مش بحب اعلق على نقاشات تويتر بس امري لله:
هحكي كام موقف من عيادة اورام الثدي
بيبقى فيه عيادتين، عيادة ببقى فيها و عيادة تانية ساعات فيها زميل (دفعتي او اصغر) او اخصائي اكبر مني باقله ٥ سنين، يعني العيادة دي قائمة على نواب/اخصائيين سنهم اواخر عشرينات/اوائل التلاتينات.
هحكي كام موقف من عيادة اورام الثدي
بيبقى فيه عيادتين، عيادة ببقى فيها و عيادة تانية ساعات فيها زميل (دفعتي او اصغر) او اخصائي اكبر مني باقله ٥ سنين، يعني العيادة دي قائمة على نواب/اخصائيين سنهم اواخر عشرينات/اوائل التلاتينات.
١- التمريض دخلت لي "معلش يا دكتورة! دكتور — باعت لك الحالة دي."
- تمام تاخد دور و تدخل.
الحالة بنت عندها ١٨ سنة مامتها بتزقها "اهو دكتورة اهو!"
وضح فيما بعد انها قعدت ١٠ دقايق مع الدكتور مترددة ترفع هدومها و عيطت فالدكتور طلعها من العيادة و قال لها اكشفي في العيادة اللي جنبي
- تمام تاخد دور و تدخل.
الحالة بنت عندها ١٨ سنة مامتها بتزقها "اهو دكتورة اهو!"
وضح فيما بعد انها قعدت ١٠ دقايق مع الدكتور مترددة ترفع هدومها و عيطت فالدكتور طلعها من العيادة و قال لها اكشفي في العيادة اللي جنبي
(عشان يبقى الناس متخيلة بس حملة الكشف المبكر عن اورام الثدي يومياً بيجي حوالي ٢٠٠ حالة من ضمنهم و احياناً زيادة عليهم حالات متابعة ما بعد العملية او حالات هتتحضر لعملية او حالات معها نتايج عينات على وشك انها تتبلغ عندها ورم خبيث ولا حميد، فال١٠ دقايق تردد في الكشف بيفرق معنا)
البنت لما كشفت عليها كانت مترددة بردو، و انا بكشف هي بتدمع و وشها للحيطة و اول ما خلصت كشف قعدت بسرعة و وشها في الارض و حرفياً كان فاضل ثانية تضربني انا و مامتها.
هل كل ده اڤورة؟ لا، كل ده كان بالنسبة لي طبيعي جداً. طبيعي ان البنت نفسياً تبقى متضيقة، اه هي عارفة ان ده كشف طبي-
هل كل ده اڤورة؟ لا، كل ده كان بالنسبة لي طبيعي جداً. طبيعي ان البنت نفسياً تبقى متضيقة، اه هي عارفة ان ده كشف طبي-
اه هي عارفة ان ده لمصلحتها بس هي شعرت بالحرج غصب عنها.
هل فرق وجودي كبنت في عيادة الجراحة عن وجود ولد؟
اه وفرت ال١٠ دقايق… البنت نفسياً مش احسن حاجة بس أحسن من دماغها اللي كانت هتاكلها لما تروح البيت بتفكر في الشاب اللي كشف على صدرها.
هل ده له علاقة بتربية او ثقافة؟ لا دي نفسية.
هل فرق وجودي كبنت في عيادة الجراحة عن وجود ولد؟
اه وفرت ال١٠ دقايق… البنت نفسياً مش احسن حاجة بس أحسن من دماغها اللي كانت هتاكلها لما تروح البيت بتفكر في الشاب اللي كشف على صدرها.
هل ده له علاقة بتربية او ثقافة؟ لا دي نفسية.
هو اللي كشف دكتور و كل حاجة بس بعقلية مراهقة، الفكرة اللي هتجيب لها ارق ان شاب/راجل شافها… بعيداً عن اي منطق و قسم الطبيب و كل ده، البنت هتفكر كده.
و بطريقة ما الconsent كانت من مامتها مش البنت نفسها فالبنت حاسة انها violated.
و بطريقة ما الconsent كانت من مامتها مش البنت نفسها فالبنت حاسة انها violated.
٢- مريضة عندها ٥٠ سنة، عرفت ان الاخصائي موجود و بيكشف على الحالات اللي سنها كبير عشان دول اللي بنلاقي فيهم مشكلة فعلاً، و انا في العيادة التانية بكشف على اللي سنهم تحت ال٣٥ و متابعات العملية، فالست طلبت تكشف معايا… "يا حاجة ده الدكتور ده شاطر و مشهور! الدكتورة التانية صغيرة!"
المهم اصرت، و لما دخلت لي قعدت تتأسف لي و تقولي "اصل انا عمري ما كشفت على راجل ابداً…" و هي بتضحك و بعدها دمعت "انا متجوزتش بس دول بنات اختي اكنهم بناتي!" و عيطت… كشفت عليها و مش فاكرة حقيقي الحالة كانت ايه بس فاكرة انها طبطبت عليا"ربنا يكتر من امثالك!"مع انني ما عملتش اي انجاز
الدكتور التاني يعتبر اصغر منها بكتير بس راحتها النفسية… بس كده! يمكن في دماغها بردو كلمة "ستر" بس مش المقصود منها ان الدكتور هيفضحها بس هي هتحس انها مش مرتاحة في الكشف معاه مش اكتر.
