#قصة توضح بعض آثار ما أكتب: كنت ذاهبة لأحد الأماكن لأقضي بعض شؤوني ، و على سبيل الصدفة (الموافقة) ، وبطبيعة الزمان والمكان كانت بجانبي إمرأة لا أعرفها ولا تعرفني ولا نعلم عن بعضنا شيء ، وكانت تصطحب أطفالها معها ، بادأتني بالكلام وتجاذبنا أطراف الحديث ، فسارت عجلة الحديث من حيث
لا أعلم في مواضيع شتى وسطحية ، حتى قالت فجأة بأنها حياتها مع زوجها تغيرت للأفضل بعد أن ساءت إلى حد قريب من الانفصال ، فقلت لها ماشاء الله الله يتمم عليكم ، فقالت آمين ويجزى محامية تويتر خير ، هنا أنا نغزني قلبي ، و برزت فوق رأسي علامات الاستفهام والتعجب ، قالت لا تعجبين وأخرجت
تويتر وفتحت لي حسابي!! ، وقالت مقفلته ما أدري وش فيها يمكن مبلغين عليها ، لأن عليها هجو..م غير طبـ..يعي ، قلت ليه وش سوت لك ولهم هذي المحامية ، فقالت أقسم بالله إنها تصيد الي فيها ريح على طول وتنبه الرجال ، لهذا كل الي يهاجمونها فيهم بلى ، أو خايفين تخر.ب عليهم شغلهم ، أنا مثلاً
كنت معلمة ومجتمع المعلمات فيه وفيه وفيه -ذكرت كلام لا أريد نقله- قلت لها ولكن التعليم والمعلمات من أعظم الناس قالت أدري بس العينات النسو..ية الي جت للتعليم سـ..يئة ، و الله يتعاونون على الإ.ثم والعد.وان ، قلت وشلون شفتي شيء بعينك ، قالت إيه كانوا يقولون لي لو.ثي أكل زوجك ، قلت
وشلون قالت يعني تحطين فيه فضلا..ت جسمك علوية كانت أم سفلية ، قلت وش الحكمة ، قالت يقولون علشان تجيه مرارة ، ولا قر..حة في المعدة ، المهم يتعب ولا يتزوج عليك مهما سا..ءت أخلاقك ، قالت وأنا ما أدري وشلون تعرف هالمحامية كل هذا الي يدور ، قلت يمكن عندها قضايا تعرف منها ، قالت
ما أدري بس كل الي تكتبه تقولين جالسة معنا ، قلت مو تقولين محامية يعني أكيد تجلس مجالس الحريم و تسمع كلامهم ، قالت ما أدري عنها بس سكنية ، ثم أردفت بقصتها تقول فكنت أتعنفق عليه ، حتى لو وداني مطعم سعره وسط وأكله زين أقول يع مو حلو ، علشان ما تاخذ رجله على الر..خيص ، قلت لها طبعاً
بنصائح الشلة قالت إيه حسبي الله عليهم ، تقول وكنت أخليه يحجز لي بالفيصلية والمطاعم الي لا يقل حسابه فيها عن ٩٠٠ ريال ، كذلك كنت أزعل ويخاف من زعلي وأقل شيء رضاوة شنطة من فندي ، وعندي الفيزا حقته أصرف منها زي ما أبي ، و محملته ديون ٣ مليون ريال كلها مني ، ما اخليه يرتاح يلهث ورى
طلباتي ، و فجأة صار يتكي على الجوال بشكل مبالغ فيه ويسهر لحاله على تويتر ، بل وصل أنه ينام في الصالة ، و أحس فيه طرف ثالث بيننا بس مدري مين ، المهم في يوم قلت بروح لصديقاتي طالعات قال طيب ، ورحت لهم وكانت جمعاتهم فيها دخان وشراب ، قلت شراب ايش قالت خمر ، قلت وأنتِ معهم طبعاً قالت
اجتمع معهم بس ما أستخدم شيء من الي يحطونه ، وأنا راجعه البيت شم فيني دخان ونشب لي ولا هي عادته ، وقعدت ادقه أقوله ما توثق فيني يا ويلك من الله يالي فيك ما يخطيك قال أقول بلا لف ودوران ، افتحي فمك وشمه مالقى فيه ريحة ، وقعد تحقيق لين إعترفت له قال الصاحب ساحب و زعل علي ، ولا عاد
كلمني ، ولا يطلب مني شيء ، و هاجرني و أسأله ما يتكلم ، و بديت أسوي أكل من نفسي واحطه له من دون ما أعرف هو عاجبه أو لا فأقوله -من باب الإختبار لعله يتكلم- قلي شكراً أنا تعبت ، يرد علي أنا ما طلبت منك علشان أشكرك ، أقوله ودني المطعم يقول البيت فيه مقاضي صلحي و أرفض ، يقوم ياخذ
