#ثريد الإمارات وبيع الوهم
قبل ما أبدآ في الموضوع اول حاجه عايز انبه انه الإمارات بقت واجهت اغلبية البريطانيين وجميع دول ألعالم الأول لان فيها السياحة تجاوزت الدول المتطورة بمراحل وفيها حكومة لخدمة المواطن استصلحوالاراضي الصحراوية وخلوها خضراء وبنو اطول برج للفت الانتباه.
قبل ما أبدآ في الموضوع اول حاجه عايز انبه انه الإمارات بقت واجهت اغلبية البريطانيين وجميع دول ألعالم الأول لان فيها السياحة تجاوزت الدول المتطورة بمراحل وفيها حكومة لخدمة المواطن استصلحوالاراضي الصحراوية وخلوها خضراء وبنو اطول برج للفت الانتباه.
المقدمة الفوق دي عشان ادخل في الموضوع الرئيسي انها بالمواصفات دي حتكون غالية وتكون عندك 💸💷وعملوا كل شي بكفاءة عالية ودقه لمنافسة دول العالم الاول ونجحوا في ذلك يعني اذا مشيت زيارة هناك بتكون عامل حساب انك ماشي لبلد اغلي من لندن في كل شي.
للأسف الان مع الضغوطات
للأسف الان مع الضغوطات
الاقتصادية في السودان وعدم القدرة علي العمل في جو فيهو غمامة من الاحباط والتخبط السياسي والارتزاق الحركي والظلم العسكري علي المواطن ودا اثرة النفسي والمعنوي علي الشباب كبير ويولد خوف من المجهول ويخلي الشباب اول هم وحلم ليهو انه يتخارج من البلد الحاكمنها حمير
واعتذر للحمير لان فيها منفعه للبشر، وبالمقابل في كل أزمة تحصل للوطن المجروح بتلقي المنتفعين الفاسدين يستغلوها افضل استغلال ببيع الوهم للشباب في الاغتراب والسفر لانهم همهم الغنيمة والغني ويعلنوا في النت والشباب ماعندهم شي غير النت والجنبات ينتظرون القشة لإنقاذهم من بحر الاحباط
واليأس الواحد يلقي الاعلان بصورة ملفته ومنمق بخدعة بصرية 💢فرصه ذهبية للسفر للإمارات فيزة عمل وتصل في فترة وجيزه وتكون في عملك او ما شابهه💢 والمسكين يمشي ليهم في المحل ويعشموه اكثر وامثله من الناس المشو من وكالتهم واشتغلو المهم هو بحس ما عنده خيار غير يجرب حتي اذا كان ما مقتنع
يقوم يبيع الوراء والقدام او يتدين ويأخذ الفيزا ويمشي الإمارات وهنا الكارثة وعارف انه عايز يجرب الفشل.
بعد يصل اول شي يتفاجأ فيه انه السكن غالي والأكل غالي والمواصلات غالية يعني الا زول يكون شغال عشان يقدر للمنصرفات ويبدا مسيرة البحث وينتهي من المبلغ العنده وحالته النفسية تصبح
بعد يصل اول شي يتفاجأ فيه انه السكن غالي والأكل غالي والمواصلات غالية يعني الا زول يكون شغال عشان يقدر للمنصرفات ويبدا مسيرة البحث وينتهي من المبلغ العنده وحالته النفسية تصبح
سيئة، وللأسف بعدها بنصدم انه البنغلاديش والهنود بكثرة وكفاءات وفي نفس الوقت هم عماله رخيصة عشان كدا مرغوبين والحاجه دي بتخلي في تكدس من السودانيين وغير السودانيين وفي حاجه مهمه جدا وما بقولها ليك انك وقت تصل هناك في حاجات معينه لازم تكون عندك يعني ما ممكن تكون سواق وما عندك رخصة
امارتية دا مثال عشان كدا لازم تعرف كل شي والاهم انك ما تمشي فيزا من غير عقد عمل الا اذا كان ماشي لمعاينه من شركة او عندك مكان سكن تقعد فيه لمن توفق احوالك غير كدا انت بترمي بنفسك للتهلكه لآنها الفيزا فترتها ثلاثة شهور وبعد تنتهي كل يوم غرامة ماليه والله في مآسي في الإمارات منها
انك يصل بيك الحال تكون جعان وتنوم في الشارع واذا انت ضعيف في مناطق معروفه تكون قواد واماكن سيئة ما عايز اخوض في الموضوع لانه مقرف جدا وفي قصص بنات وشباب شي مؤسف جدا والسبب الاول إنه الواحد مشي من غير دراسة وتخطيط سليم عشان ما تقع في فشل وتجارب الاخرين ودا سبب البوست.
والكلام الفوق دا ينطبق لكل مناطق الخليج لكن الإمارات الاصعب فيهم وارجع واقول الانسان يكون طموح ويتحرك وما ييأس وكل شي قسمة والارزاق بيد الله لكن علينا نكون واعيين والأتعاظ من تجارب الاخرين وتجريب المجرب كما الحال في حكم السودان ودي ثقافه مفروض نغيرها.
جاري تحميل الاقتراحات...