لو فيه اختيار انسب لنفسيتي، ما اخترهوش ليه؟
لو فيه اختيار انسب لنفسيتي، ما اخترهوش ليه؟
ومش هتكلم عن العيادة دي بالذات قد ايه بيفرق لما واحدة تبلغ مريضة بإن عندها ورم خبيث في الثدي و تشرح لها العمليات و ان واحد يتكلم معها في الموضوع ده اكنها هتشيل اللوز. انا حضرت مع الاتنين و الفرق كبير. واحد professional to the level of heartlessness و التاني professional empathy.
٣- رجالة كتير بتيجي عيادة الجراحة في مستشفى عام و ببقى واقفة مع الاستشاري و المريض بيكشف عن فتق اربي او شرج، و يبقى واقف متردد و يبص لي و الاستشاري يقول له "دي دكتورة! يلا يا حاج عشان نخلص!" فبمشي انا اخلص ورق، او اقرا في حاجة المهم مش بكشف عليه.
هل انا هفضح الراجل؟ لا بس انه يكشف مع راجل هيبقى احسن نفسياً عن انه يكشف مع بنت.
و مش هتكلم عن كمية العقليات اللي بتفكر ان المشكلة فيا انا اللي ازاي اكشف على راجل؟ مافيش حياء خالص؟
و مش هتكلم عن كمية العقليات اللي بتفكر ان المشكلة فيا انا اللي ازاي اكشف على راجل؟ مافيش حياء خالص؟
٤- عسكري جه الطوارىء بيتوجع و بسأله ايه اللي حصل و هو يصرخ و يزعق و يبص لزمايله و زمايله يبصوا الناحية التانية لغاية مازعقت، طلع عنده scrotal torsion و ممكن الخصية تموت في ساعات. الولد و صحابه كان هاين عليهم يموت من الوجع عادي-
بس مايقولوش الكلمتين دول…كلمتين مش كشف!!
و هل ده صح؟ لا.
بس هل ممكن الومه؟ لا، لانه كان محرج و اضطر يقول لي لما مالقاش دكاترة ولاد موجودين.
فوجود حرج مش مقتصر على البنات الصغيرة و الستات، ده موجود في الولاد الصغيرين و الرجالة كمان.
و هل ده صح؟ لا.
بس هل ممكن الومه؟ لا، لانه كان محرج و اضطر يقول لي لما مالقاش دكاترة ولاد موجودين.
فوجود حرج مش مقتصر على البنات الصغيرة و الستات، ده موجود في الولاد الصغيرين و الرجالة كمان.
٥- احنا دكاترة عارفين ان لا حياء في العلم و الكلام ده بس معظم الدكاترة البنات بتتابع مع دكاترة نسا ستات مع ان جوزها الدكتور بيفضل دكتور نسا راجل عشان معروف و شاطر، بس هي بتفضل راحتها النفسية.
و اهو دكتورة و عارفة اخلاقيات الطبيب و كله، بس هي فضلت راحتها النفسية.
و اهو دكتورة و عارفة اخلاقيات الطبيب و كله، بس هي فضلت راحتها النفسية.
—
البنت اللي كتبت التويت ممكن يكون خانها لفظ "ستر" و فتح عليها باب الانتقاد و تعريفات اخلاقيات الطبيب و حاجات كتير من هذا القبيل.
بس كل الحكايات دي انا بقولها عشان اوضح ان البنت كان قصدها "الراحة النفسية للمريض" عن "الستر،" و الموضوع مش مقتصر على بنات، ده يشمل ستات و رجالة.
البنت اللي كتبت التويت ممكن يكون خانها لفظ "ستر" و فتح عليها باب الانتقاد و تعريفات اخلاقيات الطبيب و حاجات كتير من هذا القبيل.
بس كل الحكايات دي انا بقولها عشان اوضح ان البنت كان قصدها "الراحة النفسية للمريض" عن "الستر،" و الموضوع مش مقتصر على بنات، ده يشمل ستات و رجالة.
عشان عددنا قليل خصوصاً في المستشفيات العامة/التعليمية فمش بنتعلم احترام نفسية المريض لان لو المريض هيختار فيه ناس هتتعلم اكتر من ناس و المفروض نتعلم كل حاجة فللاسف مش بناخذ الموضوع ده في اعتبارنا اصلاً و ده مش قسوة مننا قد ما هي قسوة الظروف اللي بنتعلم فيها.
نقطة اخيرة عايزة اقولها اوضح فيها بردو نظرية الدكتور اللي علق على الموضوع، في حالة الطوارىء لما بتبقى حالة حياة او موت مفيش وقت ولا رفاهية اختار دكتور بنت ولا ولد، صغير ولا كبير يكشف/يباشر الحالة، اللي موجود ينقذ الروح دي بنت بقى ولا ولد مش بتفرق ساعتها! ولو مرضى المستشفى كلهم
بنات و مافيش غير دكتور راجل فلازم يهيئوا نفسهم نفسياً ان هو اللي هيكشف عليهم و الهدف انه يساعدهم و العكس بردو لو الحالات كلها رجالة و مافيش غير دكتورة ست فهي بتكشف عشان تساعدهم مش عشان تحرجهم.
بس في الحالات cold/stable في عيادة من حق المريض يكشف مع اللي يرتاح نفسياً معاه.
بس كده.
الاتنين وجهات نظر مش مضادة لبعض… بس كل واحد له exception مش اكتر.
حد فهم حاجة؟ لا؟ تمام كده وصلت. 🙏🏼
بس كده.
الاتنين وجهات نظر مش مضادة لبعض… بس كل واحد له exception مش اكتر.
حد فهم حاجة؟ لا؟ تمام كده وصلت. 🙏🏼
جاري تحميل الاقتراحات...