عياله معه ويروحون ياكلون برا لحالهم ولا يجيبون لي شيء أضطر أطبخ ، سحب الفيزا حقته مني ورجع السلع الماركات الي اشتريتها و استرجع مبالغها ، تقول فقلت شكله ماخذ وحده علي ، ففتحت جواله من وراه ولقيته حاط سؤال في حساب و المحامية هذي مجاوبته وقايله شو..تها البيوت مليانة حريم صالحات ، و
لقيته مستشيرها وقايلها أنا كـ..سرتني هالحرمة وأخاف فيها شيء ولا أعرف كيف أتعامل معها ، وراده عليه تقول عطها حقوقها كاملة من مأكل ومشرب وملبس مادام في بيتك ما طلعت منه ، و أهـ.جرها ولا تتكلم معها نهائياً ، فإن لاحقتك تدور رضاك فهي طيبة أصلح معها ، وإن لم تلاحقك فهي بنت كـ..لب تزوج
غيرها ، تقول إحتريت ودخلت رديت عليها في الحساب الي فيه السؤال تقول لزخـ..تني وحظرتني بالنعا..ل ، تقول وقعدت أنا وزوجي ثلاث شهور زعلان علي لحد ماجيته وإعتذرت ، و قال ما يكفي الوظيفة بعد تخلينها ولا أتزوج عليك إختاري ، تقول قلت لا والله ابترك الوظيفة ، قلت لها طيب وين أحسنت لك
المحامية هذي وهي تسببت لك في كل هذا ، قالت والله إني أدعي لها ، أحس براحة كبيرة ، وهدأت نفسي ، و لا عاد فيه أحد أسابقه في الملابس والماركات ، ولا عاد أشوف متزوجات تبـ.خل على زوجها ولا تعطيه بحجة ما ياخذ عليه ، وهي تروح الصرافة وتسحب لخويها بالالآف وتعطيه كاش ، علشان ما تطلع في
حوالاتها ، فضلاً عن أن تأثيرهم كان قوي ، و أهم شيء إني كنت شوي و أنجرف لقا.عٍ سحـ.يق لكن الله فكني إنها غيرت زوجي ثم غيرني وتغيرت حياتي كلها ، قلت عندي سؤال قالت تفضلي قلت إنتِ تقولين عند زوجك تاكلين في مطاعم غالية وتتأففين من أي شيء أقل من ٩٠٠ صح قالت صح ، قلت عند أهلك وش كنتِ
تاكلين قالت "شاورما جنيه" ، قلت لها سبحان الله مغير الأحوال فضحكت ، قالت زوجي الحين صار ماعاد يهمه وصار ما عاد يخاف مني ، أول ما يقول قدامي أتزوج ، الحين يقولها بشكل عادي ، المشكلة إننا يالحر.يم كلـ..بات ، قلت لها كل وحدة تتكلم عن نفسها ، قالت يعني أقولك أول كان صاغر في عيني ، و
الحين صار في عيني كبير ومحترم مدري ليه ، قلت هذا موضوع يطول شرحه ، ومن ضمن ما قالته إن زوجها وزملاءه في العمل ومديرهم كلهم يجلسون يناقشون حسابي ، بل ثلاثة من خوياه إكتشفوا من خلال من أنشره من علامات وتوضيحات أن حريمهم على علاقة ، و واحد منهم إكتشف إن العيال عيال عشيق حرمته ،و
مازال يرفع للملك ولكن كل التوجيهات معلقة في المجلس ، ففترقنا أنا وهي من المكان وأنا أبتسم لها وفي داخلي أعلم أنها ما تعطلت أوامر الملك في المجلس لسبب غير أبو وظيفتين الفا...جر ، فهو معطل شرع الله أولاً ، ثم الأوامر الملكية لأجل سيداته العو...اهر ، وأعلم أنها الآن وهي تقرأ قصة
لقاءنا يظهر على وجهها علامات !!!!؟؟؟ ولكن أقول إهدأي بدون إنفعال فوالله إن لقاءك وسماع مالديك أسعدني ، وأرجوا أن تعذريني على عدم ذكر كل ماقلتيه ، ولكن اكتفي منه بما ينفع غيرك ، لعل محتاجاً لمثل قصتكما تفيده
وأرجوا أن أكون نفعتك عن طريق نصيحة زوجك ، لعل الله أن يجمعنا جميعاً في مستقر رحمته ، ويعفو عنا ويغفر لنا.
جاري تحميل الاقتراحات...