وهنا ثريد كامل للي حاب يدخل او مقبل على تخصص علوم حاسب من جميع النواحي ✅بسم الله نبدا ❤️
١- اول شي مبروك و اهلا فيكم في اجمل تخصص 👩🏻💻❤️
٢-ادا انتي دخلتي التخصص على رغبة ف اكيد انتي قريتي عنه قبل وعندك خبرة ف هذا شي حلو وحتكوني ضايعه بشكل بسيط بس بعد م تقري الثريد كامل محا تكوني ضايعه ابدا🤓
/ اما ادا انتي دخلتي التخصص وكان مو رغبتك ف لاتخافي اعرف بنات كثير دخلو التخصص مو على رغبة لكن بعد م عرفوه و درسوه حبوه اكثر من البنات الي دخلوه على رغبة!!😍😍
٣-في جامعات عندهم سنه تحضيريه وفي جامعات لا طيب نجي نتكلم عن السنه التحضيريه هي بشكل عام ابدا مالها علاقه بالتخصص هي كانها سنه زايده حرفيا المواد الي حتكون فيها فيزياء وكيمياء وتفاصل وتكامل وم الى...... بس فيها شي واحد مهم ايش هو طيب ي غاليه؟؟🤔
المعدل ثم المعدل ليه؟ لانها هي اول سنه و اول معدل لك ف افتكر اختي كانت تقولي السنه الأولى هي الاساس الي راح تبني عليها معدلك زي البيت كل م كان اساسه مبني صح البيت راح يبني صح عشان كذا لا تهملو السنه التحضيريه مو عشان مالها علاقه بالتخصص يعني خلاص👍🏻
٤-خلاص تخصصتي ؟ الان نجي للمهم اول نقطه مواد التخصص ابدا و ابدا بنات لا تحفظووو لانو عمرو الحفط محا يفيدك بشي اوك راح تعدي الاختبارات ومعدل وكلو تمام بس مستقبلا! ف بنات نصيحة مني كطالبه علوم حاسب والان انا بالتدريب ومريت ب اغلب الاشياء لاتحفظو حاولو تفهمو مرا واثنين وثالثه
٥-ثاني نقطه لا تكتفي بس على الي اخذتيها بالكلاس لانو التطبيق الكثير يساعدك على الفهم مثلا اخذت كود بالكلاس روحي البيت طبقي وجربيه لحالك زيدي عليه كم سطر العبي بالكود لعب دي الطريقه تخليك تكتشفي وتفهمي بنفسك✅
٦-ثالث نقطه وهي اكثر نقطه استفدت منها المذاكره اول ب اول متى راح تحسون انو لها فايده كبيره؟ وقت الضغط هنا تقولي ياليت ذاكرت اول ب اول طبعا اكلتها كثير 💔 تجيكم فترة ميدات وتسليم بروجكت وتسليم اسايمنت هنا تعرفي فايدة المذاكره اول ب اول طبعا م احكي لكم كمان عن الدرجات الحلوه😍
٧-رابع نقطه واكثر نقطه تعبت فيها وليت احد نصحني من قبل كان اتجاوزت اغلاط كثير💔بس الحمدالله عدت اموري بخير . الي هي؟؟؟ وقت تكوين القروب عشان المشاريع لا تتدخلي مع اي احددد اوك حتكوني جديده دوبك م تعرفي احد بس حاولي تصيدي البنات وتعرفيهم كيف بالكلاس تشارك؟ هل واضح عليها مهتمه ؟
ايش جوها؟ اسالي عنها ممكن في بنات يعرفوها حاولي بقدر الامكان تتدخلي مع قروب مناسب عشان لا تنظلمي وتروح عليك درجات لانو حرفيا مافي كلمة انا اشتغلت وهي لا ! الدكاتره للاسف م يعرفون🥲
٨-خامس نقطه من الان اقولك راح تمر عليك دكتوره او راح يمر عليك دكتور م يعرفون يشرحون خلاص ارسب ؟ الدنيا وقفت؟ اهمل؟ لا طبعا حاولي تفهمي الماده بنفسك م عرفتي؟ في قنوات كثير باليوتيوب والتلقرام يشرحون م فهمتي؟ في منصة شغوف @shagufsa 😍✨
٩-سادس نقطة تحتاجي لاب ؟ او ايباد ؟ طبعا عن نفسي اول السنوات م كنت احتاج ايباد واللاب كان مهم مرا لانو في برامج لازم نحملها عشان مواد البرمجه والسلايدات كنت اطبع بس مع مرور الوقت كان لازم اشتري ايباد لانو موضوع الورق صار يضاقني وم يساعد👀 بس بالنسبه ايش الاهم حاليا لاب توب👍🏻
وبس والله دي تقريبا كانت تجربتي وان شاءالله اكون افدتكم ❤️❤️❤️.
اشوف بالصور افضل👀💗☑️
جاري تحميل الاقتراحات...