قبل لا تدور على أي عقار للإستثمار
وقبل ما تحدد المبلغ الي تبي تستثمر فيه
لازم تجاوب على أهم سؤال
تابع معي

ايش نوع الاستثمار العقاري الي تبيه والي يناسب وضعك اكثر ؟
تحديد الهدف هو اول شئ قبل اي استثمار او بزنس
لازم تحدد هدفك من الاستثمار
وتعرف ايش إلي يهمك اكثر في استثمارك

هل هو العائد الايجاري ولا إلي يهمك أكثر هو الربح من بيع العقار بعد فترة ؟
تمام اذا يهمك العائد الايجاري اكثر
هل تبي ايجار قصير المدى يومي وشهري ( طبعاً دخله اكثر بس متعب اكثر )
ولا تبي طويل المدى ايجار سنوي وتريح راسك
بناءا على اجابتك يختلف العقار الافضل بالنسبة لك

واذا مستثمر عشان بيع العقار بعد إرتفاع سعره لازم تحدد تقريباً كم هي المدة المتوقعة تنتظر حتى تبيع .
اذا تبي تبيع بعد كم شهر وتربح راح يكون اختيار العقار مختلف عن الي تبي تنتظر عليه سنين .

بعد ما تجاوب وتحدد هدفك راح يبعد التشتت
ويكون اختيارك اسهل وأنسب
وبتعرف تحدد هل تاخذ شقة ام تاون هاوس ولا فلة وايش المنطقة الافضل لإستثمارك
وهل تاخذ بيع على الخارطة ولا عقار جاهز ......
#دبي