التعليم
الصحة
العائلة
الصحة العقلية
قضايا اجتماعية
احتياجات خاصة
التوحد
دعم العائلة
التوعية بالتوحد
الدعم للحالات الخاصة
انا عندي اخوي اسمو عثمان عندو توحد من ما ولدوهو ما بتكلم و ما بحب الاجتماعيات كتير ،حقيقتاً انا ما اديتو الاهتمام العاوزو من زمان و كنت شايف انو دي الحاجة العاوزها هو. حصلت ليهو كم مرة انو بيطلع من البيت براهو و بيضيع فعشان كدا نحن حريصين على قفيل الابواب كتير من زمان
و تفكيرنا للاسف كان انو الحاجة دي عشانو لحدي ما اتعودنا انو ما يطلع من البيت غير مرات بسيطة بنخليهو يمشي الدكان يشيل الحاجات العاوزها و يرجع نفس البيت (السجن) القاعد فيهو..
انا لاحظت انو الحبسة دي بتاثر فيهو و بتزيد سوء حالتو زيادة من ما كان رحلو فوقنا ناس عندهم بت عندها توحد
انا لاحظت انو الحبسة دي بتاثر فيهو و بتزيد سوء حالتو زيادة من ما كان رحلو فوقنا ناس عندهم بت عندها توحد
نفس حالة عثمان و للاسف هم عاملين الاسوء تقريباً انو حابسنها في غرفة(ما بفكر انهم ما بحبوها او ساجننها لانو نحن مرينا بي نفس الحاجة هم خايفين عليها بالصورة الغلط بس) و لاحظت انو البت دي حالتها اسوء من عثمان بي مراحل بتكورك كتير في اليوم و بتضرب الشباك كلو مرا بي صورة عالية شديد
نتيجتاً لي حبستها الكتيرة و هي ما قادرة تعبر انها دايرة تطلع. الحالات الزي عثمان و زي البت دي ممكن تكون بتزعج الناس في الاجتماعيات يعني مثلاً عثمان كلو ما يجينا زول في البيت بحاول يجرو عشان يوديهو الدكان لانو نحن مرات ما بنخليهو يمشي عشان الشكولاتات ضرت اسنانو شديد
و الضيوف نادراً ما يرفضو دا (لعب مكارين من عثمان بس مفتح في الحكاية دي ما اكضب عليكم).
الداير اقولو لو عندكم زول في البيت اخوك/اختك/قريبك/قريبتك من ذوي الاحتياجات الخاصة و غالباً المتوحدين حاولو ما تحبسوهم بي قدر الامكان وفرو ليهم البيئة المناسبة ليهم ما تاخدوهم من
الداير اقولو لو عندكم زول في البيت اخوك/اختك/قريبك/قريبتك من ذوي الاحتياجات الخاصة و غالباً المتوحدين حاولو ما تحبسوهم بي قدر الامكان وفرو ليهم البيئة المناسبة ليهم ما تاخدوهم من
البيئة العندكم و تدخلوهم في اوض او البيت بس ،عموماً دي فئة من المجتمع ما تخجلو و تتحرجو من الناس بي سببهم الناس عندهم اكمل الحق انهم يرفضو الفئة دي و انت في الحالة الزي دي ارفض الناس زاتهم و راعي للفئة دي معاك و اديهم من وقتك دايماً عشان تطلعهم و تفسحهم لو هم قريبين منك شديد.
و برضو لو في زول عندو اخو او اخت او قريب او قريبة و عاوز يطلعهم بس ما قادر او ما عارف ممكن نعمل لينا قروب نشوف اوقات محددة في الشهر ليهم و نطلعهم حتة انا عن نفسي مقصر مع اخوي شديد و ان شاء الله حابدا من بداية ٨ دا للحاجة دي ايي زول زيي يعرف قيمة اخوهو او اختو دي
لانهم في النهاية ما عندهم زول غيرنا.
برضو لو ما بتقدر تطلع و تدوني الشرف بي انو استئمن اخوانكم او اخواتكم العندهم قدرات خاصة ممكن اتفق معاكم اسوقهم من ابواب بيوتهم و اوديهم معاي انا و عثمان.
برضو لو ما بتقدر تطلع و تدوني الشرف بي انو استئمن اخوانكم او اخواتكم العندهم قدرات خاصة ممكن اتفق معاكم اسوقهم من ابواب بيوتهم و اوديهم معاي انا و عثمان.
برضو المعاهد الخاصة بيهم ال في السودان اغلبها ما نافعة جربنا كتير نحن و لقيناهم بعملو ليهم نفس الحاجة بكونو محبوسين في البيوت و بيطلعو يتحبسو في المعهد عشان كدا ما تاتمنو المعاهد دي على اخوانكم
برضو نسيت حتى لو ما عندك ناس بتعرفهم من ذوي احتياجات خاصة و عاوز تساعد في الحاجة دي و حاسي نفسك منجذب للفئة دي و ممكن تساعد وريني لانو انا جادي عاوز ابدا الحاجة دي و ممكن تساعدني
اخر كلام لو هم صغار لسة دي بتكون احسن فترة انكم تطوروهم اكتر و اكتر و حيبقو احسن مني و منك بي كتير دي تعتبر هدايا من ربنا لي فئة معينة عاوزة البيئة المناسبة ليهم عشان ينورو على الناس دربهم و على نفسهم
و برضو لو صادفتوهم في اماكن عامة حاولو ما تحسسوهم انهم مختلفين انا باكد ليكم 100% منهم ما بياذو زول عشان كدا نظراتكم الغريبة دي وقفوها انا الحاجة دي حصلت لي كم مرة و شفتها بعيوني ما بقدر اشاكل زول في نظراتهم البعاينو بيها لي عثمان او احساس انهم خايفين منو
ما بتاثر علي في حاجة البتاعة دي بتقهر منها اي لكن تاثيرها على عثمان من الحاجات الوصلتو للحالة الهو فيها و قللت اجتماعيتو بي صورة كبيرة حتى مع ناس البيت فعشان كدا يا ريت الناس تفهم و تكون عندها قلب شوية لو امكن لانو الحاجة دي كتيرة في مجتمعنا دا
جاري تحميل الاقتراحات...