الطلاب المقبلين على الجامعه خصوصاً اللي حابين يدخلون تخصصات الحاسب :
نصيحه أخ 🙏🏻 قبل تختار تخصصك اقرأ عنه كثير وابحث عنه واعرف وش راح تدرس وش راح تكون بعد التخرج ، ممكن حتى تكون محتار بين اكثر من تخصص اقرأ ابحث واعرف تفاصيل التخصص وتجارب الطلاب فيه راح يساعدك كثير انك تختار ✅

وفي حاجات مهمه ابيك تركز عليها :
- حاول تبدأ من الأن في تطوير لغتك الانجليزيه ( مهمه خلال دراستك )
- افتح قوقل وابدأ البحث عن التخصصات اللي ببالك راح تعرف كل شي تبي تعرفه.
- ابحث عن الخطه الدراسيه لتخصص اللي بتدرسه عشان تعرف المواد اللي بتدرسها .

- اسمع تجارب الطلاب السابقين بالتخصص مو شرط تقرر على حسب تجاربهم بس اقلها يصير عندك معرفه سابقه وش راح تواجه بتخصصك .
- لا تنسى صلاة الاستخاره والله يكتب لك التوفيق يارب ❤️

بعد ما تدخل التخصص قدامك سنوات مهمه تبني فيها نفسك ومستقبلك اتمنى تشد حيلك ✅❤️ :
- تطور لغتك الانجليزيه .
- تركز على مواد الجامعه وتطلع منها ب أكبر فايده .
- تركز على فهم المواد + المعدل .
- تطور مهاره البحث عندك عشان اذا احتجت او وقفتك معلومه تعرف كيف تحصل عليها

- تركز على التعليم الذاتي راح يساعدك في الابداع بتخصصك
- تقفل اذانك عن كل شخص سلبي بيقول لك تخصصك ماله مستقبل وتركز على تطوير مهاراتك عشان تصير مبدع بالتخصص .
قدامك سنوات مهمه جداً في حياتك وبنفس الوقت بتكون سهله عليك اذا شديت حيلك فيها وتاكد ماراح يضيع لك تعب ان شاء الله ❤️✅