رتبها

مُرفق تحليل دقيق جداً بيوضح بجلاء مشكلة النيل الازرق بكل شفافية، أهداف المشكلة، هل هي مصطنعة، من خلفها؟ وهل النيل الأزرق فيها ثروات طبيعية؟ والعلاقة شنو؟
تعالوا نشوف تسلسل للأحداث
تابعوا الثريد أدناه⤵️
#لنتعايش_باختلافنا
#النيل_الأزرق_تنزف
#نحو_ميثاق_موحد
#لاتفاوض_لاشراكة_لاشرعية

🛑المشكلة بإختصار تتمثل في الثريد أدناه:
1- النيل الأزرق بلد غنية جداً فيها ذهب ومعادن متعددة وثروات كتيرة خالص، طبعاً لما نجيب سيرة الذهب بيجي في راسنا طوالي حميدتي.
#لنتعايش_باختلافنا
#النيل_الأزرق_تنزف
#نحو_ميثاق_موحد
#لاتفاوض_لاشراكة_لاشرعية
⤵️

2- حميدتي أي مكان بيكون فيو ذهب طوالي بيكون عندو الرغبة يسيطر عليو (دي النقاطة المضمونة)، علشان كدا وضع النيل الأزرق في راسو وحبا عبر مالك عقار يصل ليو، وعلشان الكلام دا يحصل لازم تحصل إعادة هيكلة لخريطة النيل الازرق قبلياً وجغرافياً.
#النيل_الازرق_تنزف
#نحو_ميثاق_موحد
⤵️

3- ولأنو حميدتي عندو خبره ثريه من النظام السابق في خلق الفتن عبر سلاح العنصرية قام أقحم قبيلة الهوسا ذات الثقل الأثني في النيل الازرق لكي تكون في واجهة الاحداث وتظهر كأنها احداث قبلية كما يجري في بورتسودان من حين إلى آخر.
#لنتعايش_باختلافنا
#النيل_الأزرق_تنزف
#نحو_ميثاق_موحد
⤵️

4- شرارة الفتنة بدأت من مالك عقار لأنو حاول يغيير هيكل الادارة الأهلية في النيل الأزرق حيث عَيّن أحد أفراد قبيلته ناظراً لعموم قبائل النيل الأزرق.
#لنتعايش_باختلافنا
#النيل_الأزرق_تنزف
#نحو_ميثاق_موحد
#لاتفاوض_لاشراكة_لاشرعية
⤵️

5- الناظر الجديد (كعادة أي إداري جديد فرحان) حبا يعيّن ناسو فقام عيّن أمير لقبيلة الهوسا وحدد ليو حدود جغرافية لامارته وطبعاً حاكم الأقليم طوالي قام صدّق ليو موقع علشان يبنو فيو مقر للأمارة، هنا طوالي الأهالي قاموا اعترضوا على تشييد المبنى
#لنتعايش_باختلافنا
#النيل_الأزرق_تنزف
⤵️

6- أمير قبيلة الهوسا الجديد أصدر قرار بإيقاف كل بنات الهوسا من العمل بالسوق والأماكن العامة، لأنو حصلت عملية بتاعت تحرش بإحدى البنات، وعلى إثر الكلام دا أقام الهوسا نقاط تفتيش في الشوارع الرئيسية.
#لنتعايش_باختلافنا
#النيل_الأزرق_تنزف
#نحو_ميثاق_موحد
#لاتفاوض_لاشراكة_لاشرعية
⤵️

7- لأنو الظروف صعبة والناس بتفتش على أي دخل البنات ما إلتزموا بالقرار وعلى إثر الكلام دا، قاموا ناس لجان التفتيش إرجاع بنات قبيلة الهوسا إلى بيوتهم بالقوة وأعتدوا عليهم بالضرب في أعلب الأحيان.
#لنتعايش_باختلافنا
#النيل_الأزرق_تنزف
#نحو_ميثاق_موحد
#لاتفاوض_لاشراكة_لاشرعية
⤵️

8- إستدعى السيد المك الفاتح المك يوسف المك حسن عدلان (مك عموم قبائل النيل الأزرق) أمير قبيلة الهوسا وأعترض على طريقة تفتيش المركبات العامة وأن ذلك قد يؤدي إلى حدوث مشاكل ويقود المواطنين إلى فتنة.
#لنتعايش_باختلافنا
#النيل_الأزرق_تنزف
#نحو_ميثاق_موحد
#لاتفاوض_لاشراكة_لاشرعية
⤵️

9- بشهادة ثُقاة، المك الفاتح يوسف حسن عدلان دا (رجل عاقل وواعي ومتعلم ومثقف جداً، وهو كأهله لا يقبل الإحتقار أبداً ولا يخشى في الحق لومة لائم)، علشان كدا المك الفاتح علق لأمير الهوسا بشأن تنصيبه كأمير للهوسا وعدم مشروعية موضوع الأأمارة دا.
#لنتعايش_باختلافنا
#النيل_الأزرق_تنزف
⤵️

10- المك الفاتح قال للأمير ماعندنا حاجه أسمها أمارة في النيل الأزرق عندنا مكوكيات وعموديات، فإذا حابي تكون عمدة علشان تدير شؤون قبيلتك مافي مانع، طبعاً أمير الهوسا ماعجبو الكلام نهائي، فحصلت مُشاداة كلامية، قام المك الفاتح ولا كضب سجن ليك أمير الهوسا طوالي.
#النيل_الأزرق_تنزف
⤵️

11- أنصار الأمير يسكتو !! طبعاً (لا، قاموا أفراد قبيلة الهوسا بالنيل الازرق عملو مسيرة ضخمة راكبين عدد 13 جامبو وعدد كبير جداً من الحافلات والعربات الصغيرة في مدينتي الدمازين والرُصيرص، وقعدوا يسبوا ويشتموا في المك الفاتح وكل الإدارة الأهلية بالنيل الأزرق.
#النيل_الأزرق_تنزف
⤵️

12- مكوك النيل الأزرق يسكتوا ..!! (مستحيل)، المكوك أجتمعوا وقرعوا طبول الحرب (قبل شهور)، وطبعاً أعلنوا أستعدادهم لخوض حرب اتجاه قبيلة الهوسا 🫤 شغل عنتريات ساااااااي كدا، ما الدولة فاكه سااااااي، لا في جيش ولا أمن ولا حكومة ولا الهوااااا ... البلد أُمفكو
#النيل_الأزرق_تنزف
⤵️

13- قبل أيام قاموا مواطنين من منطقة أداسي محافظة قيسان في جنوب شرق النيل الأزرق بقتل أحد المزارعين من قبيلة الهوسا (دي القشة) في اليوم التالي قام أفراد من قبيلة الهوسا بقتل شخصين من قبائل النيل الأزرق إلى أن وصل الحال إلى ما وصل إليه الآن ومازال الله يستر.
#النيل_الأزرق_تنزف
⤵️

14- في اليومين الفاتو ديل جو أفراد كُتار من قبيلة الهوسا إلى قيادة الفرقة الرابعة وسلموا الأسلحة البحوزتهم وقالوا انهم ما دُعاة حرب ولا ما بيعرفوا يستخدموا الأسلحة ..!! وأعترفوا بكل وضوح أنو اللي سلحهم ناس الحركة الشعبية جناح مالك عقار.
إنتهى
#لنتعايش_باختلافنا
#النيل_الأزرق_تنزف

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد