علموني وش غيرت فيكم سورة البقرة ؟
سورة البقرة اعظم سورة بالقران،القران كله خير لكن سورة البقرة لها تاثير عجيب وبركة،اللي يقول ماشاف تاثير احب اقولك(جرب اتركها وشوف كيف نفسيتك تنقلب و تصير هش وضعيف) البركة شيء خفي مو شرط نحسه بيدنا ونشوفه،والخير فيها عظيم وكبير مو محصور فقط بتحقيق امنيات الدنيا ،عشان كذا استمروا🤍
لانها تحميك من اللي مخفي عنك في ظهر الغيب(اسحار،امراض،ديون،ناس سيئة،مصيبة..الخ) و لانها تطهرك من ذنوبك و بفضل الله تشفيك روحياً ونفسياً وعضوياً (اقراها وانت تحس ببركتها الرسول اللي ما ينطق عن الهوى قال عنها بركة وطالما قال كذا فهو الصادق الامين) البركة تشمل كل شيء بحياتك♥️
وزي ماقلت مو شرط اللي في بالك يتحقق الان او يتحقق من الاساس لانه مايناسبك وبيدمرك لو صار وهالكلام مو سلبي ولا يحطم لان الله ادرى بمصلحتنا ويعلم فينا اكثر من انفسنا،او ممكن يصير بوقت اخر وقت تكون جاهز له، وكمان مرات يكون فيه تعب روحي و البقرة بعد الله تشفيك منه وبعدها تتيسر الامور
لذلك نظرتك لا تكون ضيّقة ومحدودة فقط بالدنيا وباللي يصير فيها،طالما تقرا قران انت مأجور و درجاتك ترتفع والله يحبك وبيرضيك لانك تقرا كلامه،واكيد ان البقرة حمتك من شرور كثيرة وخرجت ناس تكيد لك وتكرهك وهي تظهر الخير لك من حياتك وانت غافل،واكيد ان الخير بيجيك بس اصبر واستمر❤️
لا تقول ماشفت البركة(البركة تشملك طالما تقراها)واتحداك اذا تركتها تكون متزن نفسياً وقوي امام الدنيا لانها سبحان الله مثّبت قوي للانسان وقوة كبيرة،و تعطيك قوة في الشخصية والحياة وبتغرف من خيراتها طالما انت عليها فلاتستسلم لوسوسة الشيطان ويقول شوف فلان وانت ماصار شيء!
(لانك ماتعرف الغيب) و يضيّع عليك اجور كبيرة وكثيرة😩💔، سورة البقرة احب سورة على قلبي بعد الله هي تضمّد القلب وتجبر الكسر وتيسر الامور وتصرف الشرور وتحصنّك وتحفظك وتقويك وتصير متزن وحكيم وشخصيتك قوية،وبالاخرة تكون غمامة فوق راسك وتقيك حر يوم القيامة اي فضل اعظم من هذا؟ 💓
والله مهما اتكلم عن سورة البقرة ومن بدايتي لليوم اتكلم عنها سبحان الله ما يكفّي ولا يوفّي الكلام،الالاف من البشر يومياً يكلموني ويحكوني واشوف بعيوني قصص الناس وحولي كان لسورة البقرة بعد الله فضل كبير سوا كان ظاهر او خفي، واللي يتركها ينتكس ويتغير للاسؤا ويصير ضعيف.. تمسكوا بها🤍
جاري تحميل الاقتراحات...