ايش اكثر شيء من العبادات شفتوا اثره بحياتكم؟
قرات اجاباتكم وجاء دوري اقولكم،والله ان اكبر شيء بحياتي غيرني بعد الصلاة بالوقت هو الخلوة مع الله واني افضل اشتكي له كل ما اتعب واتضايق بدال ماروح لاحد لاحظت تغير جذري حتى بمشاعري و قطعت الشكوى للخلق وصرت اقول لربي اي شيء بخاطري حزن فرحة تعب كسر ظلم الم والقى شيء عظيم وفرج ♥️
عشان كذا تشوفوني دايما اقولكم لا تشتكون للخلق بيطفشون منكم ولو ماطفشوا مابيدهم حل لكم دايما الجوا لله وحده بكل مشاعركم وهو بيفرج عنكم،اذكر وحدة قعدت بكربة ٦سنين وبس تبكي وتشتكي لصديقاتها وسمعت وقررت بعد موقف كسرها ما تفضفض لحد غير الله ابد مهما تالمت ،وقعدت سنة كاملة تفضفض لله..
وما تقول لحد شيء وقصتها موجوده اعتقد بحسابي بدورها واوريكم،تقول بعدها هي تغيرت تماما وعلاقتها مع الله صارت اقوى بكثييير وصارت تشوف رؤى مبشرة واللي ما انفرج خلال ٦سنين شكوى انفرج خلال سنة لجوء لله فقط❤️ادري اننا بشر ومحتاجين احد يسمعنا ويسمعنا كلام يطمن قلوبنا بس خلوا الله اول شيء
جربوا اول مايجيكم ظلم او تنكسرون او تحسون بضيقة او حزن او تحسون الدنيا كلها قفلت بوجيهكم تلجوا لله و تفضفضون معاه بنفس الكلام اللي كنتم بتقولونه للشخص المفضل لكم سوا اخ اخت زوج صديق ابن ابنة اي احد..وشوفوا كيف تتغيرون للاحسن وحياتكم كلها تتغير وشكواكم تقل جداً ومشاعركم تصير حلوة
حقيقي الخلوة مع الله والفضفضة له واللجوء له من اكثر الامور اللي غيرتني،وقبله لما غيرت صلاتي وصرت اجاهد تكون بالوقت ما تتخيلون قد ايش الصلاة بالوقت تغير كل شيء بحياتكم وخصوصا لما تكون بحضور قلب وعدم استعجال،بعده الصبر والدعاء شيء جبار وكثرة الذكر مهما كان الذكر (حوقلة،استغفار..الخ
صلاة الضحى اربع ركعات،صلاة الليل،الصدقة الصدقة الصدقة عليها الف خططط والله يابنات اجرها عظيم وما يشترط تكون مال طرق الصدقة كثيرة…سورة البقرة بصلاة الليل ، ختم القران بوقت قصير ، جبر الخواطر العبادات كثيره وجدا لكن اهم شيء فيها يكون الاخلاص وانك تسويها من قلب يحب الله❤️
وايضا احرصوا على سلامك قلوبكم لان القلوب هي محل نظر الله لنا صحيح كلنا مقصرين ومذنبين مهما جاهدنا وفعلنا لكن لعل سلامة قلوبنا و طهر نيتنا هو اللي يحمينا من كثير شرور ويفرج همومنا وهو اللي يرفعنا عند الله عشان كذا احرصوا على سلامة القلب زي مد تحرصون على عبادات الجوارح✅💜
وبتشوفون كل خير وتوفيق والله،،ترا سلامة القلب من نعيم اهل الجنة الله يرزقنا واياكم اعلى منازلها،احرصوا ايضا على عبادات السر من صيام وصدقة وقراءة قران ، وادعوا لغيركم دايما وصدقوني مافي شيء يضيع عند الله الفرج كلكم بتشوفونه باذن الله مهما حصل..واموركم بتتيسر وماجورين على كل شيء🤍
جاري تحميل الاقتراحات...