اشياء غيرت صحتي النفسية و الجسدية بعد مابديت اسويها 🪴🤍
لا تتجاهلين الثريد صدقيني بيفيدك اعرف جالسه حالية بغرفتك لا عندك شغف و لا أمل بالحياة بس ما حسيتي انو صار الوقت تبدين تعيشين حياتك و تعتمدين على نفسك تابعي خطوات الثريد ذا و انشاءالله يفيدك
اول حاجة ما ابغى اصير كرنج واقولك اصحي من وقت ومدري وش هاذا الشي راجع لك بس صدقيني جسمك ابد ماراح يرتاح اذا تسهرين وراح تحسين بخمول شديد و الشيء ذا يأثر على صحتك النفسية و الجسدية بنفس الوقت الانسان لازم ينام من 8-9 عشان يرتاح و يتنشط جسمه
اصحي الساعة 7 او 8 الصبح عشان يكون جسمك نشيط بس اول ما تصحين حاولي ما تمسكين جوالك ابدا لمدة 30 دقيقة افتحي شباك غرفتك خلي يدخلها هوا و شمس و أهم شي التأمل غمضي عيونك و حاولي تفكرين بكل الاشياء الي تسعدك اقل شيء خمس اشياء تسعدك و خططك للمستقبل عشان يصير عندك حافز للحياة
العناية الصباحية للبشرة طبعة اهم شيء غسيل الوجه اغسلي وجهك بصابون غسيل محدد للوجه لا تستخدمين صابون عادي عشان يضر البشرة و تقدرين تستخدمين روتينك الاعتيادي للعناية اهم شيء ترطبين وجهك بعد ما تخلصين
انا استخدم ذا الغسول اسمه Himalaya Herbals Purifying Neem Face Wash. موجود ب امازون و استخدم مرطب cerave موجود بموقعهم
الرياضة ،اعرف كثير راح يتكاسلون بذي المرحلة بس صدقيني الرياضة اهم شيء مارسي رياضة سريعة كل يوم لمدة عشرة لعشرين دقيقة لا اكثر بس عشان جسمك يتنشط ،حاولي تتبعين الخطوات الي بالصورة
خذيلك دوش سريع تسترخين فيه
بعدين نرجع للعناية بالبشرة ثاني اعرف مليتي بس صدقيني بيفيدك طبعة اهم و أول خطوة الثلج لا تستغربين الثلج مره فاد بشرتي اكثر من ما تتخيلين و كثير خبراء و عارضات ينصحون فيه اشهرهم العارضة بيلا حديد اول خطوة نقعي وجهك بمكعبات ثلج لمدة 30 ثانية بعدين تابعي الخطوات الي فالصورة
بعدين استخدمي ماسكات لبشرتك أي ماسكات انتي تفضليها اذا ما عندك تقدرين تسوين ماسكات بالبيت انا اكثر ماسك فادني هو ماسك 1 صفار البيض مع ملعقة كبيرة عسل و ملعقة كبيرة زيت زيتون مع نصف كوب دقيق الشوفان البارد اخلطيهم و حطيهم على وجهك لمدة 20-15 دقيقة بعدين غسلي و رطبي وجهك
و تقدرين تبحثين عن مقاطع ماسكات منزلية باليوتيوب 🤍
كذا انتهيتي من نفسك الحين اجى الافطار حاولي تفطرين شي خفيف و صحي مثلا توست البيض و الافوكادو او الشوفان مع الحليب و الفواكة المجمدة اشربي مي كثير المي كثير مفيد لجسمك اشربي 7-8 كاسة باليوم و اشربي عصائر طبيعية مثلا عصير البرتقال او ماء مع مكعبات الثلج و اليمون
بعدين شي مره مهم اعرف كلشي صار مهم بس الشيء ذا منجد مهم وهو الشمس الشمس كثير تفيد الجسم و البشرة و العقل دهني جسمك بواقي شمس و نامي على الشمس لمدة 30 دقيقة
اخر خطوتين و الاهم من جد الخطوات ذي غيرت شخصيتي مره حسيت كانه صار عندي حافز للحياة و شغف كانو حياتي صارت احسن بدرجة اول شيء التأمل الفكري ثاني شي اليوغا
التأمل بالانجليزي Meditation أهم شي تحتاجينه عقلك طبعة يفضل تمارسيه الصباح الباكر او بعد غروب الشمس شغلي موسيقة خاص بالتأمل اكتبي Meditation playlist و أبدي رحلتك روحي لاجمل الذكريات بحياتك مع خططك للمستقبل كلمي نفسك بثقة رددي كلمات ايجابي مثلا انا جميلة انا كاملة انا واثقة والخ.
بالنسبة لليوغا في كثير فيديوهات تعليمية على اليوتيوب افضل يوتيوبر الي انا اتبع خطواتها كل يوم اسمها yoga with adriene شغلي موسيقى خاصة باليوغا اكتبي yoga music و استمتعي او اتبعي الخطوات الي موجودة بالصورة
انتهيتي الحين سويتي كثير انجازات لنفسك حتتى انتي راح تفتخرين بنفسك بقى نص اليوم بايدك استمتعي فيه اتغدي مع عايلتك او اطلعك مع أصدقائك مارسي هواياتك ابعدي عن المشاكل و السلبيات واستمتعي بيومك
كذا انتهينا من الثريد اتمنى من كل قلبي تتبعون كل الخطوات يوميا اذا ما تحسون نفسكم جاهزين خذو وقت امضى وقت اكثر بينكم وبين نفسكم العدو عن الجوال شوي ترى ما بيصيرلكم شي بالعكس ترتاحون نفسيا و جسدية اذا عجبكم الثريد تابعوني 🤍🤍
جاري تحميل الاقتراحات...