واخيرا جا الوقت الي بتكلم فيه عن التصنيف/ الوصم او ال labeling theory بهذا الثريد 🫶🏻
اولا تاكدو انكم كلكم اتطلعتو على هذا المقال linkedin.com
التصنيف الاجتماعي او المرضي او حتى العمري فيه مره فكرتو ليش سوو هذا الشي؟ ممكن بعضكم مقتنع انه له فوائد ولكن الحقيقه انها طريقه عشان يسهل يسيطرون علينا عشان يحسسونا بالضعف والنقص
مثال لو شخص مصنف انه (غبي) ايش بيسوي هذا الشخص عشان يواكب المجتمع ويحاول يتخلص من هذي الوصمه؟ بيحاول يتعلم ومو قلنا انه التعليم كله اشياء متلاعب فيها على معتقدات فاشله وانت ياغبي مايحق لك تشكك بهذي النظريات وصارو بعتبرونها اساسيات!!!
ونفس الشي يا(ذكي) انت شخص كامل ومره مبدع بهذا الشي بيخلونك تركز عليه فقط او تحس بس تقدر تسوي هذا الشي😟 ونفس الشي ينطبق على كل تصنيف الموضوع صار مره كبير وصار كل واحد عنده اكثر من وصمه وهذا بيخلي عقلك يقتنع انك ضعيف بس صدقوني انتو كاملين واقوى مما تتوقعون
ونفس الشي ينطبق على (الهوايات) من وين جبنا هذا المعتقد ان الانسان لازم يكون عنده هوايه او ٢ او حتى ٣؟ يصير مبدع فيها ويكمل فيها حياته ممكن يصير مهووس بهذا الشي ابسط مثال: شخص قالو عنه رسام وش بيسوي بيكرس كل جهده على هذا الشي بدال مايقوي كل مهارات الحياه
وايش بيصير طيب ؟ بيخلونك محتاج للناس او بالاصح محتاج لهم يعني الرسام المهووس بموهبته هل ممكن يعرف شغل الطبيب او المهندس؟ لا طبعا فكره ان يحدون العقل البشري على شي واحد كيف جت ابي افهم؟؟ ليش نحتاج غيرنا لو بقى شخص واحد بالحياه هل بيعيش؟
الموضوع ماينتهي هنا على شغل ولا شي صار حتى ابسط الاشياء الادوار الاجتماعيه العمر كل شي تحس انك مغصوب تقدم شي بهذي الوصمه الموضوع مو بس يقهر الا اتلف اعصابي شوي وارجع اكمل اتمنى تشاركون 🫶🏻
تعرفون ايش الي يؤذي اكثر؟ لما الشخص يوصم نفسه يعني يصير عدو نفسه! ليش صايرين نوصم كل شي حتى الاطفال صارو يسوونها وهذا يسبب عداوه بينهم وكانه شي فطري. المجتمع مو قادر يتقبل الاختلاف كل احد لازم يمشي على معايير محدده وبوضح لكم اكثر لما اتكلم عن الانماط المتشابهه
بالنسبه لوصمه العار.. اكثر شي يقتلني😞 وتأتي باشكال عده منها العرق، الجنس وغيرها وغالبا تصير في الحالات الصحيه مثلا الي مهتم بصحته النفسيه علطول يوصفونه مجنون، او من يصاب بمرض سواء مزمن او معدي وحتى وصمه الجسديه المتعلقه بالاعاقه يرمون عليهم اقسى الوصمات حتى يحسسونهم بالعجز للاسف
طيب ايش ممكن نسوي حتى نوقف هذا الشي عن حده؟ ببساطه لاتستخدمونها حتى لو استهبال ولازم توعون الي حولكم عنه وكيف تاثيره على النفس واهم شي عليكم تقبل الاختلاف. بكذا اكون خلصت موضوع الوصمه باختصار اتمنى تشاركون حتى نستفيد من وجهه نظركم جميعا.
جاري تحميل الاقتراحات...