يتبع..
يتبع..
لذلك اذا ودكم تعرفون وضع التخصص اسألوا خريجي التخصص نفسه واسألوا اشخاص كثير لان البعض يبالغ و يتكلم بسلبية و البعض ينظر الى عالم وردي و البعض منطقي و واضح و كثرة السؤال تعطيكم نظرة عن الوضع ، وحتى الخريجين بعضهم ماعندهم لا معدل ولا سي ڤي زين وطبيعي مابيحصل و بتكون نظرته سيئة
يتبع
يتبع
و اي ان كان التخصص روحوا للناس المميزه فيه و الفاهمة بالتخصص سوا طلاب او خريجين اسألوهم كيف اتميز بالتخصص ايش مفروض يكون السي ڤي حقي ادري ان بدري بس حلو تفهمون من البداية و اسألوهم عن الفرص و الانشطة اللي ممكن تسووها و انتوا طلاب و تخليكم معروفين و تزيد فرصكم
يتبع..
يتبع..
اعرفوا ان اغلب التخصصات مو مضمونة التوظيف وهذا عادي بس اهم شي على الاقل تنزل له فرص بشكل دائم ويكون وضعه جيد جداً الى جيد حتى اذا تميزت بمجالك تقدر تحصل بسلاسه وبرضوا عادي اول وظيفة ماتكون راتبها قوي او تكون بمدينة بعيدة وهو كذا البدايات حتى تجمع خبره وشوي شوي الشغل يجر شغل
يتبع
يتبع
وبرضوا نقطة مهمة السوق مو ثابت و محد يقدر يضمنه من هنا الى بعد كم سنة بس علينا نعمل بالاسباب و نحاول نختار شي يجمع مابين رغبتنا الشخصية و ما بين ان فيه شوي توفر بالسوق مايكون ندره او قليل حتى نكون على الاقل مو متوترين او على قلق
يتبع..
يتبع..
ولو سويتوا كل هذا لكن ربي كتب لكم شي كان فعلاً فيه ندره او قلة وظيفية ايش الحل؟ ارضى بالمكتوب واتوكل على الله وما احمل نفسي هم التدبير لكن اعمل بالاسباب من ناحية ان ممكن احول او اجتهد بالتخصص واشوف ايش ممكن اسوي و اتميز فيه و يزيد فرصي و اعرف ان الله اكبر من السوق و اكبر من كل شي
وياما ناس دخلوا تخصصات فعلاً فيها ندره بس اول ماتخرجوا حصلوا لان الرزق بيد الله وتوكلوا عليه واعملوا بالاسباب و ان ماحصلت كل الاسباب اتركوا الامر لربكم وريحوا حالكم لان الهم ماراح يغير بالواقع شي عكس الدعاء و الاجتهاد ، و لاتخلون احد يجبركم على مجال ماتبونه او يحطمكم ويكسر فرحكم
جاري تحميل الاقتراحات...